ஷாருக்கானின் பிறந்தநாளில் வெளியாகியிருக்கும் 'கிங் - KING' திரைப்படத்தின் முதல் பாடல் 'தூ மில் ஜாயே - Tu Mil Jaaye

 *ஷாருக்கானின் பிறந்தநாளில் வெளியாகியிருக்கும் 'கிங் - KING' திரைப்படத்தின் முதல் பாடல் 'தூ மில் ஜாயே - Tu Mil Jaaye'!*

தனது பிறந்தநாளில் ஷாருக்கான், வரவிருக்கும் 'கிங் - KING' திரைப்படத்தில் இடம்பெற்ற 'தூ மில் ஜாயே - Tu Mil Jaaye' எனும் முதல் பாடலை வெளியிட்டிருக்கிறார். இந்தப் பாடலின் மூலம், ஒரு ராஜாவைப் போல் எப்படி நேசிக்க வேண்டும் என்பதை உலகிற்கு அவர் காட்டியிருக்கிறார். காதல் - அதிரடி - அவரது மிரட்டலான, திகிலூட்டும் பாணி ஆகியவை கலந்த இந்தப் பாடலில் தீபிகா படுகோனும் இடம் பிடித்துள்ளார். மேலும், இந்தப் பாடலில் அர்ஜித் சிங் (Arijit Singh) மற்றும் எட் ஷீரன் (Ed Sheeran) ஆகியோரின் உலகளாவிய இசைப் பங்களிப்பும் இடம்பெற்றுள்ளது.

ஷாருக்கானின் ரசிகர்களுக்கு இதைவிட ஆகச்சிறந்த பிறந்தநாள் பரிசு இருக்க முடியாது. பாலிவுட் சூப்பர் ஸ்டார் ஷாருக்கானின் விரைவில் வெளியாகவுள்ள அதிரடித் திரைப்படமான 'கிங் - KING' படத்தின் முதல் பாடலான 'தூ மில் ஜாயே - Tu Mil Jaaye' பாடலை வெளியிட்டுள்ளார். இது இசை மற்றும் திரையுலகின் மிக முக்கியமான கலைஞர்களை ஒன்றிணைக்கிறது. அர்ஜித் சிங்கின் அற்புதமான குரலும், எட் ஷீரனின் தனித்துவமான ராப் இசைப் பாணியும் இணைந்து, உலகளாவிய இசை விருந்தாக இந்தப் பாடல் அமைந்துள்ளது. மேலும், ரசிகர்கள் பெரிதும் விரும்பும் ஷாருக்கான் - தீபிகா படுகோன் ஜோடியை மீண்டும் திரையில் கொண்டு வருகிறது.

'கிங் - KING' திரைப்படத்தின் உலகத்தை ரசிகர்களுக்கு அறிமுகப்படுத்தும் வகையிலான இந்தப் பாடல், ஷாருக்கானின் வசனத்துடன் தொடங்குகிறது. 'நான் கொலையாளி அல்ல, காதலன்; என் இலக்கு என் காதலி. இதயத்தைத் துளைக்காதவன் என்ன காதலன்?..' என்ற இந்த வசனம் அவரது கதாபாத்திரத்தின் தன்மையை அதிரடியாக வெளிப்படுத்துகிறது. தொடர்ந்து வரும் துள்ளலான காதல் நடனப் பாடல், பாலிவுட்டின் புகழ்பெற்ற அர்ஜித் சிங்கையும், உலகப் புகழ்பெற்ற பாப் இசை நட்சத்திரம் எட் ஷீரனையும் ஒன்றிணைக்கிறது. மதுபந்தி பாக்ஸியின் மந்திரக் குரலும் இதில் கூடுதலாக இணைந்து பாடலை மெருகேற்றுகிறது.

காதல் - அதிரடி மற்றும் மிரட்டலான உணர்வுகளை உள்ளடக்கிய இந்தப் பாடல், 'கிங் - KING' திரைப்படத்தின் புதிய பரிமாணத்தை ரசிகர்களுக்குக் காட்சிப்படுத்துகிறது.

இசையமைப்பாளர்கள் சச்சின் - ஜிகர் (Sachin - Jigar) இசையமைப்பில், பாடலாசிரியர் குமார் பாடலை எழுத, நடன இயக்குநர்கள் பியூஷ் - ஷாஜியாவின் நடன அமைப்பில், எட் ஷீரனின் ஆங்கில மொழியிலான ராப் பாடல் வரிகளுடன் உருவாகியுள்ள 'தூ மில் ஜாயே - Tu Mil Jaaye' பல படைப்பாற்றல் மிக்க கலைஞர்களின் சங்கமமாகத் திகழ்கிறது. பாடலின் இறுதியில் ஷாருக்கானின் மற்றொரு அதிரடியான வசனமும் இடம் பெறுகிறது. 'இந்த முறை இதயத்தில் நெருப்பு பற்றிக் கொண்டது; உலகத்தையே எரித்து விடாமல் நான் ஓயமாட்டேன்!' எனும் இந்த உரையாடல், 'கிங் - KING' திரைப்படத்தின் தீவிரமான மற்றும் கம்பீரமான சூழலை மீண்டும் உறுதிப்படுத்துகிறது.

திரையில் ஷாருக்கான் மற்றும் தீபிகா படுகோனின் கெமிஸ்ட்ரி எப்போதும் ரசிகர்களுக்கு மிகவும் பிடித்தமான ஒன்று. அது இந்த 'தூ மில் ஜாயே - Tu Mil Jaaye' பாடலிலும் எதிரொலிக்கிறது. அழகான காதல் தருணங்கள் - பிரம்மாண்டமான காட்சிகள் மூலம் அந்த மந்திரத்தை மீண்டும் திரையில் உயிர்ப்பித்திருக்கிறது. இதில் உள்ள அதிரடிக் காட்சிகள் - நேர்த்தியான மாற்றங்கள் - உரையாடல்கள் ஆகியவை, இது ஒரு சாதாரண பாடல் வெளியீட்டை விடக் கூடுதலான அனுபவத்தை வழங்குகின்றன. 'கிங் - KING' திரைப்படம் வெள்ளித்திரையில் காட்சிப்படுத்தவுள்ள உலகத்தைப் பற்றிய ஒரு முன்னோட்டத்தையும் ரசிகர்களுக்கு இந்தப் பாடல் வழங்குகிறது.

சித்தார்த் ஆனந்த் இயக்கத்தில், ரெட் சில்லீஸ் என்டர்டெய்ன்மெண்ட் (Red Chillies Entertainment) மற்றும் மார்ஃப்ளிக்ஸ் பிக்சர்ஸ் (Marflix Pictures) நிறுவனங்களின் தயாரிப்பில் உருவாகியுள்ள 'கிங் - KING', எதிர்வரும் டிசம்பர் மாதம் 24ஆம் தேதி முதல் உலகம் முழுவதும் திரையரங்குகளில் வெளியாகிறது.

'தூ மில் ஜாயே - Tu Mil Jaaye' பாடல் தற்போது அனைத்து இசைத் தளங்களிலும் கிடைக்கிறது. இதன் வீடியோவை ஜீ மியூசிக் கம்பெனி (Zee Music Company) மற்றும் டி-சீரிஸ் (T-Series) ஆகிய நிறுவனங்களின் யூடியூப் சேனல்களிலும் பார்வையிடலாம்.

*On his Birthday, Shah Rukh Khan Shows the World How to Love Like a KING with ‘Tu Mil Jaaye’, the First Song from His Upcoming Film - Blending Romance, Action and His Dehshat, Featuring Deepika Padukone in a Global Pop Collaboration Between Arijit Singh and Ed Sheeran*

There couldn’t be a better birthday surprise for Shah Rukh Khan’s fans! The superstar has unveiled ‘Tu Mil Jaaye’, the first song from his upcoming action entertainer KING, and it brings together some exciting names from the worlds of music and cinema. With an unprecedented global music collaboration featuring Arijit Singh's glorious vocals and Ed Sheeran's distinct rap style, the song reunites the much-loved on-screen pairing of Shah Rukh Khan and Deepika Padukone.

