டைடானிக்’ திரைப்பட விமர்சனம்

டைடானிக்’ திரைப்பட விமர்சனம்

ராகவ் விஜய், தனது திருமணத்திற்காக சென்னையில் இருந்து ரயில் மூலம் பெங்களூர் செல்கிறார். சண்டை போட்டு அம்மா வீட்டுக்கு சென்ற தனது மனைவியை அழைத்து வருவதற்காக பெங்களூர் செல்லும் காளி வெங்கட்டும் அதே ரயிலில் பயணிக்கிறார். பல வருடங்களாக தன்னைவிட்டு விலகியிருக்கும் காதலியை தேடி செல்லும் கலையரசனும் அதே ரயிலில் பெங்களூர் பயணிக்கிறார். இவர்கள் மூன்று பேரும் ரயிலில் நண்பர்களாகி, தங்களது காதல் கதைகளை பகிர்ந்துக் கொள்கிறார்கள்.

ஒருவருக்கு பள்ளிக் காதல், ஒருவருக்கு கல்லூரி காதல், மற்றொருவருக்கு அலுவலக காதல் என்று மூன்று பேரும் வெவ்வேறு காலக்கட்டங்களில் காதலித்தாலும் மூன்று பேரின் காதலும் கவுந்து போகிறது. அது ஏன் ?, அதன் பிறகு இவர்களது வாழ்க்கையில் என்ன நடந்தது ? ஆகிய கேள்விகளுக்கான பதிலையும், தற்போதைய இவர்களது சந்திப்பினால் ஏற்பட இருக்கும் எதிர்பார்க்காத திருப்பத்தையும், காமெடியாகவும், காதல் உணர்வோடும் சொல்வது தான் ‘டைடானிக்’.

கலையரசன், காளி வெங்கட் மற்றும் ராகவ் விஜய் மூன்று பேரும் தங்களது இயல்பான நடிப்பின் மூலம் படத்தை தாங்கிப் பிடித்திருக்கிறார்கள். ரயிலில் நண்பர்களாகி தங்களது காதல் கதைகளை பகிர்ந்துக் கொள்ளும் காட்சிகளாகட்டும், மூன்று பேரின் காதல் கதை என அனைத்திலும் அவர்களது அளவான நடிப்பு காட்சிகளை ரசிக்க வைக்கிறது.

பல வருடங்களாக 10ம் வகுப்பு படித்து வரும் காளி வெங்கட் சக மாணவியான கயல் ஆனந்தியை ஒருதலையாக காதலிப்பது நகைச்சுவையாக இருந்தாலும், அவரது காதல் பார்வை, காதல் பிரிவுக்குப் பிறகான ஏக்கம் போன்றவற்றை மிக சிறப்பாக தனது நடிப்பில் வெளிப்படுத்தி கவனம் ஈர்க்கிறார்.

கல்லூரியில் கயல் ஆனந்தியை காதலிக்கும் கலையரசன், குடும்ப சூழ்நிலை காரணமாக அவரை பிரிந்தாலும், அவரது நினைவாக வாழ்ந்துக் கொண்டிருக்கும் தனது உண்மையான காதல் உணர்வை வெளிப்படுத்தும் காட்சிகளில் பார்வையாளர்கள் மனதை தொட்டு விடுகிறார்.

அலுவலகத்தில் ஆஷ்னா சாவேரியை கண்டதும் காதல் கொள்ளும் ராகவ் விஜய், அவருடனான மோதலால் அவரை பிரிந்து பெற்றோர் பார்க்கும் பெண்ணை மணக்க தயாரானாலும், முன்னாள் காதலால் கல்யாண வாழ்க்கையில் எதாவது பிரச்சனை வந்துவிடுமோ, என்ற குழப்பமான மனநிலையை தன் நடிப்பின் மூலம் சிறப்பாக வெளிப்படுத்தியிருக்கிறார்.

நாயகியாக நடித்திருக்கும் கயல் ஆனந்தி, கதாபாத்திரத்தின் வெகுளித்தனத்தையும், குழந்தைத்தனமான குறும்புகளையும் மிகைப்படுத்தாமல் இயல்பான உடல்மொழியால் கண்முன் நிறுத்துகிறார். காதலருடன் ஏற்படும் சின்னச் சின்ன சண்டைகள் மற்றும் ஈகோ மோதல்களில் கோபம், ஏக்கம் என மாறுபட்ட உணர்ச்சிகளைத் துல்லியமாகக் கடத்தியிருக்கும் கயல் ஆனந்தி, தனது துருதுருப்பான கண்களாலேயே காதலையும் குழப்பத்தையும் அழகாக வெளிப்படுத்துகிறார்.

மற்றொரு நாயகியாக நடித்திருக்கும் ஆஷ்னா சாவேரி, கதைக்குத் தேவைப்படும் இடங்களில் முதிர்ச்சியான உணர்ச்சிகளையும், சோகத்தையும் முகபாவனைகளில் நேர்த்தியாகக் கடத்துவதோடு, பாடல் காட்சிகளிலும், முக்கியத் திருப்பங்கள் நிறைந்த காட்சிகளிலும் தனது துடிப்பான நடிப்பால் ரசிக்க வைக்கிறார்.

மதுமிதா, சேத்தன், தேவதர்ஷினி, சு.செந்தில் குமார், சிறப்பு தோற்றத்தில் நடித்திருக்கும் இயக்குநர் பாலாஜி மோகன், காயத்ரி உள்ளிட்ட அனைவரும் சிறிய அளவில் முகம் காட்டியிருந்தாலும், திரைக்கதையில் முக்கிய பங்கு வகிக்கும் விதத்தில் பயணித்திருக்கிறார்கள்.

ஒளிப்பதிவாளர் பல்லுக்கு பெரிய வேலை ஏதும் இல்லை. குளோஷப் ஷாட்களை படம் முழுவதும் நிரப்பியிருப்பவர், காட்சிகளை வண்ணமயமாக படமாக்கி ரசிக்க வைத்திருக்கிறார்.

நிவாஸ் கே.பிரசன்னா இசையில் பாடல்கள் அனைத்தும் மனதை வருடுகிறது. பின்னணி இசை காதல் உணர்வுகளை பார்வையாளர் மனதில் கடத்தும் விதத்தில் மென்மையாக பயணித்து படத்திற்கு பலம் சேர்க்கிறது.

மூன்று பேரின் காதல் கதைகளின் தொகுப்பு தான் கதை என்றாலும், அதை சுவாரஸ்யமாக நகர்த்திச் செல்லும் வகையில் காட்சிகளை நேர்த்தியாக தொகுத்திருக்கிறார்கள் ராதாகிருஷ்ணன் தனபால் மற்றும் இக்னேஷியஸ் அஸ்வின். படம் முழுவதும் வசனக் காட்சிகள் தான் அதிகம் என்றாலும் படம் தொய்வில்லாமல் நகர்வதற்கு இவர்களது பணி பெரிதும் கைகொடுத்திருக்கிறது.

காதல் மற்றும் காதலுக்குப் பிறகான வாழ்க்கை பற்றி பாடம் நடத்தியிருக்கும் இயக்குநர் எம்.ஜானகிராமன், காதலுக்குப் பிறகான வாழ்க்கையையும், அதில் எழும் நடைமுறைச் சிக்கல்களையும் யதார்த்தமாகவும், முதிர்ச்சியாகவும் பேசியிருப்பதோடு, பார்வையாளர்கள் மனதில் காதல் உணர்வுகளையும் கடத்தியிருக்கிறார்.

காதலிக்கும்போது இருக்கும் ஈர்ப்பும், கொண்டாட்டமும், காதலுக்குப் பிறகான வாழ்வில் எப்படிப் பொறுப்புகளாகவும், புரிதல்களாகவும் மாறுகின்றன என்பதை இயக்குநர் மிக நேர்த்தியாகக் காட்சிப்படுத்தியுள்ளார்.

வழக்கமான சினிமாத்தனமான திருப்பங்களோடு படம் முடிவது திரைக்கதையின் பலவீனமாக இருந்தாலும், நம் அன்றாட வாழ்வில் நடக்கும் சின்னச் சின்ன ஊடல்கள், எதிர்பார்ப்புகள் மற்றும் மனக்கசப்புகளைக் கதையாக்கிய விதமும், கல்யாணத்திற்குப் பிறகு மனைவியிடம் முன்னாள் காதல் பற்றி சொல்வதால் குடும்பத்தில் ஏற்படும் குழப்பங்களை நகைச்சுவையாக சொல்லி சிரிக்க வைத்தாலும், சிந்திக்கும்படி எச்சரித்த விதம் திரைக்கதைக்கு பெரும் பலம் சேர்த்திருக்கிறது.

எந்தவொரு கதாபாத்திரத்தையும் நல்லவர், கெட்டவர் என முத்திரை குத்தாமல், சூழ்நிலைகளின் அழுத்தத்தை நடுநிலையோடு கையாண்டிருக்கும் இயக்குநர் எம்.ஜானகிராமன், காதல் என்பது வெறும் உணர்ச்சி மட்டுமல்ல, அது ஒரு நீண்ட பயணம் என்பதை யதார்த்தமாக பேசி, பார்வையாளர்கள் மனதில் அழுத்தமாக பதிவு செய்திருக்கிறார்.

மொத்தத்தில், ‘டைடானிக்’ கவுந்தாலும், காதலை கொண்டாடும்.

Read More

மன்சூர் அலிகானின் மிக நீண்ட தலைப்பு கொண்ட "ராஜாதி ராஜ ராஜ குலோத்துங்க ராஜ மார்த்தாண்ட ராஜ கம்பீர காத்தவராய கிருஷ்ண காமராஜன்"

 மன்சூர் அலிகானின் மிக நீண்ட தலைப்பு கொண்ட "ராஜாதி ராஜ ராஜ குலோத்துங்க ராஜ மார்த்தாண்ட ராஜ கம்பீர காத்தவராய கிருஷ்ண காமராஜன்" 

திரைப்படம், 34 ஆண்டுகளுக்கு பிறகு டிஜிட்டல் தொழில்நுட்பத்துடன் மீண்டும் திரைக்கு வருகிறது!

மன்சூர் அலிகான் முதல் முறையாக கதாநாயகனாக நடித்து, பாடல்கள் எழுதி, இசையமைத்து, தயாரித்த படம். 'கேப்டன் பிரபாகரன்' மாபெரும் வெற்றியைத் தொடர்ந்து, அதிரடி அரசியல் வசனங்களுடன் வந்த படம்.

பாலு ஆனந்த் இயக்கி இருந்தார். தங்கர் பச்சன் ஒளிப்பதிவாளராக அறிமுகமானார். சண்டைப் பயிற்சி சாகுல். நடனம் புலியூர் சரோஜா, சிவசங்கர், சலீம்பாபு, சம்பத்ராஜ். மக்கள் தொடர்பு கோவிந்தராஜ். தயாரிப்பு ராஜ்கென்னடி திரைப்பட நிறுவனம்.

மன்சூர் அலிகானுடன் நந்தினி, சில்க் ஸ்மிதா, டிஸ்கோ சாந்தி, வடிவுக்கரசி, அபிலாஷா, ஷர்மிளி, நாகேஷ், வி.கே.ராமசாமி, நெப்போலியன், ஜெய்கணேஷ், வெண்ணிற ஆடை மூர்த்தி, எஸ்.எஸ்.சந்திரன், ஆர்.சுந்தரராஜன், குண்டு கல்யாணம், ஒருவிரல் கிருஷ்ணாராவ், குள்ளமணி, கள்ளபார்ட் நடராஜன், டி.கே.நடராஜன், பாண்டு, நெல்லை சிவா, போண்டா மணி என 50க்கும் மேற்பட்ட நடிகர் பட்டாளத்துடன் வெளியாகி, 100 நாட்கள் சக்கைப்போடு போட்ட படம்.

மன்சூர் அலிகான் இசையில், ஸ்வர்ணா லதா பாடிய மாமா மாமா பாடல், வாணி ஜெயராம், ராகவேந்தர் பாடிய மருதமருக்கொழுந்தே பாடல், எஸ்.பி.பாலசுப்ரமணியம் பாடிய ஆட்டம் போடலாம், மற்றும் சந்திர போஸ் பாடிய ஊரும் கெட்டுப் போச்சு, சீர்காழி சிவ சிதம்பரம் பாடிய ஜக்கம்மா, மால்குடி சுபா பாடிய மணியடிச்சா சோறு ஆகிய பாடல்கள் மெகாஹிட் அடித்தது. 

நீண்ட வருடங்களுக்கு பிறகு, டிஜிட்டல் தொழில்நுட்பத்தில் ஜனவரி மாதம் திரைக்கு வருகிறது, 'ராஜாதி ராஜ ராஜ குலோத்துங்க ராஜ மார்த்தாண்ட ராஜ கம்பீர காத்தவராய கிருஷ்ண காமராஜன்'

@GovindarajPro

Read More

கண்ணன் ரவி குழுமத்தின் பிரம்மாண்ட தயாரிப்பில் கவுதம் ராம் கார்த்திக் நடிக்கும் புதிய படத்தின் டைட்டில் போஸ்டர் மற்றும் கிளிம்ப்ஸ் வெளியீடு

 *கண்ணன் ரவி குழுமத்தின் பிரம்மாண்ட தயாரிப்பில் கவுதம் ராம் கார்த்திக் நடிக்கும் புதிய படத்தின் டைட்டில் போஸ்டர் மற்றும் கிளிம்ப்ஸ் வெளியீடு! 

கண்ணன் ரவி குழுமம் (Kannan Ravi Group) சார்பில் தயாரிப்பாளர் கண்ணன் ரவி தயாரிப்பில், தீபக் ரவி இணைத் தயாரிப்பில் உருவாகும் புதிய திரைப்படத்திற்கு ‘செங்குலம்’ எனப் பெயரிடப்பட்டுள்ளது. கவுதம் ராம் கார்த்திக் கதாநாயகனாக நடிக்கும் இப்படத்தின் டைட்டில் போஸ்டர் மற்றும் கிளிம்ப்ஸ் வீடியோவைப் படக்குழு அதிகாரப்பூர்வமாக வெளியிட்டுள்ளது. வித்தியாசமான உருவாக்கத்துடன் வெளியாகியுள்ள இந்த அறிவிப்பு ரசிகர்கள் மற்றும் திரையுலகினர் மத்தியில் கவனம் பெற்று வருகிறது.

கண்ணன் ரவி குழுமம் தொடர்ந்து வித்தியாசமான கதைக்களங்களைக் கொண்ட திரைப்படங்களைப் பிரம்மாண்டமான பொருட்செலவில் தயாரித்து வருவதுடன், புதிய திறமையாளர்களுக்கும் வாய்ப்பளித்து வருகிறது. அந்த வகையில், அறிமுக இயக்குநர் சின்னசாமி பொன்னையா திரைக்கதை மற்றும் வசனம் எழுதி இயக்கும் இப்படத்திற்கு யுவன் சங்கர் ராஜா இசையமைக்கிறார். 

டைட்டில் போஸ்டரில், ரத்தம் தேய்ந்த வேல்கம்பு, அதைச் சுற்றியுள்ள சிவப்பு நிறத் துணிகள் மற்றும் கரிசல்மண், புழுதி, இரத்தம் எனப் படத்தின் ‘செங்குலம்’ என்ற தலைப்புக்கு ஏற்ற வகையில் அதிரடியான தோற்றம் இடம்பெற்றுள்ளது.

இதனைத் தொடர்ந்து வெளியாகியுள்ள கிளிம்ப்ஸ் வீடியோவில், கரிசல் காட்டின் மண்ணில் ஒரு சிவப்பு நிற வளையல் வைக்கப்பட்டிருக்கிறது. அப்போது ரத்தம் தோய்ந்த வேல்கம்பு ஒன்று வேகமாகப் பாய்ந்து வந்து அந்த வளையலைத் தாக்கி உடைத்துச் சிதறடிக்கிறது. அதைத் தொடர்ந்து, அந்தச் சிதறல்களுக்கு மத்தியில் ‘செங்குலம்’ என்ற படத்தின் தலைப்பு வெடித்துத் தோன்றுகிறது. அந்த இடத்தைச் சுற்றிலும் காணப்படும் கால்தடங்கள், செருப்புத் தடங்கள் என ஒவ்வொன்றும் ஆர்வத்தையும்  ஆச்சரியத்தையும் ஏற்படுத்தும் வகையில் அமைந்துள்ளன. அதிரடியான காட்சியமைப்புடன் வெளியாகியுள்ள இந்த கிளிம்ப்ஸ் படத்தின் மீதான எதிர்பார்ப்பை அதிகரித்துள்ளது.

இப்படத்திற்கு  கிஃப்ட்சன் ராபர்ட் ஒளிப்பதிவு செய்துள்ளார். R. மோகன் மற்றும் வைர பாலன் கலை இயக்குநர்களாகப் பணியாற்றியுள்ளனர். தமிழ் அரசன் படத்தொகுப்பு பணிகளை கவனிக்க, ஹெட் ஆப் ஆப்ரேஷன்ஸ் ஆக ஶ்ரீநாத் விஸ்வநாதன் பணியாற்றுகிறார். மகேஷ் மேத்யூ சண்டைப் பயிற்சி இயக்குநராகவும், மோனிக் போஸ்டர் வடிவமைப்பாளராகவும் பணியாற்றியுள்ளனர்.

இப்படத்தின் படப்பிடிப்பு கோவில்பட்டியில் தொடங்கி, தூத்துக்குடி, திருநெல்வேலி, தென்காசி, தேனி, பொள்ளாச்சி உள்ளிட்ட தமிழகத்தின் பல்வேறு பகுதிகளிலும், காஷ்மீரிலும் படப்பிடிப்பு நடைபெற்று வருகிறது. மேலும் தமிழ், தெலுங்கு, மலையாளம், கன்னடம் , இந்தி என ஐந்து மொழிகளில் இப்படம் 2027-ம் ஆண்டு வெளியாகும் என அறிவிக்கப்பட்டுள்ளது.

Read More

ஆர்மேக்ஸ் ஹார்ட்பீட்ஸ் (Ormax Heartbeats) வாராந்திர டாப் 5 பாடல்கள் பட்டியலில் முதலிடத்தைப் பிடித்த ஷாருக்கானின் “து மில் ஜாயே” (Tu Mil Jaaye

 *ஆர்மேக்ஸ் ஹார்ட்பீட்ஸ் (Ormax Heartbeats) வாராந்திர டாப் 5 பாடல்கள் பட்டியலில் முதலிடத்தைப் பிடித்த ஷாருக்கானின் “து மில் ஜாயே” (Tu Mil Jaaye)!*

நடிகர் ஷாருக்கான் நடிப்பில் பெரும் எதிர்பார்ப்பை ஏற்படுத்தியுள்ள ‘கிங்’ (King) திரைப்படத்தின் “து மில் ஜாயே” (Tu Mil Jaaye) பாடல், ஆர்மேக்ஸ் ஹார்ட்பீட்ஸ் (Ormax Heartbeats) வெளியிட்டுள்ள வாராந்திர டாப் 5 பாடல்கள் பட்டியலில் முதலிடத்தைப் பிடித்துள்ளது. ரசிகர்கள் மத்தியில் இந்தப் பாடல் பெரும் வரவேற்பைப் பெற்று வருவதுடன், சமூக வலைதளங்களிலும் தொடர்ந்து டிரெண்டாகி வருகிறது.