Giving audiences an exciting glimpse into the world of KING, the music video opens with Shah Rukh Khan’s dialogue, “Main qaatil nahi, aashiq hoon, aur nishana meri mashooka, aur woh aashiq hi kya jo dil cheer na de”, immediately setting the tone for his character. What follows is a peppy romantic dance track that brings Bollywood's much-loved Arijit Singh together with global pop sensation Ed Sheeran, creating a musical collaboration that bridges two worlds, with Madhubanti Bagchi adding her magical touch. 

Blending romance, action and dehshat, the song introduces audiences to a new side of KING, revealing the many shades of the film beyond its music.

Composed by Sachin-Jigar, with lyrics by Kumaar, choreography by Piyush-Shazia and an English rap penned by Ed Sheeran, ‘Tu Mil Jaaye’ showcases a range of creative talents. The video closes with another powerful dialogue by SRK, “Iss baar dil mein aag lagi hai, ab duniya jalaye bina manega nahi”, bringing the focus back to the aura and intensity that defines KING.

Shah Rukh Khan and Deepika Padukone’s on-screen chemistry has been a favourite with audiences, and ‘Tu Mil Jaaye’ brings back that familiar magic through romantic moments and grand visuals. The action moments, slick transition, and dialogues make this much more than a regular song release, giving audiences an early look at the world KING is bringing to the big screen.

Directed by Siddharth Anand and produced by Red Chillies Entertainment and Marflix Pictures, KING arrives in cinemas worldwide on 24 December 2026.

‘Tu Mil Jaaye’ is out now on all streaming platforms, with the music video available on the Zee Music Company & T-Series YouTube channels.

https://www.youtube.com/watch?v=BPZkZpGMpXA

Read More

33 வருடம் கழித்து மீண்டும் திரைக்கு வரும் 'ஜென்டில்மேன்'

 33 வருடம் கழித்து மீண்டும் திரைக்கு வரும் 

'ஜென்டில்மேன்' ! 

மெகா தயாரிப்பாளர் K.T.குஞ்சுமோனின் மெகா பிளான்!!

இந்திய திரைப் படங்களில் மிக முக்கியமான படங்களில் ஒன்றாக கொண்டாடப்படும், தமிழ் சினிமாவின் மிகச்சிறந்த வெற்றிப் படங்களில் ஒன்றான படம் 'ஜென்டில்மேன்'.

மீண்டும் இப்படத்தை திரைக்கு கொண்டுவர மெகா தயாரிப்பாளர் குஞ்சுமோன் பிரமாண்டமாக முடிவு செய்துள்ளார். இப்படம் வரும் டிசம்பர் 11- ம் தேதி உலகம் முழுவதும் மீண்டும் வெளியாகிறது.

இந்த மறு வெளியீட்டுத் தேதியை உறுதிப்படுத்தும் வகையில், புதிய போஸ்டர் ஒன்றையும் அவர் வெளியிட்டுள்ளனர்.

1993-ல் வெளியான 'ஜென்டில்மேன்' திரைப்படம், S.ஷங்கர் இயக்குநராக அறிமுகமான படைப்பாகும்; இவரது திரைக்கதை, பிரமாண்ட காட்சி அமைப்பு, பாடல்களை உருவாக்கிய விதம் என்று இப்படம் ஷங்கருக்கு சினிமாவில் தனி இடத்தை கொடுத்தது. இதன் மூலம் தனது பாணியில் கலைஞர்களை உருவாக்க முடியும் என்று நிரூபுத்து காட்டியவர் தயாரிப்பாளர் கே டி குஞ்சுமோன். 800க்கும் மேற்பட்ட படங்களை வினியோகம் செய்த அனுபவங்கள் மூலம் இந்த மாதிரி மெகா படங்களை தனது கமர்சியல் பாணியில் உருவாக்கினார். 

 'ஆக்ஷன் கிங்' அர்ஜுன் நடித்த இத் திரைப்படம், திரையரங்குகளில் உலக அளவில் மிகப்பெரிய வெற்றியைப் அன்று பெற்றது. விறுவிறுப்பான சண்டைக் காட்சிகள், காதல் என மக்களுக்கு பிடித்த படமாக ஹிட் அடித்தது. இன்று நடந்துவரும் சமூக முக்கியத்துவம் வாய்ந்த பிரச்சனையை அன்றே இக்கதையின் முக்கிய கருவாக இருந்ததால் இன்றும் இப்படத்தை மக்கள் கொண்டாட்டமாக கொண்டாடுவார்கள். 

*ஜென்டில்மேன்* (Gentleman) திரைப்படம் மீண்டும் திரையரங்குகளில் வெளியாகவுள்ளது என்ற அறிவிப்பு, நீண்டகாலத் திரைப்பட ஆர்வலர்களையும் , இன்றைய இளம் தலைமுறை ரசிகர்களையும் நிச்சயம் உற்சாகப்படுத்தும். படங்களை அகன்ற திரையில் பார்ப்பதே ரசிகர்களுக்கு பேரானந்த்ம். A.R.ரஹ்மானின் இசையில் காலத்தால் அழியாத பாடல்கள், ஷங்கரின் தனித்துவமான இயக்க பாணி, மற்றும் அர்ஜுனின் மிகச்சிறந்த நடிப்பு ஆகியவற்றை கொண்ட இந்த பிரம்மாண்ட படத்தை மீண்டும் பெரிய திரையில் கண்டு ரசிக்கும் வாய்ப்பை இது ரசிகர்களுக்கு வழங்குகிறது.

ஜென்டில்மேன் ஃபிலிம் இன்டர்நேஷனல் (Gentleman Film International K.T. குஞ்சுமோன் தயாரித்துள்ள இப்படத்தில், மதுபாலா, வினீத், சுபஸ்ரீ, M.N.நம்பியார், சரண் ராஜ், அஜய் ரத்னம், கவுண்டமணி, செந்தில். ராஜன் பி தேவ் ஆகியோர் முக்கிய கதாபாத்திரங்களில் நடித்துள்ளனர்.

நட்புக்காக பிரபுதேவா - கௌதமி நடித்த " சிக்கு புக்கு ரயிலே" பல தல முறைகளை கடந்து இன்றும் பிரபலமாக உள்ளது குறிப்பிடத்தக்கது.

 பால குமரன் வசனங்களை எழுத, ' கவிப்பேரரசு ' வைரமுத்து மற்றும் ' கவிஞர் ' வாலி ஆகியோர் பாடல்கள் எழுதியுள்ளனர். கலை இயக்குநராக தோட்டா தரணியும், படத்தொகுப்பாளர்களாக V.T. விஜயன் மற்றும் B. லெனினும் பணியாற்றியுள்ளனர்.

இப்படம் இப்போது 4K அல்ட்ரா ஹெச்டி (4K Ultra HD) காட்சித் தரம் மற்றும் மேம்படுத்தப்பட் 7.1 சரவுண்ட் சவுண்ட் (7.1 suround sound) என நவீன தொழில்நுட்பத்துடன் மீண்டும் திரைக்கு வருகிறது. கிரேஸ் ஃபிலிம் மீடியா (Grace Film Media) பேனரின் அனில் குமார் இப்படத்தை விநியோகம் செய்கிறார்.

டிசம்பர் 11 முதல் உலகம் முழுவதும் மீண்டும் வெளியாகவுள்ள ‘ஜென்டில்மேன்’, 1990-களின் பொற்காலத் தமிழ் சினிமாவின் நினைவுகளை மீண்டும் பெரிய திரையில் கொண்டு வர உள்ளது .

     - Johnson

📧 johnmyson@gmail.com

📞 +91 94449 00048

X: @johnsoncinepro

Insta: @johnsoncinepro

FB: Johnson Pro

Read More

*அர்ஜுன் தாஸின் ‘ஜான் டோ’ (John Doe) நவம்பர் 13 முதல் திரையரங்குகளில் வெளியீடு

 *அர்ஜுன் தாஸின் ‘ஜான் டோ’ (John Doe) நவம்பர் 13 முதல் திரையரங்குகளில் வெளியீடு! 