இன்ஸ்டாகிராமில் இந்தப் பாடலின் ஹுக் ஸ்டெப்பை ரசிகர்கள் பலரும் ரீல்ஸ்களாக உருவாக்கிப் பகிர்ந்து வருகின்றனர். மேலும், பல்வேறு இசை ஸ்ட்ரீமிங் தளங்களிலும் இப்பாடல் கவனம் ஈர்த்து வருகிறது.

‘கிங்’ திரைப்படத்தில் ஷாருக்கான் மற்றும் தீபிகா படுகோன் இணைந்து நடித்துள்ள “து மில் ஜாயே” (Tu Mil Jaaye) பாடல், இருவரின் அசத்தலான கெமிஸ்ட்ரி, மனதை வருடும் இசை மற்றும் கண்கவர் காட்சிகள் ஆகியவற்றால் ரசிகர்களைக் கவர்ந்துள்ளது. இருவரும் மீண்டும் இணைந்து திரையில் தோன்றுவது ரசிகர்களிடையே கூடுதல் உற்சாகத்தை ஏற்படுத்தியுள்ளது.

“து மில் ஜாயே” (Tu Mil Jaaye) பாடல் தரவரிசையில் முதலிடத்தைப் பிடித்து தொடர்ந்து ரசிகர்களின் வரவேற்பைப் பெற்று வருவதால், ‘கிங்’ திரைப்படத்தின் மீதான எதிர்பார்ப்பும் நாளுக்கு நாள் அதிகரித்து வருகிறது. ஷாருக்கானை மீண்டும் பெரிய திரையில் காண ரசிகர்கள் ஆவலுடன் காத்திருக்கின்றனர்.

சித்தார்த் ஆனந்த் இயக்கத்தில் ஷாருக்கான் நடிப்பில் உருவாகியுள்ள ‘கிங்’ திரைப்படம், வரும் டிசம்பர் 24, 2026 அன்று திரையரங்குகளில் வெளியாகவுள்ளது.

*Shah Rukh Khan’s Tu Mil Jaaye Tops Ormax Heartbeats’ Top 5 Songs Of The Week, Fans Can’t Get Enough Of The Track*

Shah Rukh Khan’s Tu Mil Jaaye from his much-awaited film King has clinched the No. 1 spot on Ormax Heartbeats’ Top 5 Songs of the Week, proving just how much the track has struck a chord with audiences. The song has taken social media by storm, with fans recreating its hookstep on Instagram and the track trending across streaming platforms. 

The song from Shah Rukh Khan’s King, featuring SRK and Deepika Padukone, is winning hearts with their electric on-screen chemistry, soulful music and breathtaking visuals, making fans fall in love with their reunion all over again.

With Tu Mil Jaaye topping the charts and continuing to win hearts, the excitement surrounding King is only growing, with fans eagerly waiting to see Shah Rukh Khan back on the big screen.

Shah Rukh Khan’s King, directed by Siddharth Anand, is slated for a theatrical release on December 24, 2026.

https://x.com/ormaxmedia/status/2120871206664753400?a=UeuQjf0kaquy0bc6r9M&s=46

Read More

JOHN DOE MOVIE REVIEW

JOHN DOE MOVIE REVIEW. Cinema Inbox

’ஜான் டோ’ திரைப்பட விமர்சனம்

கேரளப் பகுதியில் கார் ஒன்று ஏறியில் விழுந்து விபத்துக்குள்ளாகிறது. அதில் ஒரு சிறுவனது உடல் கிடைக்கிறது. அந்த சம்பவத்தை விபத்தாக காவல்துறை முடிக்கிறது. ஆனால், தண்ணீருக்குள் இருக்கும் காரையும், அதில் இருந்த தடயம் மற்றும் சிறுவனின் பிரேத பரிசோதனை முடிவை வைத்து தீவிர விசாரணையில் ஈடுபடும் கேரள காவல்துறை அதிகாரி அர்ஜுன் தாஸ், அது திட்டமிட்டு நடத்தப்பட்ட கொலை என்பதை கண்டுபிடிக்கிறார்.

இதற்கிடையே, தமிழகத்தில் சிறுவன் ஒருவர் காணாமல் போக, அதற்கும் கேரளாவில் நடந்த சிறுவன் கொலைக்கும் சம்மந்தம் இருக்கும் என்ற சந்தேகத்தில் தமிழகத்திற்கு விரையும் அர்ஜுன் தாஸ், காணாமல் போன சிறுவன் பற்றிய தகவல்களை சேகரித்து, இரண்டு சம்பவத்திற்கும் ஒற்றுமை இருப்பதை உறுதிப்படுத்துகிறார். ஆனால், அவருக்கும் அவரது விசாரணைக்கும் ஒத்துழைப்பு கொடுக்க மறுக்கும் சிறுவன் காணாமல் போன வழக்கை விசாரிக்கும் தமிழக காவல்துறை அதிகாரி சஞ்சனா நடராஜன், அவரை தொடர்ந்து உதாசினப்படுத்துகிறார்.

இந்த நிலையில், காணாமல் போன சிறுவன் சாலையோரத்தில் மீட்கப்படுவதோடு, அவரது மனநிலை பெரிதும் பாதிக்கப்பட்ட நிலையில் இருக்கிறது. இதனால், அர்ஜுன் தாஸின் சந்தேகம் மேலும் அதிகரிப்பதோடு, இரண்டு சம்பவங்களையும் செய்தது ஒருவர் தான் என்பதுடன், அவர் ஒரு சைக்கோ கொலையாளி என்பதையும் கண்டுபிடிக்கிறார். மற்றொரு சிறுவன் பாதிக்கப்படுவதற்கு முன்பு கொலையாளியை கண்டுபிடிக்க களத்தில் இறங்கும் அர்ஜுன் தாஸ், அவரை எப்படி கண்டுபிடித்தார் ?, எதற்காக இந்த கொலைகள் ?, என்பதை வழக்கமான பாதையை தவிர்த்து, புதிய வகையில் சொல்ல முயற்சித்திருப்பது தான் ‘ஜான் டோ’.

ஜான் டோ என்பது ஒருவரது பெயர் அல்ல, அடையாளம் தெரியாத ஒரு நபரைக் குறிக்கப் பயன்படுத்தப்படும் பொதுவான தற்காலிகப் பெயராகும். அதன்படி, அடையாளம் தெரியாத இறந்த சிறுவன் பற்றிய விசாரணையில், அதிர்ச்சிகரமான சைக்கோ கொலையாளி பற்றியும், அவரால் இறந்த பல சிறுவர்கள் பற்றிய உண்மையையும் கண்டுபிடிக்கப்படுவதால் இந்த தலைப்பு வைக்கப்பட்டுள்ளது.

முதல் முறையாக காவல்துறை அதிகாரி கதாபாத்திரத்தில் நடித்திருக்கும் அர்ஜுன் தாஸ், குரலில் மட்டும் அல்லா காக்கி உடைக்கான கம்பீரத்தையும் தன்னால் வெளிக்காட்ட முடியும் என்பதை நிரூபித்திருக்கிறார். வன்முறை மூலம் குற்றவாளிகளை பேச வைப்பதை தவிர்த்துவிட்டு மன ரீதியாக அவர்களை தாக்கி அவர்களிடம் இருந்து உண்மையை வெளிக்கொண்டு வரும் யுக்தியாலும், விசாரணை நடத்தும் தோரணை மூலமாகவும் அர்ஜுன் தாஸ், புதுமையான போலீஸ் கதாபாத்திரத்தை பிரதிபலித்திருக்கிறார். அதே சமயம், அர்ஜுன் தாஸ் பேசும் சில வசனங்கள் புரியாதபடியும் இருக்கிறது.

தமிழக காவல்துறை அதிகாரியாக நடித்திருக்கும் சஞ்சனா நடராஜன், துடிதுடிப்பான நடிப்பின் மூலம் தனது கதாபாத்திரத்திற்கு நியாயம் சேர்த்திருக்கிறார். காக்கி சட்டைக்குள்ளும் காதல் உண்டு என்பதை, சில நிமிட காட்சிகளிலேயே அழகாக பிரதிபலித்திருப்பவர், தனது வேலையை நிறைவாக செய்து பார்வையாளர்கள் மனதில் இடம் பிடித்து விடுகிறார்.

லக்கி கதாபாத்திரத்தில் நடித்திருக்கும் ஜாரா வினீத் சந்தோக், ஹ்ரிதய் கதாபாத்திரத்தில் நடித்திருக்கும் சிறுவன் நீரவ்.எஸ், சிறுவர்களின் அம்மாவாக நடித்திருக்கும் ஸ்ரிஷ்டி.ஒய், அர்ஜுன் தாஸின் இளம் வயது அம்மாவாக நடித்திருக்கும் விஜே அர்ச்சனா, தந்தையாக நடித்திருக்கும் படவா கோபி, மருத்துவர் ரஞ்சன் கதாபாத்திரத்தில் நடித்திருக்கும் கார்த்திக் குமார் என படத்தில் நடித்திருக்கும் அனைத்து நடிகர், நடிகைகளும் கதாபாத்திரங்களுக்கு பொருத்தமான தேர்வு.

ஒளிப்பதிவாளர் ப்ரீத்தா ஜெயராமன் இயற்கை வளம் மிக்க நிலப்பரப்பை, மனதை பதபதைக்க வைக்கும் கதைக்களமாக மாற்றி பார்வையாளர்கள் மனதில் அச்சத்தை ஏற்படுத்தியிருக்கிறார். சைக்கோ கொலையாளியை பற்றிய கதை என்றாலும், திரையில் இரத்தத்தை தவிர்த்துவிட்டு மன ரீதியான பாதிப்புகளால் ஏற்படும் வலிகளை பார்வையாளர்கள் மனதில் நேர்த்தியாக கடத்தியிருக்கிறார்.

முஜீப் மஜீத் இசை மற்றும் தி ஆர்டிஸ்ட் 404-ன் கூடுதல் இசை வழக்கமான பாணியில் அல்லாமல் அளவாக பயணப்பட்டு அமைதியின் மூலமாகவே பார்வையாளர்கள் மனதில் அச்சத்தை உண்டாக்குகிறது. குறிப்பாக “நான் போதுமா…” பாடல் திரும்ப திரும்ப கேட்க வைப்பதோடு, கதைக்களத்தை சரியான முறையில் விவரிக்கும் பாடலாகவும் அமைந்திருக்கிறது.

படத்தொகுப்பாளர் விஜய் வெங்கடரமணனன் சைக்கோ கிரைம் திரில்லர் ஜானர் கதை என்றாலும் அதை மிக எளிமையான முறையில் கையாண்டிருக்கிறார். குறிப்பாக திரைக்கதையில் இடம்பெறும் திருப்பங்கள் மிக எளிதாக கடந்து போவதும், எந்தவிதமான சிக்கலும் இல்லாமல் குற்றவாளியை நாயகன் கண்டுபிடிப்பதும் திரைக்கதையை அழுத்தமில்லாமல் பயணிக்க வைக்கிறது.

கதை, திரைக்கதை எழுதியிருக்கும் மதுமிதா மற்றும் நிக்கோலஸ் செவாலியே, சைக்கோ கொலையாளி பற்றிய கதையாக இருந்தாலும், அதை அனைத்து தரப்பினரும் பார்க்க கூடிய ஒரு எளிமையான படமாக இருக்க வேண்டும் என்பதில் உறுதியாக இருந்திருப்பதொடு, மன ரீதியாக பாதிக்கப்படும் குழந்தைகள் எத்தகைய விளைவுகளை எதிர்கொள்கிறார்கள், என்பதை மிக அழுத்தமாக பதிவு செய்திருக்கிறார்கள்.

பல்வேறு பாணியிலான கதைகளை கையாண்டு வரும் இயக்குநர் மதுமிதா, சைக்கோ கொலையாளி பற்றிய கதை என்றாலும், ரத்தம் சிந்தும் காட்சிகள் மூலமாக அல்லாமல், கதாபாத்திரங்களின் மன ஓட்டங்கள் மற்றும் புத்திசாலித்தனமான நகர்வுகள் மூலமாகவே பார்வையாளர்களுக்குத் திகிலை ஏற்படுத்தியிருப்பது பாராட்டுக்குரியது.

குற்றவாளியின் மனநிலையை அருவருப்பாகக் காட்டாமல், அதன் பின்னணியில் உள்ள உளவியல் காரணங்களை நுட்பமாகப் பதிவு செய்த விதம் புதிதாக இருந்தாலும், அடுத்தது என்ன நடக்கும் ? என்ற எதிர்பார்ப்பு பார்வையாளர்கள் மனதில் ஏற்படுவதற்குள், குற்றவாளியை எளிதில் நெருங்குவது திரைக்கதையை சற்று பலவீனப்படுத்தி விடுகிறது. இருப்பினும், சைக்கோ திரில்லர் என்றாலே முகம் சுளிக்க வைக்கும் வன்முறைக் காட்சிகள் இருக்கும் என்ற பொதுவான பிம்பத்தை உடைத்து, குடும்பத்துடன் பார்க்கக்கூடிய நாகரீகமான படைப்பாகக் கொடுத்ததற்காக இயக்குநர் மதுமிதாவை பாராட்டலாம்.

மொத்தத்தில், ‘ஜான் டோ’ அனைத்து தரப்பினரும் பார்க்க கூடிய சைக்கோ திரில்லர் படம்.

ரேட்டிங் 2.8/5

Read More

அஜய் கார்த்தி – தீபா பாலு நடிக்கும் ஸ்டேஷன்

 Station Movie Tamil Press Release  அஜய் கார்த்தி – தீபா பாலு நடிக்கும் ஸ்டேஷன்

ஒரே இரவில் நடக்கும் லவ் – கிரைம் – ஆக்‌ஷன் திரில்லர் திரைப்படம் ஸ்டேஷன் 

‘காளிதாஸ் 2’, ‘டார்க்’ உள்ளிட்ட திரைப்படங்களில் நடித்த அஜய் கார்த்தி மற்றும் பிரபல ஓடிடி தளத்தில் வெளியாகி ரசிகர்களின் வரவேற்பைப் பெற்று வரும் ‘ஹார்ட் பீட்’ இணையத் தொடரின் மூலம் கவனம் ஈர்த்த தீபா பாலு இணைந்து நடிக்கும் புதிய திரைப்படம் ‘ஸ்டேஷன்’. இப்படத்தின் படப்பிடிப்பு தற்போது முழு வீச்சில் நடைபெற்று வருகிறது. 

கேபி இன்போடெயின்மென்ட் (KP INFOTAINMENT) தயாரிப்பில், உருவாகும் இப்படம் காதல், குற்றம், அதிரடி என மூன்றும் கலந்த திரில்லர் திரைப்படமாக உருவாகி வருகிறது. ஒரே இரவில் நடைபெறும் வித்தியாசமான கதைக்களத்தை மையமாகக் கொண்டு இப்படத்தின் திரைக்கதை அமைக்கப்பட்டுள்ளது. சென்னையின் முக்கியப் பகுதிகளில் படப்பிடிப்பு விறுவிறுப்பாக நடைபெற்று வருகிறது.

அறிமுக இயக்குநர் மாறன் கார்த்திகேயன் இயக்கும் இப்படத்தை கேபி இன்போடெயின்மென்ட் சார்பில் கே. தினேஷ் குமார் தயாரிக்கிறார். குற்றப் பின்னணி, சஸ்பென்ஸ் மற்றும் காதல் உணர்வுகள் எனப் பல சுவாரசியமான அம்சங்களுடன் இப்படம் உருவாகிறது. 

இப்படத்தில் அஜய் கார்த்திக்கு ஜோடியாக தீபா பாலு துடிப்பான கதாபாத்திரத்தில் நடிக்கிறார். இவர்களுடன் பிரபல இயக்குநரும் நடிகருமான A. வெங்கடேஷ், திரிடம் (Dridam) மலையாள படத்தின் மூலம் கவனம் ஈர்த்த தினேஷ் பிரபாகர், பாலஹாசன், ரமேஷ் திலக், மூணார் ரமேஷ், ஜெய் கிருஷ்ணா, வாழை ஜானகி, மெட்ராஸ் ரமா, அனு ஸ்ரீ வேலன், பிரகாஷ், சோபியா மற்றும் சப்பாணி பாய்ஸ் முரளி உள்ளிட்ட பலர் முக்கியக் கதாபாத்திரங்களில் நடிக்கின்றனர். 

படத்தின் மொத்தக் காட்சிகளில் சுமார் 70 சதவீதம் காவல் நிலையத்தை மையமாகக் கொண்டே அமைந்துள்ளன. இதற்காக, சென்னையில் உள்ள பிரபல திரைப்படத் தொழில்நுட்பக் கல்லூரியில் பிரம்மாண்டமான காவல் நிலைய அரங்கம் அமைக்கப்பட்டு, படப்பிடிப்பு நடைபெற்று வருகிறது. காட்சிகள் இயல்பாகவும் நம்பகத்தன்மையுடனும் அமைய வேண்டும் என்பதற்காக இந்த அரங்கம் பிரத்யேகமாக வடிவமைக்கப்பட்டுள்ளது. 

வலுவான தொழில்நுட்பக் கலைஞர்களின் பங்களிப்புடன் காட்சியமைப்பிலும், தொழில்நுட்பத்திலும் சிறந்த திரை அனுபவத்தை வழங்கும் நோக்கில் ‘STATION – Hunt For Survival’ திரைப்படம் உருவாகி வருகிறது. 

படக்குழுவினர்: 

எழுத்து & இயக்கம்: மாறன் கார்த்திகேயன் 

தயாரிப்பு: கே. தினேஷ் குமார் 

ஒளிப்பதிவு: சுபாஸ் பாரதி

இசை: அருண் ராஜ்

கலை இயக்கம்: அய்யப்பன் S

சண்டைப் பயிற்சி: பிரபு ஜாக்கி

ஆடை வடிவமைப்பு: தினேஷ் பாபு G V

படத்தொகுப்பு: முத்தையன் U

நிர்வாகத் தயாரிப்பு: விக்கி ஆண்ட்ரு

VFX மேற்பார்வை: சரவண பாலாஜி K – Time Stone FX

மார்க்கெட்டிங்: Digitally Powerful

மக்கள் தொடர்பு: சதீஷ் குமார் – S2 Media

புதிய கோணங்களிலும் வித்தியாசமான கதைக்களங்களிலும் திரைப்படங்களை உருவாக்கும் நோக்கத்துடன் செயல்பட்டு வரும் KP INFOTAINMENT நிறுவனம், ‘STATION – Hunt For Survival’ திரைப்படத்தின் மூலம் தமிழ் சினிமாவில் தனது பயணத்தைத் தொடர்கிறது. 