*கதாப்பாத்திரங்கள் நிறைந்த மர்மமான போஸ்டர்… வெளியீட்டுத் தேதியுடன் களமிறங்கும் அர்ஜுன் தாஸின் ‘ஜான் டோ’!*

அர்ஜுன் தாஸ் நடிப்பில் உருவாகியுள்ள சைக்கலாஜிக்கல் கிரைம் திரில்லர் திரைப்படமான ‘ஜான் டோ’ (John Doe), வரும் நவம்பர் 13ஆம் தேதி திரையரங்குகளில் வெளியாகிறது. இதனை அசத்தலான ஒரு போஸ்டர் மூலம்  படக்குழு அதிகாரப்பூர்வமாக அறிவித்துள்ளது.

இந்த போஸ்டர், மர்மம் நிறைந்த கிரைம் திரில்லர் கதைக்களத்தை உணர்த்தும் வகையில் வடிவமைக்கப்பட்டுள்ளது. சிவப்பு மற்றும் கருப்பு வண்ணப் பின்னணியில், காவலர் சீருடையில் இருக்கும் அர்ஜுன் தாஸின் தோற்றம் மையமாக இடம்பெற்றுள்ளது. அவரைச் சுற்றிலும் பல்வேறு கதாபாத்திரங்களின் புகைப்படங்கள், மர்மமான காட்சிகள் மற்றும் விசாரணையுடன் தொடர்புடைய தடயங்களை நினைவூட்டும் அம்சங்கள் இடம்பெற்றுள்ளன. குறிப்பாக, கதாபாத்திரங்களின் முகபாவனைகளும், ஒன்றோடொன்று தொடர்புடையது போன்ற புகைப்படங்களின் தொகுப்பும் படத்தின் பின்னணியில் இருக்கும் மர்ம முடிச்சுகள் குறித்த எதிர்பார்ப்பை அதிகரிக்கின்றன. ‘ஜான் டோ’ என்ற தலைப்புடன் நவம்பர் 13ஆம் தேதி வெளியாகும் என்ற அறிவிப்பும் இடம்பெற்றுள்ள இந்தப் போஸ்டர், படத்தின் மீதான ரசிகர்களின் ஆர்வத்தைத் தூண்டியுள்ளது.

‘பாகுபலி’ உள்ளிட்ட பிரம்மாண்ட படைப்புகளைத் தயாரித்த அர்கா மீடியாஒர்க்ஸ் (Arka Mediaworks) நிறுவனம் சார்பில் ஷோபு யார்லகட்ட  (Shobu Yarlagadda), பிரசாத் தேவினேனி ( Prasad Devineni) ஆகியோர் தயாரித்துள்ள இப்படத்தை இயக்குநர் மதுமிதா இயக்கியுள்ளார். அர்ஜுன் தாஸ் கதையின் நாயகனாக நடித்துள்ள இப்படத்தில் சஞ்சனா நடராஜன், ஸ்ருஷ்டி, ஜாரா வினீத் சந்தோக், நீரவ் உள்ளிட்ட பலர் நடித்துள்ளனர். இயக்குநர் மதுமிதா மற்றும் நிக்கோலஸ் செவாலியர் ( Nicholas Chevaillier) இணைந்து படத்தின் கதை மற்றும் திரைக்கதையை எழுதியுள்ளனர்.

படத்திற்கு பிரீதா ஜெயராமன் ISC ஒளிப்பதிவு செய்துள்ளார். முஜீப் மஜீத் இசையமைக்க, ஆர்டிஸ்ட் 404 (Artist 404) கூடுதல் இசைப் பணிகளை மேற்கொண்டுள்ளது. படத்தொகுப்பை விஜய் வெங்கடரமணன் கவனித்துள்ளார். தயாரிப்பு வடிவமைப்பாளராக அஷ்வினி காலே பணியாற்றியுள்ளார்.

“ஜான் டோ என்பவர் யார்? பாதிக்கப்பட்டவரா, கொலைகாரனா அல்லது காணாமல் போன குழந்தையா? என்பதைச் சுற்றி இப்படத்தின் கதை நகர்கிறது. சந்துரு உண்மையைத் தேடிப் பயணிக்கும்போது, ஜான் டோவைப் பற்றிய உண்மையை யாரும் எதிர்கொள்ளத் தயாராக இல்லையென்றால் என்ன செய்வது என்ற கேள்வி எழுகிறது. பார்வையாளர்களால் எளிதில் யூகிக்க முடியாத வகையில் திரைக்கதை அமைக்கப்பட்டுள்ளது.”

அர்ஜுன் தாஸ் முதன்முறையாக காவல் அதிகாரி கதாபாத்திரத்தில் நடித்திருப்பது இப்படத்தின் மீதான எதிர்பார்ப்பை மேலும் அதிகரித்துள்ளது. போஸ்டரில் காவலர் சீருடையில் அவர் தோன்றியிருப்பதும், மர்மம் நிறைந்த கதாபாத்திரங்களின் புகைப்படங்கள் இடம்பெற்றிருப்பதும் படத்தின் கதைக்களம் குறித்த பல்வேறு கேள்விகளை எழுப்புகின்றன.

அர்கா மீடியாஒர்க்ஸ் நிறுவனத்தின் தயாரிப்பு, அர்ஜுன் தாஸின் வித்தியாசமான கதாபாத்திரம், மதுமிதாவின் இயக்கம் எனப் பல எதிர்பார்ப்புகளை ஏற்படுத்தியுள்ள ‘ஜான் டோ’ திரைப்படம், நவம்பர் 13ஆம் தேதி திரையரங்குகளில் வெளியாகிறது.

Read More

இசைக் கடவுள் இளையராஜாவுக்கு நன்றி தெரிவித்த ராமராஜன்

 இசைக் கடவுள் இளையராஜாவுக்கு நன்றி தெரிவித்த ராமராஜன்! 

ஒரு பாடலுக்கு ஆறுமாதம் போராடுகிறவர்களுக்கு மத்தியில், தனது "கடவுள் தந்த பரிசு" திரைப்படத்திற்காக ஒரே நாளில் ஆறு பாடல்களை கம்போஸ் செய்து, அடுத்த ஆறு நாட்களில் அற்புதமான ஆறு பாடல்களையும் பிரமிக்கத்தக்க வகையில் பதிவு செய்து கொடுத்த இசைக் கடவுள் இளையராஜாவை, மக்கள் நாயகன் ராமராஜன், 'கடவுள் தந்த பரிசு' இயக்குநர் காசிமாயன், வசனகர்த்தா ராஜகோபால், தயாரிப்பு நிர்வாகி ராம் பிரபு ஆகிய படக்குழுவினருடன் சந்தித்து, தனது நன்றியைத் தெரிவித்து, தான் கடவுளாக மதிக்கும் இளையராஜாவிடம் ஆசி பெற்றார் ராமராஜன்!

காசிமாயன் கதை, திரைக்கதை எழுதி, இயக்குகிறார். நகைச்சுவை பகுதியை ராஜகோபால் எழுதுகிறார். வசனத்தை ராஜகோபால், எம்.அடைக்கலம் இருவரும் எழுதுகிறார்கள். மக்கள் தொடர்பு கோவிந்தராஜ்.

விரைவில் படப்பிடிப்பை துவங்கவிருக்கும் படக்குழுவினர், ஒரே கட்டமாக படப்பிடிப்பை நடத்தி முடிக்க திட்டமிட்டுள்ளனர்!

கூடுதல் சிறப்பு செய்தி -

------------------------------------

'கரகாட்டக்காரன்' ரீ-ரிலீஸ்!

37 ஆண்டுகளுக்கு பிறகு, டிஜிட்டல் தொழில்நுட்பம், சினிமாஸ்கோப், DTS ஒலியுடன் வருகிறது மக்கள் நாயகன் ராமராஜன் நடித்த 'கரகாட்டக்காரன்'!

1989 காலகட்டங்களிலேயே பெரும் வசூல் புரட்சி செய்த 'கரகாட்டக்காரன்' மீண்டும் வசூல் சாதனை செய்ய வருகிறது!