தற்போது படப்பிடிப்பு விறுவிறுப்பாக நடைபெற்று வரும் நிலையில், காதல், குற்றம், சஸ்பென்ஸ் மற்றும் அதிரடி எனப் பல பொழுதுபோக்கு அம்சங்களுடன் ரசிகர்களை ஆச்சரியப்படுத்தும் திரைப்படமாக ‘STATION – Hunt For Survival’ உருவாகி வருகிறது. 

STATION MOVIE ENGLISH PRESS RELEASE 

AJAY KARTHI AND DEEPA BALU STARRER ‘STATION’ IS A LOVE-CRIME-ACTION THRILLER SET OVER A SINGLE NIGHT. 

KP infotainment K. Dinesh Kumar Presents First Titled ‘STATION – Hunt For Survival.’ 

The film, titled ‘STATION – Hunt For Survival’, is currently progressing at a brisk pace across Chennai.

Ajay Karthi, who has been part of films such as ‘Kaalidas 2’ and ‘Dark’, joins hands with Deepa Balu, who has garnered attention for her performance in the popular OTT series ‘Heart Beat’. 

Directed by debutant Maaran Karthikeyan, the film is envisioned as an engaging thriller that seamlessly blends love, crime, suspense and action. Set entirely over the course of a single night, the narrative promises an intriguing cinematic experience driven by unexpected turns and gripping situations. 

The film also features an ensemble cast comprising renowned filmmaker and actor A. Venkatesh, Dinesh Prabhakar, Balahaasan, Ramesh Thilak, Munnar Ramesh, Jai Krishna, Vaazhai Janaki, Madras Rama, Anu Sri Velan, Prakash, Sophia and Chappani Boys Murali, among others. 

An interesting aspect of the film is that nearly 70% of its sequences unfold within a police station. To bring authenticity and visual credibility to the narrative, the team has constructed an elaborate police station set at a renowned film and technical institute in Chennai. The specially designed set is intended to lend a realistic atmosphere to the proceedings and enhance the overall cinematic experience. 

With a promising ensemble cast and a strong technical team, ‘STATION – Hunt For Survival’ aims to deliver an immersive thriller experience. The film is produced by K. Dinesh Kumar under the banner of KP Infotainment, with Cinematography by Subhas Bharathi and Music composed by Arun Raj. The technical crew also includes Art director Ayyappan S, Stunt choreographer Prabhu Jacky, Costume designer Dinesh Babu G V and Editor Muthayan U. 

With its distinctive single-night narrative, police station backdrop and an engaging mix of love, crime, suspense and action, ‘STATION – Hunt For Survival’ is shaping up to be an intriguing addition to Tamil cinema.

Technical Crew:

•⁠ ⁠Written & Directed by: Maaran Karthikeyan

•⁠ ⁠Produced by: K. Dinesh Kumar

•⁠ ⁠Production House: KP Infotainment

•⁠ ⁠Cinematography: Subhas Bharathi

•⁠ ⁠Music: Arun Raj

•⁠ ⁠Art Direction: Ayyappan S

•⁠ ⁠Stunt Choreography: Prabhu Jacky

•⁠ ⁠Costume Design: Dinesh Babu G V

•⁠ ⁠Editing: Muthayan U

•⁠ ⁠Executive Producer: Vicky Andrew

•⁠ ⁠VFX Supervisor: Saravana Balaji K – Time Stone FX

•⁠ ⁠Marketing: Digitally Powerful

•⁠ ⁠PRO: Sathish Kumar – S2 Media

With a commitment to bringing fresh perspectives and distinctive storytelling to the screen, KP Infotainment starts its journey in Tamil cinema with ‘STATION – Hunt For Survival’. Currently progressing through its shooting schedule, the film promises an exciting blend of romance, crime, suspense and high-octane action, offering audiences a compelling thriller set against the backdrop of a single eventful night.

Read More

*தென்னிந்தியாவின் முதல் மெட்டா சினிமாவாக உருவாகியுள்ள இயக்குநர் K.P. ஜெகனின் ‘ஜெயில் மேட்ஸ்' (Jail Mates ) டைட்டில் டீசர் வெளியீடு

 *தென்னிந்தியாவின் முதல் மெட்டா சினிமாவாக உருவாகியுள்ள இயக்குநர் K.P. ஜெகனின் ‘ஜெயில் மேட்ஸ்' (Jail Mates ) டைட்டில் டீசர் வெளியீடு 

‘புதிய கீதை’, ‘கோடம்பாக்கம்’, ‘ராமன் தேடிய சீதை’, ‘என் ஆளோட செருப்ப காணோம்’ ஆகிய படங்களை இயக்கியவரும், ‘மிக மிக அவசரம்’ படத்திற்கு கதை, வசனம் எழுதியவரும், பத்து இயக்குநர்கள் இணைந்து நடித்த ‘மாயாண்டி குடும்பத்தார்’ திரைப்படத்தில் கவனம் ஈர்த்த கதாபாத்திரத்தில் நடித்தவருமான இயக்குநர் K.P. ஜெகனின் அடுத்த படைப்பு ‘ஜெயில் மேட்ஸ்’.

தென்னிந்தியாவில் முதன்முறையாக மெட்டா சினிமா (Meta Cinema) பாணியில் உருவாகியுள்ள இப்படத்தில், இயக்குநர் K.P. ஜெகன், இயக்குநர் ஜெகனாகவே நடித்துள்ளார். மற்றொரு கதாநாயகனாக விஜய் வர்மா நடிக்க, அவருக்கு ஜோடியாக ‘வடம்’ படத்தில் நடித்த சனாஷ்கா ஸ்ரீ நடித்துள்ளார். மேலும், மௌனிகா சந்தோஷ், அருள்தாஸ், வெற்றிவேல் ராஜா, உறியடி  சங்கர், சாய் அபிநயா, வீரசமர், கதிரவன் பாலு, திண்டுக்கல் அலெக்ஸ் உள்ளிட்டோர் முக்கிய கதாபாத்திரங்களில் நடித்துள்ளனர். தேசிய விருது பெற்ற நடிகர் எம்.எஸ். பாஸ்கர் சிவனடியார் கதாபாத்திரத்தில் சிறப்புத் தோற்றத்தில் நடித்துள்ளார்.

இப்படத்திற்கு ஸ்ரீகாந்த் தேவா இசையமைத்துள்ளார். இயக்குநர் விக்னேஷ் சிவன் ஒரு பாடலையும், பாடலாசிரியர் கார்த்திக் நேத்தா மற்றும் இயக்குநர் திரைவண்ணன் ஒரு பாடலையும் எழுதியுள்ளனர். அறிமுகப் பெண் கவிஞர் சக்தி உமா பாலகிருஷ்ணா ஒரு பாடலை எழுதியுள்ளார். மறைந்த தேனிசைத் தென்றல் தேவா அவர்கள் கடைசியாகப் பாடிய மனதை உருக்கும் ஆன்மீகப் பாடல் ஒன்றும் இப்படத்தில் இடம்பெற்றுள்ளது குறிப்பிடத்தக்கது.

அறிமுக ஒளிப்பதிவாளர் சுக செல்வம் ஒளிப்பதிவு செய்துள்ள இப்படத்திற்கு மணிகண்டன் சிவக்குமார் படத்தொகுப்பு செய்துள்ளார். கலை இயக்கத்தை வீரசமர் கையாண்டுள்ளார். படத்தின் இரண்டாம் பாதி பெரும்பாலும் இயற்கையாகப் பெய்த மழையிலேயே படமாக்கப்பட்டுள்ளது.

யுனைடெட் ஆர்ட்ஸ் நிறுவனம் இப்படத்தைத் தயாரித்துள்ளது.இப்படத்தின் தயாரிப்பு மேலாண்மையை சாமுவேல் சிவராஜ் மேற்கொண்டுள்ளார். முழுப் படமும் திருச்செந்தூர் மற்றும் அதன் சுற்றுவட்டாரப் பகுதிகளில் படமாக்கப்பட்டுள்ளது. 2017ஆம் ஆண்டு இயக்குநர் K.P. ஜெகனின் வாழ்க்கையில் நிகழ்ந்த உண்மைச் சம்பவத்தை அடிப்படையாகக் கொண்டு இப்படத்தின் கதை உருவாக்கப்பட்டுள்ளது.

எதார்த்தமான நகைச்சுவையுடன் திரில்லர் அம்சங்களும் கலந்து உருவாகியுள்ள ‘ஜெயில் மேட்ஸ்’ திரைப்படத்தின் பணிகள் அனைத்தும் நிறைவடைந்துள்ளன. படத்தைப் பார்த்த இயக்குநர்கள் பாண்டிராஜ் மற்றும் விக்னேஷ் சிவன் ஆகியோர், படத்திற்கு ஆதரவளிக்கும் வகையில் தங்களது நிறுவனத்தின் மூலம் இப்படத்தை வெளியிட முன்வந்துள்ளனர்.

இப்படத்தின் பாடல் வெளியீட்டு விழா மற்றும் திரையரங்க வெளியீட்டுத் தேதி குறித்த அறிவிப்புகள் விரைவில் வெளியாகும்.

நன்றி!

https://www.youtube.com/watch?v=JbzG65fILLM

Read More

*ஆஸ்கர் விருதுக்கான இந்தியாவின் பரிந்துரையாக, சந்தோஷ் தாவாகர் இயக்கத்தில், இசைஞானி இளையராஜா இசையில், நவம்பர் 13 ஆம் தேதி வெளியாகவுள்ள, சைக்கலாஜிக்கல் த்ரில்லர் கதையாக உருவாகியுள்ள ‘கோந்தல்’ திரைப்படத்தின் உலகளாவிய டிரெய்லர் வெளியானது

 *ஆஸ்கர் விருதுக்கான இந்தியாவின் பரிந்துரையாக, சந்தோஷ் தாவாகர் இயக்கத்தில், இசைஞானி இளையராஜா இசையில், நவம்பர் 13 ஆம் தேதி வெளியாகவுள்ள, சைக்கலாஜிக்கல் த்ரில்லர் கதையாக உருவாகியுள்ள ‘கோந்தல்’ திரைப்படத்தின் உலகளாவிய டிரெய்லர் வெளியானது! 

இந்தியாவின் ஆஸ்கர் விருதுக்கான அதிகாரப்பூர்வப் பரிந்துரையான ‘கோந்தல்’ திரைப்படம், இந்தி, மராத்தி, தமிழ், தெலுங்கு, மலையாளம், கன்னடம் மற்றும் ஆங்கிலம் ஆகிய ஏழு மொழிகளில் நாளை (நவம்பர் 13) திரையரங்குகளில் வெளியாகிறது.

இந்தியாவின் 99 ஆவது ஆஸ்கர் விருதுக்கான அதிகாரப்பூர்வப் பரிந்துரைப் படமான சந்தோஷ் தாவகார் இயக்கிய ‘கோந்தல்’ திரைப்படத்தின் சர்வதேச டிரெய்லர் தற்போது வெளியாகியுள்ளது. இப்படத்திற்கு இசைஞானி இளையராஜா இசையமைத்துள்ளார். உளவியல் த்ரில்லர் பாணியில் உருவாகியுள்ள இப்படத்தின் கதைக்களம், மர்மம் நிறைந்த காட்சிகள் மற்றும் மகாராஷ்டிராவின் பாரம்பரியக் கலாசாரப் பின்னணியை டிரெய்லர் பார்வையாளர்களுக்கு அறிமுகப்படுத்துகிறது.

ஒரு மராத்தி திரைப்படம் ஏழு மொழிகளில் மறுவெளியீடு செய்யப்பட்டு, உலகளாவிய அளவில் திரையரங்குகளில் வெளியாக இருப்பது இதுவே முதல்முறை எனப் படக்குழு தெரிவித்துள்ளது. இந்தியா மட்டுமின்றி அமெரிக்கா, இங்கிலாந்து, ஐரோப்பிய நாடுகள், ஆஸ்திரேலியா, துபாய் மற்றும் ஆப்பிரிக்க நாடுகளிலும் இப்படம் வெளியாகிறது.

மகாராஷ்டிராவின் கலாச்சாரப் பின்னணியில் உருவாகியுள்ள இப்படம், புதுமணத் தம்பதிகளான சுமன் மற்றும் ஆனந்த்ராவை மையமாகக் கொண்டு நகர்கிறது. ஆசை, கடமை, பக்தி ஆகியவை ஒன்றோடொன்று மோதும்போது அவர்களது வாழ்க்கையில் ஏற்படும் எதிர்பாராத திருப்பங்களே கதையின் மையம். 

மணமகளின் ஏக்கம், கணவனின் கடமைகள் மற்றும் அடுத்தடுத்து நிகழும் மர்மமான சம்பவங்கள் என இருவரும் புரியாத புதிர்கள் நிறைந்த சுழலுக்குள் சிக்கிக் கொள்கின்றனர். வெளிப்படையாகத் தெரிவது உண்மையாக இருக்குமா என்ற கேள்வியையும், உண்மையின் மற்றொரு முகத்தையும் படம் ஆராய்கிறது.

பதற்றமான காட்சிகள், மர்மம் நிறைந்த பின்னணி மற்றும் தனிப்பட்ட ஆசைகளுக்கும் சமூகக் கடமைகளுக்கும் இடையே சிக்கித் தவிக்கும் உறவு என டிரெய்லர் படத்தின் மீதான எதிர்பார்ப்பை அதிகரிக்கிறது. மகாராஷ்டிராவின் பாரம்பரியக் கலாசாரத்தை அடிப்படையாகக் கொண்டு உலகளாவிய பார்வையாளர்களைக் கவரும் உளவியல் கதையம்சத்தையும் இயக்குநர் சந்தோஷ் தாவகார் இணைத்துள்ளார்.

படம் குறித்து இயக்குநர் சந்தோஷ் தாவகார் பகிர்ந்து கொண்டதாவது, “இந்தியத் திரைப்படங்கள் குறித்த உலகளாவிய பார்வை பெரும்பாலும் வறுமை மற்றும் சாதிய மோதல்கள் சார்ந்த கதைகளால் உருவாக்கப்படுகிறது. அவைதான் கள யதார்த்தம் என்பதில் மாற்றுக் கருத்தில்லை. ஆனால், அவை மட்டுமே இந்தியாவின் முழுமையான அடையாளம் அல்ல.

‘கோந்தல்’ வெறும் திரைப்படம் மட்டுமல்ல! தலைமுறை தலைமுறையாகத் தொடர்ந்து வரும் கலாச்சாரம் மற்றும் பாரம்பரியங்களின் சங்கமம். இந்தப் பாரம்பரியத்தை உலகம் அறிந்துகொள்ளச் செய்வது எனக்கு மிகுந்த மகிழ்ச்சியை அளிக்கிறது. ஆஸ்கர் விருதுகள் போன்ற சர்வதேசத் திரைப்பட விழாக்கள், நமது கலாச்சாரத்தை இந்தியாவைத் தாண்டி உலகின் பல்வேறு நாடுகளுக்கும் கொண்டு செல்லத் திரைப்பட இயக்குநர்களுக்கு உதவுகின்றன" என்றார்.

99 ஆவது ஆஸ்கர் விருதுகளுக்கான பயணத்தில் முன்னேறி வரும் ‘கோந்தல்’, சிறந்த சர்வதேசத் திரைப்படம் பிரிவில் இந்தியாவின் அதிகாரப்பூர்வப் பரிந்துரையாக இடம்பெற்றுள்ளது. மேலும், பல்வேறு பிரிவுகளிலும் இப்படம் பரிசீலிக்கப்பட்டு வருவது சர்வதேச அங்கீகாரத்தை நோக்கிய அதன் பயணத்தில் மற்றொரு முக்கிய மைல்கல்லாக அமைந்துள்ளது.

56 aaவது இந்திய சர்வதேசத் திரைப்பட விழாவில் (IFFI) சிறந்த இயக்குநருக்கான Silver Peacock விருதை சந்தோஷ் தாவகார் வென்றுள்ளார். இப்படத்தைப் பார்த்த நடுவர் குழுவினர் நிஜ உலகத்தில் அமைந்த ஷேக்ஸ்பியரின் கதை போல உள்ளது என்று பாராட்டியுள்ளனர்.

இஷிதா தேஷ்முக், கிஷோர் கதம், யோகேஷ் சோஹானி மற்றும் நிஷாத் போயர் உள்ளிட்டோர் இப்படத்தில் நடித்துள்ளனர். இயக்குநர் சந்தோஷ் தாவகார், தனது தயாரிப்பு நிறுவனமான தாவகார் ஃபிலிம்ஸ் நிறுவனத்தின் இணை நிறுவனர் தீக்ஷா தாவகாருடன் இணைந்து இப்படத்தைத் தயாரித்துள்ளார். பிராந்தியக் கதைகளுக்கு முக்கியத்துவம் அளிப்பதுடன், ஒளிப்பதிவு, ஒலி வடிவமைப்பு, இசை மற்றும் நடிப்பு என அனைத்துத் தொழில்நுட்ப அம்சங்களிலும் உயர்தரமான படைப்புகளை வழங்குவதை இந்நிறுவனம் நோக்கமாகக் கொண்டுள்ளது.

அமலேந்து சௌத்ரி இப்படத்திற்கு ஒளிப்பதிவு செய்துள்ளார். படத்தின் தொடக்கத்திலேயே 25 நிமிடங்கள் இடைவெளியின்றி ஒரே ஷாட்டில் படமாக்கப்பட்ட காட்சி இடம்பெற்றுள்ளது என்பது குறிப்பிடத்தக்கது.

99 ஆவது ஆஸ்கர் விருதுகளுக்கான இந்தியாவின் அதிகாரப்பூர்வப் பரிந்துரையாகத் தேர்வானதைத் தொடர்ந்து, தற்போது வெளியாகியுள்ள சர்வதேச டிரெய்லர், உளவியல் மர்மங்கள் மற்றும் கலாசாரச் சிக்கல்கள் நிறைந்த ‘கோந்தல்’ திரைப்படத்தின் தனித்துவமான உலகத்தைப் பார்வையாளர்களுக்கு அறிமுகப்படுத்தியுள்ளது.

Read More

பிரமாண்டமான பூஜையுடன் நடைபெற்ற ‘பைசாசி’ திரைப்பட துவக்க விழா

 பிரமாண்டமான பூஜையுடன் நடைபெற்ற ‘பைசாசி’ திரைப்பட துவக்க விழா!

கோலாகலமாக நடைபெற்ற ‘பைசாசி’ திரைப்பட துவக்க விழா!