நவீன டிஜிட்டல் மறு உருவாக்கம், சினிமாஸ்கோப், மற்றும் DTS ஒலி உருவாக்கப் பணிகள் துரிதமாக நடைபெற்று வருகிறது. ரசிகர்களின் நீண்ட கால எதிர்பார்ப்பை பூர்த்தி செய்யும் வகையில், அதிவிரைவில் திரையரங்குகளை ஆர்ப்பரிக்க வருகிறார் 'கரகாட்டக்காரன்'!

@GovindarajPro

Read More

Enemy Of The Smuggler movie Review

Enemy Of The Smuggler movie Review

 *Enemy Of The Smuggler*

*CAST*

JD CHAKKARAVARTHY AS *LINGAM* 

LAL AS *MATHEW BHAI*

RADHIKA SARATHKUMAR AS *SARADHA* 

SARAN SAKTHI AS *AMAR*

BALA SARAVANAN AS *DHEENA* 

SMEHA AS *PAVITHRA* 

KAALI VENKAT AS *SELVAM*

JAFFER SADIQ AS *JAFFER*

MIME GOPI AS *RAJAN* 

SAMAYA MURALI AS *MURALI KRISHNA*

*CREW*

DIRECTION & ORIGINAL BACKGROUND SCORE- *T SAMAYA MURALI*

DOP - *KA WIN BASKER*

EDITOR - *SRI WATSON*

MUSIC - *SAM DANIEL* 

STUNT - *THAVASI RAJ*

ART DIRECTOR - *CHITTI BABU*

CHOREOGRAPHY - *DINESH* 

COLORIST - *KIRUBARAJ PRINCE*

SOUND MIXING - *HARISH* 

PUBLICITY DESIGN - *RANJITH KUMAR* 

PRO - *NIKIL MURUKAN.. படம்: எனிமி ஆப் தி ஸ்மக்லர்

நடிப்பு: ஜேடி சக்கரவர்த்தி, லால், ராதிகா, சரண் சக்தி, பாலசரவணன், சிமேஹா,, காளி வெங்கட், ஜாபர் சாதிக், மைம் கோபி, சமய முரளி

தயாரிப்பு: எஸ் ஆர் ட்ரீம் ஸ்டுடியோ

இசை: சமய முரளி

ஒளிப்பதிவு: க வின் பாஸ்கர்

இயக்கம்: டி சமய முரளி

பிஆர்ஓ : நிகில் முருகன்

கதை: வெளிநாட்டிலிருந்து கப்பல் வழியாக ரகசியமாக வரும் போதை மருந்துகளை கடத்தல் தலைவன் லிங்கம் ( ஜேடி சக்கரவர்த்தி ) லாவகமாக கடத்தி சப்ளை செய்கிறார் வறுமையில் இருக்கும் இளைஞன் அமர் (சரண் சக்தி ): குறுக்கு வழியில் சம்பாதித்து பணக்காரனாக திட்டமிடுகிறான் லிங்காவிடம் கடத்தல் வேலையில் ஈடுபட்டு பணம் சம்பாதிக்க தொடங்குகிறான். ஒரு சமயம் பல கோடி மதிப்புள்ள போதை மருந்தை அமர் திருடிவிட்டதாக கோபமடையும் லிங்கம் கொல்லத் துணிகிறான். அடுத்து நடந்தது என்ன என்பதை சஸ்பென்ஸாக விளக்குகிறது கிளைமாக்ஸ்.

பலத்த பாதுகாப்பு நிறைந்த துறைமுகங்களில் உள்ள அதிகாரிகளின் கண்களில் மண்ணை தூவி விட்டு அங்குள்ள போதை மருந்து ட்ரக்குகளை சரண் சக்தியும், பால சரவணன் இணைந்து சாதுர்யமாக கடத்துவது விறுவிறுப்பு. கண்ணில் விளக்கெண்ணெய் விட்டுக்கொண்டு துருவித் துருவி ஆராய்ச்சி செய்யும் பெண் அதிகாரியை நொடிப்பொழுதில் பால சரவணன் ஏமாற்றி டிரக்குகளுக்கு கிளியரன்ஸ் தருவதெல்லாம் திக்திக் என நகர்கிறது... 25 ஆயிரம் கோடிக்கு கடத்தி வரப்படும் போதை மருந்து டிரக்குகள் எப்படி துறைமுகத்தில் இருந்து அதிகாரிகளுக்கு தெரியாமல் வெளியே கொண்டு வரப் போகிறார்கள் என்ற காட்சி ரசிகர்களை நிமிர வைக்கிறது.

கடத்தல் மன்னன் சக்ரவர்த்தி, லால் ஆகியோர் நடிப்பில் அதகளம் செய்திருக்கிறார்கள். இருவரும் நேருக்கு நேர் மோதும் காட்சிகள் போட்டி களமாக மாற்றி இருப்பது அரங்கையே பரபரப்பாக்குகிறது

ஹீரோவின் தாயாக ராதிகா உருக்கமாக நடித்து கவர்கிறார். ஹீரோயினாக சிமேஹா அவரது அண்ணனாக காளி வெங்கட் நடித்துள்ளனர் 

Trending Cinemas Now

Homeசினிமா செய்திகள்எனிமி ஆப் தி ஸ்மக்லர் (பட விமர்சனம் )

சினிமா செய்திகள்விமர்சனம்

எனிமி ஆப் தி ஸ்மக்லர் (பட விமர்சனம் )

by Jai ChandranOctober 29, 202656

படம்: எனிமி ஆப் தி ஸ்மக்லர்

நடிப்பு: ஜேடி சக்கரவர்த்தி, லால், ராதிகா, சரண் சக்தி, பாலசரவணன், சிமேஹா,, காளி வெங்கட், ஜாபர் சாதிக், மைம் கோபி, சமய முரளி

தயாரிப்பு: எஸ் ஆர் ட்ரீம் ஸ்டுடியோ

இசை: சமய முரளி

ஒளிப்பதிவு: க வின் பாஸ்கர்

இயக்கம்: டி சமய முரளி

பிஆர்ஓ : நிகில் முருகன்

கதை: வெளிநாட்டிலிருந்து கப்பல் வழியாக ரகசியமாக வரும் போதை மருந்துகளை கடத்தல் தலைவன் லிங்கம் ( ஜேடி சக்கரவர்த்தி ) லாவகமாக கடத்தி சப்ளை செய்கிறார் வறுமையில் இருக்கும் இளைஞன் அமர் (சரண் சக்தி ): குறுக்கு வழியில் சம்பாதித்து பணக்காரனாக திட்டமிடுகிறான் லிங்காவிடம் கடத்தல் வேலையில் ஈடுபட்டு பணம் சம்பாதிக்க தொடங்குகிறான். ஒரு சமயம் பல கோடி மதிப்புள்ள போதை மருந்தை அமர் திருடிவிட்டதாக கோபமடையும் லிங்கம் கொல்லத் துணிகிறான். அடுத்து நடந்தது என்ன என்பதை சஸ்பென்ஸாக விளக்குகிறது கிளைமாக்ஸ்.

பலத்த பாதுகாப்பு நிறைந்த துறைமுகங்களில் உள்ள அதிகாரிகளின் கண்களில் மண்ணை தூவி விட்டு அங்குள்ள போதை மருந்து ட்ரக்குகளை சரண் சக்தியும், பால சரவணன் இணைந்து சாதுர்யமாக கடத்துவது விறுவிறுப்பு. கண்ணில் விளக்கெண்ணெய் விட்டுக்கொண்டு துருவித் துருவி ஆராய்ச்சி செய்யும் பெண் அதிகாரியை நொடிப்பொழுதில் பால சரவணன் ஏமாற்றி டிரக்குகளுக்கு கிளியரன்ஸ் தருவதெல்லாம் திக்திக் என நகர்கிறது.

25 ஆயிரம் கோடிக்கு கடத்தி வரப்படும் போதை மருந்து டிரக்குகள் எப்படி துறைமுகத்தில் இருந்து அதிகாரிகளுக்கு தெரியாமல் வெளியே கொண்டு வரப் போகிறார்கள் என்ற காட்சி ரசிகர்களை நிமிர வைக்கிறது.

கடத்தல் மன்னன் சக்ரவர்த்தி, லால் ஆகியோர் நடிப்பில் அதகளம் செய்திருக்கிறார்கள். இருவரும் நேருக்கு நேர் மோதும் காட்சிகள் போட்டி களமாக மாற்றி இருப்பது அரங்கையே பரபரப்பாக்குகிறது

ஹீரோவின் தாயாக ராதிகா உருக்கமாக நடித்து கவர்கிறார். ஹீரோயினாக சிமேஹா அவரது அண்ணனாக காளி வெங்கட் நடித்துள்ளனர்

துறைமுக அதிகாரியாக வரும் இயக்குனர் சமய முரளி ஜேம்ஸ்பாண்ட் ஜெய்சங்கர் பாணியில் நடித்து கவர்கிறார். படம் முழுவதுமே டென்ஷன் குறையாமல் இயக்கி ஜெய்சங்கர் படத்தை பார்த்த ஒரு உணர்வை ஏற்படுத்தி இருக்கிறார் இயக்குனர்.

க வின் பாஸ்கர் ஒளிப்பதிவு தெளிவு.

எனிமி ஆப் தி ஸ்மக்லர் – ஜேம்ஸ் பாண்ட் பாணியிலான ஆக்சன் படம்

Read More

மதுரை மாவட்டம் உசிலம்பட்டியில் தேவர் ஜெயந்தியை முன்னிட்டு, உசிலம்பட்டியில் அமைந்துள்ள பசும்பொன் முத்துராமலிங்க தேவர், பி.கே.மூக்கையாத்தேவர் சிலைகளுக்கு நடிகரும், தவெக மாநில செய்தி தொடர்பாளருமான சௌந்தரராஜா, மாலை அணிவித்து மரியாதை செலுத்தினர்.,

 உசிலம்பட்டி தேவர் ஜெயந்தி கொண்டாடும் நிகழ்வு இல்லை, அவரை நினைத்து கும்பிடும் நிகழ்வு, அவர் சொன்ன கருத்துக்களை பின்பற்ற தான் இது போன்ற குருபூஜை, ஜெயந்தி விழா நடக்கிறது., ரோட்டில் போகும் போதும், காரில் போகும் போதும் பாதுகாப்பா போங்க - இளைஞர்களுக்கு நடிகர் சௌந்தரராஜா அறிவுரை*

மதுரை மாவட்டம் உசிலம்பட்டியில் தேவர் ஜெயந்தியை முன்னிட்டு, உசிலம்பட்டியில் அமைந்துள்ள பசும்பொன் முத்துராமலிங்க தேவர், பி.கே.மூக்கையாத்தேவர் சிலைகளுக்கு நடிகரும், தவெக மாநில செய்தி தொடர்பாளருமான சௌந்தரராஜா, மாலை அணிவித்து மரியாதை செலுத்தினர்.,

தொடர்ந்து பேசிய நடிகர் சௌந்தரராஜா.,

சாதி பார்ப்பவன் சண்டாளன் என்று சொன்னவர், எல்லா மக்களும் இன்புற்று, சமமாக இருக்க வேண்டும், எல்லா மக்களையும் மதிக்க வேண்டும் என சொன்னவர் பசும்பொன் முத்துராமலிங்க தேவர்.,

அப்பேர்பட்ட தேசிய தலைவரை நாம் அவர்கள் கூறிய கருத்துக்களை இளம் தலைமுறையினர் பின்பற்றி வர வேண்டும், 

நீங்கெல்லாம் சின்ன பசங்க தேவர் ஐயா சொன்ன கருத்துகளை பின்பற்றுங்க follow பன்னுங்க, ரோட்டில் போகும் போதும், காரில் போகும் போதும் பாதுகாப்பா போங்க, இது கொண்டாடும் நிகழ்வு இல்லை, அவரை நினைத்து கும்பிடும் நிகழ்வு, அவர் சொன்ன கருத்துக்களை பின்பற்ற தான் இது போன்ற குருபூஜை நடக்கிறது.,

என் அண்ணன் தம்பி, மாமன் மைத்துனர்கள், அக்கா தங்கச்சி எல்லோரும் புரிந்து கொள்ளுங்கள், அவரது வரலாறை மதித்து எல்லா மக்களையும் சமமாக நடத்த வேண்டும், மனிதநேயத்தை போற்ற வேண்டும்.,

இந்த உசிலம்பட்டிக்கு தேவையான தேவைகளை உசிலம்பட்டி எம்எல்ஏ விஜய்-யும், உசிலம்பட்டி மண்ணின் மைந்தர் அமைச்சர் நிர்மல்குமார் அவர்களும் முதல்வரின் கவணத்திற்கு கொண்டு போய் கொண்டே தான் இருக்கிறார்கள், கொஞ்சம் கொஞ்சமாக சரி செய்வார்கள்.,

கை என்றால் கொடு என்று அர்த்தம், நமக்கு மேல் யாராவது சாதித்து சென்றால் மனதார கை தட்டி பாராட்டுங்கள், நமக்கு அருகில் யாராவது கஷ்டப்பட்டால் கை கொடுத்து தூக்கி விடுங்கள் என பேசினார்.,

பேச்சு : சௌந்தரராஜா ( நடிகர் )

Read More

'தி டார்க் ஹெவன்' இயக்குநர் பாலாஜியின் அடுத்த திரைப்படத்தின் பூஜை

 'தி டார்க் ஹெவன்' இயக்குநர் பாலாஜியின் அடுத்த திரைப்படத்தின் பூஜை ! 

'தி டார்க் ஹெவன்' இயக்குநர் பாலாஜி இயக்கத்தில்

சித்து- தர்ஷிகா நடிக்கும் 'தி லாஸ்ட் கேஸ்' (The Last Case) திரைப்படத்தின் தொடக்க விழா!

அண்மையில் வெளியாகி விமர்சன ரீதியாகவும் வசூல் ரீதியாகவும் வெற்றி பெற்ற திரைப்படம் 'தி டார்க் ஹெவன் ' . அந்தப் படத்தை பிக்பாஸ் புகழ் முகங்கள் சித்து, தர்ஷிகா மற்றும் பலர் நடிப்பில் பாலாஜி இயக்கியிருந்தார். அது ஒரு கிரைம் திரில்லராக உருவாகியிருந்தது. அதே இயக்குநர் பாலாஜி தனது அடுத்த முயற்சியாக 'தி லாஸ்ட் கேஸ்' என்கிற படத்தைத் தொடங்குகிறார். இப்படத்தையும் அதே ட்ரீம் 7 சினிமாஸ் நிறுவனமே தயாரிக்கிறது.

இப்படத்திலும் முந்தைய படத்தில் நடித்த சித்துவே நாயகனாக நடிக்கிறார். நாயகியாக தர்ஷிகா நடிக்கிறார் .மற்றும் ஜெயக்குமார் உள்ளிட்ட குணச்சித்திர நடிகர்கள் நடிக்கிறார்கள் .இந்தப் படத்தின் பூஜை இன்று பிரசாத் லேப் பிள்ளையார் கோவிலில் பத்திரிகையாளர்கள் முன்னிலையில் நடைபெற்றது.இந்தப் புதிய படத்தின் போஸ்டர்களைப் பார்க்கும்போது 'ஒவ்வொரு குற்றமும் ஏதாவது ஒரு தடயத்தை விட்டுச் செல்லும் .அது குற்றவியல் சம்பந்தமான ஒரு கோட்பாட்டைத் திருத்தி எழுதும்' என்கிற இந்தக் கருத்தை வெளிப்படுத்தும் வகையில் இந்தக் கதை அமைந்து இருக்கும் என்று தெரிகிறது.