FACEON MEDIYAA (OPC) PVT LTD., நிறுவனம் தயாரிப்பில், குழந்தை முருகன் எழுத்து, இயக்கத்தில் உருவாகும் இதிகாச ஃபேண்டஸி திரைப்படம் ‘பைசாசி’. எஸ்.பி.ஆர் என்கிற சுந்தரபாண்டியராஜா கதையின் நாயகனாக நடிக்கும் இப்படத்தில் நாயகிகளாக யாஷிகா ஆனந்த், அஸ்மிதா ஆகியோர் நடிக்கிறார்கள். இவர்களுடன் இளம் நடிகைகள் பலர் முக்கிய கதாபாத்திரங்களில் நடிக்கிறார்கள். 

ஆத்ரேயா இசையமைக்கும் இப்படத்திற்கு விஜய் ஒளிப்பதிவு செய்கிறார். பிரவீன்.கே.எல் படத்தொகுப்பு செய்கிறார். ஆர்.வி.உதயகுமார் மற்றும் சி.கே.முருகன் பாடல்கள் எழுத, ராஜேஷ்குமார் வசனம் எழுதுகிறார். மணிகண்டன் மற்றும் தாமரை நடனக் காட்சிகளை வடிவமைக்க, விஜய் ராஜான் கலை இயக்குநராக பணியாற்றுகிறார். சதிஷ் சண்டைக்காட்சிகளை வடிவமைக்க, பி.ஆர்.ஓ-வாக விஜய் கார்த்திக் பணியாற்றுகிறார். 

இப்படத்தின் துவக்க விழா 11 ஆம் தேதி, 11 ஆம் மாதம், சரியாக 11:11 மணிக்கு, அதாவது 11.11 : 11:11 mints- ல் சென்னை, பிரசாத் லேபில் கோலாகலமாக நடைபெற்றது. இதில், படக்குழுவினர் கலந்துக்கொண்டு படம் பற்றிய சுவாரஸ்யமான தகவல்களை பகிர்ந்துக் கொண்டார்கள். 

நிகழ்ச்சியில் படத்தின் நாயகன் எஸ்.பி.ஆர் என்கிற சுந்தரபாண்டியராஜா பேசுகையில், “அன்பே மஹாசக்தி, எல்லாம் வல்ல இறைவனுக்கு நன்றி. சுந்தரபாண்டிய ராஜா என் பெயர். அதற்கு காரணம், மதுரையை மீட்ட சுந்தரபாண்டியன் படம் வெளியான போது தான் நான் பிறந்தேன். என் அம்மா எம்.ஜி.ஆர் ரசிகை என்பதால் எனக்கு அந்த பெயர் வைத்து விட்டார். என் பெயருக்கு ஏற்றவாறு இத்தனை வருடங்கள் கழித்து ராஜா வேடம் போடுவதற்கான ஒரு வாய்ப்பு கொடுத்த இயக்குநர் குழந்தை முருகன் சாருக்கு நன்றி தெரிவித்துக் கொள்கிறேன். இது சாதாரண உழைப்பு இல்லை. நான்கு மாதங்கள் கடினமாக உழைத்து இங்கே வந்திருக்கிறோம். குழந்தை முருகன் சாரின் எண்ணங்கள் விசாலமானது. அவர் எளிமையாக இருப்பதால் சாதாரணமாக நினைக்க வேண்டாம், அவருக்குள் இருக்கும் எரிமலை இந்த படத்தின் மூலம் வெடிக்கும். தமிழ் சினிமாவுக்கு மட்டும் அல்ல உலக சினிமாவுக்கே குழந்தை முருகன் சார் யார், என்பதை இந்த படம் மூலம் நாங்கள் காட்டுவோம்.

என் நடிப்பு, முயற்சி மற்றும் என் 18 வருட சினிமா அனுபவம் அனைத்தையும் முழுமையாக வெளிப்படுத்தி இந்த படத்தை மிகப்பெரிய வெற்றிப் படமாக்க பாடுபடுவேன், என்பதை தெரிவித்துக் கொள்கிறேன். என் அழைப்பை ஏற்று இங்கு வந்த அனைவருக்கும் என் நன்றிகள். சிறிய நடிகர் என்று பார்க்காமல், என்னுடன் நடித்த யாஷிகா, அஸ்மிதா ஆகியோருக்கு என் நன்றிகள். இந்த படம் வெற்றி பெற உங்கள் அத்தனை பேரின் ஆசீர்வாதமும், ஒத்துழைப்பும் வழங்க வேண்டும், என்று அன்புடன் கேட்டுக்கொள்கிறேன்.” என்றார்.

நடிகை மைதிலி பேசுகையில், “எனக்கு இந்த படத்தில் வாய்ப்பு கொடுத்த முருகன் சார் மற்றும் ராஜா சாருக்கு நன்றி. நான் இலங்கையில் இருந்து வந்திருக்கிறேன், இந்த படம் எனக்கு நல்ல பெயர் வாங்கிக் கொடுக்கும் என்று நம்புகிறேன். இந்த படம் வெற்றி பெற உங்களது ஆதரவு வழங்க வேண்டும், என்று கேட்டுக்கொள்கிறேன்.” என்றார்.

நடிகை மகாலட்சுமி பேசுகையில், “அனைவருக்கும் வணக்கம், எனக்கு வாய்ப்பளித்ததற்கு நன்றி. நான் ஐதராபாத்தில் இருந்து வருகிறேன், இப்போது சென்னையில் இருக்கிறேன். படம் வெற்றி பெற வாழ்த்துகள்.” என்றார்.

நடிகை அம்ருதா ராஜா பேசுகையில், “அனைவருக்கும் வனக்கும், நான் பெங்களூரை சேர்ந்தவள். எனக்கு இந்த வாய்ப்பை உருவாக்கி கொடுத்த ராஜா சாருக்கு நன்றி. என்னை நம்பி இந்த கதாபாத்திரத்தை கொடுத்த முருகன் சாருக்கு நன்றி. இந்த படம் தமிழ், தெலுங்கு மற்றும் மராட்டி மொழிகளில் வெளியாக இருக்கிறது. படம் வெளியானதும் திரையரங்குகளுக்கு சென்று பார்க்க வேண்டும், என்று கேட்டுக்கொள்கிறேன். நன்றி.” என்றார்.

கமல்ஜி பேசுகையில், “நான் ஊட்டியில் இருந்து வந்திருக்கேன். முருகன் சார் இந்த படத்திற்காக நிறைய கஷ்ட்டப்பட்டிருக்கிறார், அதை நான் நேரில் பார்த்தேன். அவரும் நானும் 15 வருடங்களாக நண்பர்களாக பழகி வருகிறோம். இந்த படம் மிகப்பெரிய வெற்றி பெற வேண்டும். ஒத்துழைப்பு கொடுத்த அனைவருக்கும் நன்றி.” என்றார்.

நடன இயக்குநர் தாமரை பேசுகையில், “நான் நிறைய படங்களில் பணியாற்றியிருக்கிறேன். இந்த படத்தின் கதை புதிதாக இருக்கிறது. இந்த கதையை கேட்கும் போது சந்தோஷப்பட்டேன். முழந்தை முருகன் சார் கடுமையாக உழைத்திருக்கிறார். அவரது உழைப்புக்காகவே இந்த படம் மிகப்பெரிய வெற்றி பெற வேண்டும். எனக்கு வாய்ப்பளித்த ராஜா சார் மற்றும் முருகன் சாருக்கு நன்றி.” என்றார்.

நடிகை சிஞ்சனா பேசுகையில், “நான் கர்நாடகாவை சேர்ந்தவள், எனக்கு இந்த வாய்ப்பளித்த அனைவருக்கும் நன்றி. படம் வெற்றி பெற வாழ்த்துகிறேன், நன்றி.” என்றார்.

நடிகை தியாரா பேசுகையில், “நான் பெங்களூரில் இருந்து வருகிறேன். இந்த படத்தில் நடிக்க வாய்ப்பளித்ததற்கு ராஜா சார் மற்றும் முருகன் சாருக்கு நன்றி. இந்த படத்தில் நடிப்பது எக்சைட்டாக இருக்கிறது. நன்றி.” என்றார்.

நடிகை ஸ்ரீநிசா பேசுகையில், “நான் பெங்களூரில் இருந்து வருகிறேன். இந்த படத்தில் நடிக்க வாய்ப்பளித்த ராஜா சார் மற்றும் குழந்தை முருகன் சாருக்கு நன்றி.” என்றார்.

நடிகை மேஹா பேசுகையில், “அனைவருக்கும் வணக்கம், நான் பெங்களூர் பெண். இந்த படத்தில் நடிக்க எனக்கு வாய்ப்பளித்த அனைவருக்கும் நன்றி. இயக்குநர் மற்றும் ராஜா சாருக்கு நன்றி. இந்த படத்தில் நடிப்பது மகிழ்ச்சியாக இருக்கிறது. நன்றி.” என்றார்.

நடிகை நயனா சாய் பேசுகையில், “இயக்குநர் குழந்தை முருகன் சார், இந்த கதையை என்னிடம் சொன்ன போது வித்தியாசமாக இருந்தது. தலைப்பை போலவே படமும் ரொம்ப யூனிக்காகவும், வித்தியாசமாகவும் இருக்கும். படக்குழுவினர் அனைவருக்கும் எனது வாழ்த்துகள். நன்றி.” என்றார்.

நடிகை அஸ்மிதா பேசுகையில், “ரொம்பவே மகிழ்ச்சியாக இருக்கிறது. பைசாசி படத்தில் நடிப்பது மகிழ்ச்சியாக இருக்கிறது. இயக்குநர் முருகன் சாரை எனக்கு ரொம்ப நாட்களாக தெரியும். ஒரு படம் பண்ணப் போவதாக என்னிடம் சொன்னார். அதை கதையாக சொன்ன போது ரொம்ப நல்லா இருந்தது. படம் வெளியான பிறகு நீங்களும் பார்க்க போகிறீர்கள். படம் வெற்றி பெற வாழ்த்துகிறேன், நன்றி.” என்றார்.

பைசாசி படத்தின் இணை இயக்குநர் பிரகாஷ் பாபு பேசுகையில், “முருகன் எனக்கு 18 வருடங்கள் பழக்கம். திருமணம் முடிந்ததும் என்னால் பீல்டுக்குள்ள வர முடியல. ஆனால், முருகன் தொடர்ந்து இயங்கி கொண்டிருந்தார். இந்த படத்தை மூன்று முறை எடுக்க முயற்சித்து முடியாமல் போய்விட்டது. இந்த முறை எப்படியாவது எடுத்துவிட வேண்டும், என்று முயற்சித்து முடித்திருக்கிறோம். முருகன் சாதாரணமானவர் அல்ல, அவர் உழைப்பு மிகப்பெரியது. இந்த படத்தின் மூளை அவர் தான். அவர் மூளை தான் இந்த படம் சிறப்பாக வருவதற்கு காரணம். இந்த படத்திற்காக ஹீரோ ராஜா பெரிய ஒத்துழைப்பு கொடுத்தார், அவருக்கு நன்றி. நான், என் மனைவி, ராஜா சார் மற்றும் முருகன் நான்கு பேரும் இணைந்து படத்தை உருவாக்கியிருக்கிறோம். 

இந்த படத்தை எப்படி பிரமாண்டமாக எடுக்கலாம், அதே சமயம் செலவுகளை எங்கு குறைப்பது, படத்தின் தரத்தை எப்படி அதிகரிப்பது, என்று மிக சரியான திட்டமிடலுடன் முருகன் இந்த படத்தை உருவாக்கியிருக்கிறார். இன்றைய நிகழ்ச்சி குறுகிய காலத்தில் ஏற்பாடு செய்யப்பட்டு சிறப்பாக நடைபெற்றுள்ளது. இதற்கு ஒத்துழைப்பு கொடுத்த அனைவருக்கும் நன்றி.” என்றார்.

நடிகை சுப்ரியா பிள்ளை பேசுகையில், “அனைவருக்கும் வணக்கம், நான் ஐதராபாத்தில் இருந்து வந்திருக்கிறேன். இயக்குநர் முருகன் சாரை எனக்கும் ரொம்ப நாளாக தெரியும். இந்த கதை பற்றி ஏழு மாதங்களாக தெரியும். மிக சிறப்பான கதை. படம் வெற்றி பெற வாழ்த்துகிறேன்.” என்றார்.

நடிகை யாஷிகா ஆனந்த் பேசுகையில், “அனைவருக்கும் வணக்கம். இந்த படத்திற்காக நீண்ட நாட்கள் காத்துக் கொண்டிருந்தோம். சிறப்பான இதிகாச படம் இது. இதை தொடங்க பல நாட்களாக திட்டமிட்டு இப்போது தொடங்கியிருக்கிறோம். இயக்குநர் முருகன் சார், ராஜா சாருக்கு நன்றி. எனக்கு மிக சிறப்பான கதாபாத்திரம் கொடுத்திருக்கிறார்கள். அந்த கதாபாத்திரம் சவலானது. தமிழில் நன்றாக பேச வேண்டும். அதற்காக இப்போது பயிற்சி மேற்கொண்டு வருகிறேன். படம் வெற்றி பெற வாழ்த்துகிறேன், நன்றி.” என்றார்.

நிகழ்ச்சியில் இயக்குநர் குழந்தை முருகன் மற்றும் நாயகன் சுந்தரபாண்டியராஜா, அனைவருக்கும் பொன்னாடை போர்த்தி கெளரவித்தனர்.

Read More

*லைகா புரொடக்ஷன்ஸ் வழங்கும், மணி ரத்னம் இயக்கத்தில் உருவாகியுள்ள ‘இஞ்சி வெல்லம்’ திரைப்படத்தின் வெளியீட்டு தேதி அறிவிப்பு

 *லைகா புரொடக்ஷன்ஸ் வழங்கும், மணி ரத்னம் இயக்கத்தில் உருவாகியுள்ள ‘இஞ்சி வெல்லம்’ திரைப்படத்தின் வெளியீட்டு தேதி அறிவிப்பு! 

சுபாஸ்கரன் தலைமையிலான லைகா புரொடக்‌ஷன்ஸ் வழங்கும், மணி ரத்னம் இயக்கத்தில் உருவாகியுள்ள 'இஞ்சி வெல்லம்' திரைப்படம் ஜனவரி 29, 2027 அன்று உலகம் முழுவதும் திரையரங்குகளில் வெளியாகிறது.

இந்தியத் திரையுலகில் பெரும் எதிர்பார்ப்பை ஏற்படுத்தியிருக்கும் மணி ரத்னம் இயக்கத்தில், லைகா புரொடக்‌ஷன்ஸ் தயாரிப்பில் உருவாகி வரும் 'இஞ்சி வெல்லம்' திரைப்படத்தின் உலகளாவிய திரையரங்க வெளியீட்டுத் தேதி அதிகாரப்பூர்வமாக அறிவிக்கப்பட்டுள்ளது. இப்படம், அடுத்த வருடம் ஜனவரி 29 ஆம் தேதி உலகம் முழுவதும் திரையரங்குகளில் வெளியாகிறது.

லைகா புரொடக்ஷன்ஸ் மற்றும் இயக்குநர் மணி ரத்னம் கூட்டணி இதற்கு முன்பு 'பொன்னியின் செல்வன்' திரைப்படத்தின் மூலம் பிரம்மாண்டமான வெற்றியை பதிவு செய்தனர். இந்தக் கூட்டணி தற்போது மீண்டும் இணைந்துள்ளது. இந்த முறை, மக்கள் செல்வன் விஜய் சேதுபதி மற்றும் சாய் பல்லவி முதன்மைக் கதாபாத்திரங்களில் நடிக்கும் மனதை வருடும் காதல் மற்றும் உறவுகளை மையமாகக் கொண்ட திரைப்படமாக 'இஞ்சி வெல்லம்' உருவாகியுள்ளது.

தனது தனித்துவமான கதை சொல்லும் பாணியாலும், நேர்த்தியான திரைப்பட உருவாக்கத்தாலும் ஏராளமான வளரும் இயக்குநர்களுக்கும் சினிமா ரசிகர்களுக்கும் தொடர்ந்து உத்வேகம் அளித்து வருபவர் இயக்குநர் மணிரத்னம். ஒவ்வொரு புதிய படைப்பின் மீதும் ரசிகர்களிடையே பெரும் எதிர்பார்ப்பை ஏற்படுத்தும் அவரது இயக்கத்தில் உருவாகும் இப்படமும் கவனம் ஈர்த்துள்ளது. அதேபோல், திட்டமிட்ட கால அட்டவணைப்படி படப்பிடிப்பை நிறைவு செய்யும் அவரது பணித்திறனும் தயாரிப்பாளர்களின் நம்பிக்கையைப் பெற்றுள்ளது. தற்போது படப்பிடிப்பு முழுமையாக நிறைவடைந்துள்ள நிலையில், படத்தின் இறுதிக்கட்டப் பணிகள் விறுவிறுப்பாக நடைபெற்று வருகின்றன

இப்படத்தில் கன்னட நடிகை சைத்ரா ஆச்சாரும் முக்கிய கதாபாத்திரத்தில் நடித்துள்ளார். பல மொழித் திரைப்படங்களில் தனது திறமையான நடிப்பால் கவனம் ஈர்த்து வரும் இவர், 'சப்த சாகரதாச்சே எல்லோ சைடு பி' உள்ளிட்ட திரைப்படம் மற்றும் 'மீசைய முறுக்கு 2', '3BHK', 'ரூம் நம்பர் 418' உள்ளிட்ட திரைப்படங்களிலும் நடித்துள்ளார்.

இப்படத்தின் மீதான எதிர்பார்ப்பை மேலும் அதிகரிக்கும் வகையில், ஆஸ்கர் விருது வென்ற இசையமைப்பாளர் ஏ.ஆர். ரஹ்மான் இசையமைத்துள்ளார். சமீபத்தில் வெளியிடப்பட்ட பிட் டிராக் பாடலுடன் கூடிய கிளிம்ப்ஸ் வீடியோ, கொல்கத்தாவின் அழகையும், படத்தின் தனித்துவமான காட்சியமைப்பையும் ரசிகர்களுக்கு அறிமுகப்படுத்தியுள்ளது. அதன் காட்சியமைப்பும் இசையும் ரசிகர்களிடையே கவனத்தைப் பெற்றுள்ளன. இதனால், படத்தின் முழுமையான இசை ஆல்பத்தைக் கேட்கும் ஆர்வமும் ரசிகர்களிடையே அதிகரித்துள்ளது.

படத்தின் முதல் பாடல் வெளியீடு, இசை வெளியீட்டு விழா மற்றும் டிரெய்லர் குறித்த கூடுதல் அறிவிப்புகளைப் படக்குழுவினர் விரைவில் வெளியிடுவார்கள் என எதிர்பார்க்கப்படுகிறது.

Read More