இந்நிகழ்வில் ஊடகங்கள் மத்தியில் இயக்குநர் பாலாஜி பேசும்போது,

 திரையரங்குகளில் வெற்றி பெற்ற 'தி டார்க் ஹெவன்' ஓடிடியில் செப்டம்பர் 18ஆம் தேதி வெளியாகி பெரும் வரவேற்பைப் பெற்று இருக்கிறது. அந்த மகிழ்ச்சியோடு இன்று நாங்கள் இந்தப் படத்தை தொடங்கி இருக்கிறோம்.இந்தப் படம் ஒரு கிரைம் திரில்லர் படமாகத்தான் உருவாக இருக்கிறது. முந்தைய படத்தில் நடித்து இருந்து சித்து, தர்ஷிகா, ஜெயக்குமார் இதிலும் நடிக்கிறார்கள்.வேறு புதிய நடிகர்களும் நடிக்க இருக்கிறார்கள்.முந்தைய படத்தில் பணியாற்றிய ஒளிப்பதிவாளர், இசையமைப்பாளர் போன்ற தொழில்நுட்பக் கலைஞர்கள் இதிலும் தொடர்கிறார்கள்.

இதுவும் ஒரு மலைப்பகுதியில் நடைபெறும் குற்றம் புலனாய்வு சார்ந்த கதையாக இருந்தாலும் இந்தப் படம் முற்றிலும் மாறுபட்டதாக இருக்கும். இதில் பின்புலமாக வருகிற நிலவியல் காட்சிகள் படத்தை வேறு மாதிரியாக வேறுபடுத்திக் காட்டும்.

அந்தப் படத்தின் கதை சொல்லும் முறை வேறு மாதிரியாக அமைந்திருந்தது. பாத்திரங்கள் வேறு விதமாக தோன்றியிருப்பார்கள். இதில் ஒவ்வொரு பாத்திரத்திலிருந்தும் ஆழமான உணர்வுகள் வெளிப்படும் வகையில் கதையும் காட்சிகளும் அமையும்.

எங்கள் குழுவினர் இணைந்து உருவாக்கிய முந்தைய 'தி டார்க் ஹெவன்' படம் வணிக ரீதியாகப் பெரிய வெற்றி பெற்றது.அதற்குப் பெரிதும் காரணமாக இருந்தது ஊடகங்கள் தான். அதனால் தான் உங்கள் முன்னிலையில் இந்தப் படத்தைத் தொடங்குகிறோம்.இந்தப் படத்திற்கும் நீங்கள் ஆதரவு அளிக்க வேண்டும்.

அதே படக் குழுவாக இருந்தாலும் அதே மாதிரியான படமாக இருக்குமோ என்கிற எண்ணத்தை உடைக்கும் வகையில் இந்தக் கதை இருக்கும்.நிச்சயமாகப் புதிய திரையரங்க அனுபவத்தைத் தரும் வகையில் இருக்கும் என்பதை மட்டும் இப்போது சொல்லிக் கொள்கிறோம்.

அதில் உணர்ச்சிகரமான காட்சிகளைக் காட்டியிருக்க மாட்டோம் . இதில் பாத்திரங்களுக்கு உணர்ச்சிமயமான காட்சிகள் இருக்கும்.அதில் பேண்டஸி கலந்து இருக்கும் ;இதில் அது இருக்காது.இப்படி முற்றிலும் வேறுபட்டதாகவே இந்தப் படம் இருக்கும்

இப்போதைக்கு இக்கதையின் பின்னணியில் உண்மைச் சம்பவங்கள் உள்ளன என்ற குறிப்பை மட்டும் கூறலாம். படத்தைப் பற்றிய புது தகவல்கள் போகப் போக வெளியாகும். "என்றார்.

நிகழ்ச்சியில் கலந்து கொண்ட கதாநாயகன் சித்து பேசும்போது,

"நான் தொலைக்காட்சித்தொடர்களில் திரைப்படங்களில் தோன்றினாலும் எனது வெற்றிப் பயணத்தில் பிள்ளையார் சுழி போட்டது 'தி டார்க் ஹெவன் ' படம்தான்.சகோதரர் இயக்குநர் பாலாஜி அந்தப் படத்தின் மூலம் எனது வெற்றிக்கான தொடக்கப் புள்ளியை அமைத்து வெற்றிப் படியேற வழி செய்து கொடுத்தார். அதன் அடுத்தபடியாகத்தான் இந்தப் பட வாய்ப்பையும் அளித்துள்ளார் என்று கூற வேண்டும்.

அந்த வகையில் அந்தப் படத்தின் வெற்றியை நான் அனுபவித்தேன் .படத்தின் வெற்றியின் விளைவை நான் செல்லும் இடங்களில் எல்லாம் காண முடிந்தது. அந்தப்படம் எனக்கு ஒரு பெரிய அடையாளமாக இருந்தது. நான் அதற்கு முன்பு எங்கே சென்றாலும் எனது தொலைக்காட்சி பங்களிப்பைப் பற்றித் தான் பேசுவார்கள். இந்தப் படத்தின் வெற்றிக்குப் பிறகு தான் அதில் நான் நடித்த பாரி என்கிற கதாபாத்திரத்தின் பெயரைச் சொல்லி அடையாளப்படுத்தினார்கள்.என்னைப் பார்க்கிற இடங்களில் ”பாரி பாரி” என்று அழைத்தது எனக்கு பெரிய மகிழ்ச்சியாக இருந்தது. இந்தப் படமும் அந்த வெற்றி வரிசையில் அமையும் என்று நம்புகிறேன்" என்றார்.

கதாநாயகி தர்ஷிகா பேசும் போது,

" இப்போதுதான் 'தி டார்க் ஹெவன்' படத்தின் முன்னோட்ட வெளியீட்டு விழாவில் கலந்து கொண்டது போல் இருக்கிறது .ஆனால் அந்தப் படம் வெளியாகி வெற்றி பெற்று அடுத்த படத்தையும் தொடங்கி இருக்கிறோம் .இதை என்னால் நம்பவே முடியவில்லை. இந்தப் படமும் நன்றாக வரும் என்கிற நம்பிக்கை இருக்கிறது. மிகவும் மகிழ்ச்சியாக இருக்கிறது .அந்தப் படத்தை விட இதில் எனக்கு மாறுபட்டதாகச் சொல்லிக் கொள்ளும்படியான பாத்திரமாக இருக்கும்" என்றார்.

இந்நிகழ்வில் குணச்சித்திர நடிகர் ஜெயக்குமார், தயாரிப்பாளர்கள் கோபால் , சரண் ,இசையமைப்பாளர் சக்தி பாலாஜி மற்றும் படக் குழுவினர் கலந்து கொண்டனர்.

Read More

ஜீவாவின் ‘தகப்பன்’ படத்திலிருந்து ‘தங்கப்புள்ள’ ஃபர்ஸ்ட் சிங்கிள் வெளியீடு

 *ஜீவாவின் ‘தகப்பன்’ படத்திலிருந்து ‘தங்கப்புள்ள’ ஃபர்ஸ்ட் சிங்கிள் வெளியீடு! 

*ஜி.வி பிரகாஷ் குமார் வெளியிட்ட தகப்பன் படத்தின் ஃபர்ஸ்ட் சிங்கிள் 'தங்கப்புள்ள' பாடல்*

*மகனைப் பிரிந்து வாழும் தந்தையின் அன்பையும் ஏக்கத்தையும் உணர்வுபூர்வமாக வெளிப்படுத்தும் பாடல்!*

நடிகர் ஜீவா நடிப்பில், லார்க் ஸ்டூடியோஸ் தயாரிப்பில், இயக்குநர் ரா. வெங்கட் இயக்கத்தில் உருவாகி வரும் ‘தகப்பன்’ திரைப்படத்திலிருந்து ‘தங்கப்புள்ள’ எனும் முதல் பாடலை (First Single) இசையமைப்பாளரும் நடிகருமான ஜி. வி பிரகாஷ் குமார் வெளியிட்டுள்ளார். மார்ஷல் ராபின்சன் இசையமைப்பில், பாடலாசிரியர் பா. விஜய் எழுதியுள்ள இப்பாடலை முருகவேல் பாடியுள்ளார். தந்தை – மகன் உறவின் ஆழத்தையும், பிரிவின் வலியையும், தந்தையின் அளவற்ற அன்பையும் உணர்வுபூர்வமாக வெளிப்படுத்தும் இப்பாடல் ரசிகர்களின் கவனத்தை ஈர்த்துள்ளது.

பொதுவாகத் தமிழ் சினிமாவில் அப்பா – மகன் அல்லது அப்பா – மகள் இருவரும் ஒன்றாக இருக்கும் தருணங்களையும், அவர்களுக்கிடையேயான பாசத்தையும் வெளிப்படுத்தும் பாடல்கள் அதிகம் இடம்பெற்றுள்ளன. ஆனால், மகனைப் பிரிந்து வாழும் தந்தை ஒருவர், தனது மகனின் வாழ்க்கையில் நிகழும் மகிழ்ச்சியான தருணங்களைத் தொலைவிலிருந்து யாருக்கும் தெரியாமல் ரசிக்கும் உணர்வுகளை  மையமாகக் கொண்டு ‘தங்கப்புள்ள’ பாடல் உருவாகியுள்ளது. மகனுடன் நேரடியாகத் தனது அன்பைப் பகிர்ந்துகொள்ள முடியாத ஒரு தந்தையின் ஏக்கத்தையும், மகனின் மகிழ்ச்சியை மறைந்திருந்து ரசிக்கும் பாசத்தையும் இப்பாடல் அழகாக வெளிப்படுத்துகிறது.

மென்மையான இசை, பா. விஜய்யின் உணர்வுப்பூர்வமான வரிகள், முருகவேலின் குரல் ஆகிய அனைத்தும் இணைந்து பாடலுக்கு உயிரூட்டியுள்ளன. தந்தையின் மனதில் புதைந்திருக்கும் அன்பையும், வார்த்தைகளால் வெளிப்படுத்த முடியாத உணர்வுகளையும் காட்சிகளுடன் இணைத்து வெளிப்படுத்தும் இப்பாடல், குடும்ப உறவுகளின் முக்கியத்துவத்தை மீண்டும் நினைவூட்டுகிறது. தற்போது வெளியாகியுள்ள ‘தங்கப்புள்ள’ பாடல் ரசிகர்கள் மத்தியில் வரவேற்பைப் பெற்று வருகிறது.

மதுரை மற்றும் அதன் சுற்றுவட்டாரப் பகுதிகளைப் பின்னணியாகக் கொண்டு, அப்பா – மகன் உறவு, குடும்பப் பாசம் மற்றும் மனித உணர்வுகளை மையமாகக் கொண்டு இப்படம் உருவாகியுள்ளது.

‘தெனாவட்டு’ படத்திற்குப் பிறகு முழுக்க முழுக்க கிராமத்துப் பின்னணியில் ஜீவா நடிக்கும் இப்படத்தில், ரஜிஷா விஜயன் கதாநாயகியாக நடிக்கிறார். K. குமார் தயாரிக்கும் இப்படத்திற்கு M. சுகுமார் ஒளிப்பதிவு செய்கிறார். நாகூரான் ராமச்சந்திரன் படத்தொகுப்புப் பணிகளைக் கவனிக்கிறார்.

இப்படத்தின் இசை வெளியீட்டு உரிமையை திங்க் மியூசிக் பெற்றுள்ளது. மேலும், படம் முடிவடைவதற்கு முன்பே படத்தின் சாட்டிலைட் ஒளிபரப்பு உரிமையை ZEE தமிழ் நிறுவனம் மற்றும் OTT உரிமையை Zee5 நிறுவனம் கைப்பற்றியுள்ளது குறிப்பிடத்தக்கது. டிசம்பர் 24-ம் தேதி வெளியாகவுள்ள இப்படத்தின் மீதான எதிர்பார்ப்பு அதிகரித்து வரும் நிலையில், தற்போது வெளியாகியுள்ள ‘தங்கப்புள்ள’ பாடலும் படத்திற்கு கூடுதல் கவனத்தை ஈர்த்துள்ளது.

https://www.youtube.com/watch?v=Tj8j_2jh-5M

Read More

KB - 96' விழாவில் நாசர், ஒய்.ஜி.மகேந்திரன், சின்னி ஜெயந்த், சச்சு, அம்பிகா, சுஹாசினி ஆகியோர் கலந்துக் கொண்டனர்

 'KB - 96' விழாவில் நாசர், ஒய்.ஜி.மகேந்திரன், சின்னி ஜெயந்த், சச்சு, அம்பிகா, சுஹாசினி ஆகியோர் கலந்துக் கொண்டனர்!

இயக்குநர் கே.பாலச்சந்தர் 96வது பிறந்தநாளை முன்னிட்டு, கே.பாலச்சந்தர் படங்களின் பாடல்களை, 'KB - 96' என்ற பெயரில் இசை நிகழ்ச்சியை, இயக்குனர் சிகரம் கே.பாலச்சந்தர் ரசிகர்கள் சங்கத்தின் சார்பில், தி.நகர் பாரத் கலாச்சார் ஒய்.ஜி.பி ஆடிடோரியத்தில் நடைபெற்றது!

 

இந்நிகழ்சியை இயக்குநர் சிகரம் கே.பாலச்சந்தர் ரசிகர்கள் சங்கத்தின் தலைவர் நாகா, பொதுச்செயலாளர் கவிதாலயா வீ.பாபுவின் மேற்பார்வையில், பொருளாளர் முகம்மது இலியாஸ், கே.பாலசந்தர் மகள் புஷ்பா கந்தசாமி, மருமகன் கந்தசாமி, துணைத் தலைவர்கள் ஸ்டில்ஸ் ரவி, நடிகர், பூவிலங்கு மோகன், இணைச் செயலாளர்கள் சுரேஷ், ராஜேந்திரன், செயற்குழு உறுப்பினர்கள் ரகுநாதரெட்டி, கணேஷ், தேனீ செல்வம், மாஸ்டர் பிரபாகர், தமிழ் பாரதி, ஸ்வேதா, செலக்ட் குமார், இளைய கட்டபொம்மன், கோவிந்தராஜன் ஆகியோர் இணைந்து இந்த விழாவிற்கு ஏற்பாடு செய்திருந்தார்கள்.

முரளியின் மெளனராகம் இசைக்குழுவினர், KB - 96 இசை நிகழ்ச்சியை நடத்தினர்.

நடிகர் சங்க தலைவர் நாசர், நடிகர்கள் ஒய்.ஜி.மகேந்திரன், சின்னி ஜெயந்த், ராம்ஜி, ஜெயந்த், நடிகைகள் குமாரி சச்சு, அம்பிகா, சுஹாசினி, ஸ்ரீலோகா,

சைலஜா செல்லூர், பி.கே.எண்டர்டெயின்மெண்ட் பாலசுப்ரமணியன், இயக்குநர் காரைக்குடி நாராயணன், தயாரிப்பாளர் ஏ.எல்.எஸ்.ஜெயந்தி கண்ணப்பன், பின்னனி குரல் நடிகர் ராஜேந்திரன், சின்னத்திரை இயக்குநர் அருந்தவராஜ், நடிகர் சக்கரவர்த்தி, கவிஞர் கோவை மாரிமுத்து ஆகியோர்கள் இவ் விழாவிற்கு வந்து சிறப்பித்தார்கள்.

சின்னிஜெயந்த், பூவிலங்கு மோகன், சாய்ராம், அர்ச்சனா, ஆர்யன், ஸ்ரித்திகா, முகம்மது இலியாஸ் ஆகியோர் மேடையில் பாடினார்கள்.

கவிதாலயா வீ.பாபு அனைவருக்கும் நன்றி தெரிவித்தார்!

@GovindarajPro

Read More

லவ் 3. ஓ திரைப்படத்தின் மோஷன் போஸ்டர் வெளியீட்டு விழா

 லவ் 3. ஓ திரைப்படத்தின் மோஷன் போஸ்டர் வெளியீட்டு விழா!

அவர்கள் வாய்ப்பு கொடுக்காததால்தான் நான் இன்று வளர்ந்து இருக்கிறேன்: 'லவ் 3. ஓ' (Love 3. O ) திரைப்படத்தின் அறிமுக இயக்குநர் ஆர்னிகா கண்ணீர் மல்க பேச்சு!

வாய்ப்பு கொடுக்காதவர்களுக்கு நன்றி: 'லவ் 3. ஓ' (Love 3. O ) புதுமுக இயக்குநர் ஆர்னிகா கண்ணீருடன் உருக்கம்!

 முழுக்க முழுக்க இன்ஸ்டாகிராம் பிரபலங்களைக் கொண்டு உருவாக்கப்பட்டு இருக்கும் படம் 'லவ் 3. ஓ'

மூன்று தலைமுறையிலும் அந்தந்தத் தலைமுறையினர் காதலை எப்படி அணுகுகிறார்கள் என்பதைக் கூறுகிற இப்படம், காலமாற்றத்தில் வெளிப்படும் காதலின் மாறுபட்ட பரிமாணத்தைச் சித்தரிக்கும் வகையில் உருவாகியுள்ளது.

 இந்தப் படத்தில் இன்ஸ்டாகிராமில் 'ரீல்ஸ் அக்கா' என்று பிரபலமான ஆர்னிகா கதை ,திரைக்கதை, வசனம், பாடல்கள், கலை இயக்கம், உடை அலங்காரம், இணைத் தயாரிப்பு என்று பல்வேறு பொறுப்புகளை ஏற்றதுடன் கதாநாயகியாகவும் நடித்து இயக்கியிருக்கிறார்.

 இந்தப் படத்தில் தயாரிப்பாளர் சிவகுமார் முக்கியமான வேடம் ஏற்று நடித்துள்ளார்.

நாயகி ஆர்னிகாவுடன் இன்ஸ்டாகிராம் பிரபலங்கள் கோயம்புத்தூர் மாப்ள, கே என் ஸ்மைலி எனப்படும் கார்த்திகேயன் என இருவரும் பிரதான வேடங்களில் நடித்துள்ளனர்.

இப்படத்திற்கு வேதை பா. மகேஷ் ஒளிப்பதிவு செய்துள்ளார். வைகுந்த் ஸ்ரீனிவாசன் இசையமைத்துள்ளார். அரவிந்த் படத்தொகுப்பு செய்துள்ளார்.

நிர்வாகத் தயாரிப்பாளராக பிரசன்ன குமார் பங்கேற்றுள்ளார் . 

மங்கி மைண்ட்ஸ் என்டர்டெய்ன்மென்ட் சார்பில் சிவகுமார் தயாரித்துள்ளார்.

இந்தப் படத்தின் மோஷன் போஸ்டர் வெளியீடு மற்றும் பத்திரிகையாளர் சந்திப்பு சென்னை பிரசாத் லேபில் இன்று நடைபெற்றது. இந்த சந்திப்பில் தமிழ்நாடு திரைப்பட இயக்குநர்கள் சங்கத்தின் செயலாளர் இயக்குநர் ஆர். வி. உதயகுமார் ,பொருளாளர் இயக்குநர் பேரரசு ,நடிகை வனிதா விஜயகுமார்,நடிகர் கூல் சுரேஷ் ஆகியோர் சிறப்பு விருந்தினர்களாகக் கலந்து கொண்டனர்.

ஊடக சந்திப்பில் படத்தின் கதாநாயகியும் இயக்குநருமான ஆர்னிகா பேசும் போது,

"இந்தப் படத்தில் பணியாற்றி பல வகையில் ஒத்துழைப்பு கொடுத்த படக்குழுவினர் அனைவருக்கும் முதலில் எனது நன்றியைத் தெரிவித்துக் கொள்கிறேன்.

நாங்கள் இன்ஸ்டாகிராம் உலகத்தில் இருந்து திரைப்படத்துறைக்கு வந்திருக்கிறோம்.

இன்று பிரபலமாக இருக்கும் ஏஐ - ஐ வைத்து நாங்கள் ஒரு கதையை உருவாக்கி இந்தப் படத்தை எடுத்திருக்கிறோம். ஏ ஐ தான் படத்தின் முக்கியமான உள்ளடக்கமாக இருப்பதால் இன்று காட்சிகளைத் திரையிடவில்லை. மோஷன் போஸ்டர் தயார் செய்து இந்த விழாவை ஏற்பாடு செய்திருக்கிறோம்.

அந்தக் காலத்தில் தாத்தா பாட்டி சொல்வதை வைத்துத் தகவல்களை அறிந்து கொள்வோம். பிறகு நமது அக்கம் பக்கம் நண்பர்கள் சொல்வதை வைத்துத் தெரிந்து கொள்வோம்.

அதற்குப் பிறகு தொலைக்காட்சி, வானொலி, எஃப் எம் ,ஒளியும் ஒலியும் போன்றவை மூலம் தெரிந்து கொண்டோம்.

அதற்குப் பிறகு வந்த யூடியூப் மூலம் நிறைய கற்றுக் கொண்டோம்.

அதற்குப் பிறகு இன்ஸ்டாகிராம் வந்த பிறகு அக்கம் பக்கத்தில் ,அடுத்த தெருவில் ,உலகத்தில் என்ன நடக்கிறது என்பதெல்லாம் தெரிந்து கொண்டார்கள்.

அதற்கு பிறகு சாட் ஜி பி டி வந்தது .அதற்குப் பிறகு நமது ஒவ்வொரு அசைவையும் அதில் தெரிந்து கொள்ள ஆரம்பித்தோம்.

நமது உணர்ச்சிகளை எல்லாம் சாட் ஜிபிடி யிடம் எப்போது பகிர்ந்து கொள்ள ஆரம்பித்தோமோ அப்போது ஏ ஐ யின் மீது காதல் வந்தது.இன்று ஏ ஐ பிரபலமாகிவிட்டது.

அப்படிப்பட்ட ஏஐ பெண்ணை இந்தப் படத்தின் கதாநாயகன் காதலிக்கிறான். அவர்களது காதல் எப்படி இருக்கிறது?

அந்தப் பெண்ணை திருமணம் செய்து கொள்கிறானா? பிரிந்து விடுகிறார்களா என்பது தான் கதை.

90களில் காதல் எப்படி இருந்தது அதை அவர்கள் எப்படி எதிர்கொண்டார்கள்? 2 கே கிட்ஸ் அதாவது இரண்டாயிரத்தில் காதல் எப்படி இருந்தது ? அதை அவர்கள் எப்படி எதிர்கொண்டார்கள்?அதே காதல் எதிர்காலத்தில் எப்படி இருக்கும் ? அதை எப்படி எதிர்கொள்ளப் போகிறார்கள் என்பதைக் கூறியிருக்கிறோம். பரமசிவன் பார்வதி காதல் அனைவருக்கும் தெரியும்.அவர்கள் காதலுக்கே முன்னுதாரணமாக இருப்பவர்கள்.

இங்கே நடக்கும் எல்லா காதல் பிரச்சினைகளையும் பார்த்துவிட்டு கயிலாயத்திலிருந்து இறங்கி வந்த சிவன் இதற்கான தீர்வாக என்ன சொல்கிறார் என்பதுதான் இந்த 'லவ் 3.ஓ' படத்தின் கதை.

இந்த உலகத்தை இணைப்பதே ஊடகங்கள் தான். அவர்கள் மூலம்தான் பெரிய பெரிய நட்சத்திரங்கள் எல்லாம் உருவாகி இருக்கிறார்கள்.அந்த நட்சத்திரங்கள் எல்லாம் அவர்களால் தான் மக்களிடம் போய் சேர்ந்திருக்கிறார்கள். எங்களுக்கும் அப்படி ஒரு ஆதரவைக் கொடுத்து மக்களிடம் சேர்க்க வேண்டும் என்று கேட்டுக்கொள்கிறேன்.நான் வாய்ப்புக்காக ஏழாண்டுகளாக ஆயிரம் ஆடிசனுக்குப் போயிருப்பேன்.

நீங்கள் மூக்கை அறுவை சிகிச்சை செய்து கொண்டு வாருங்கள், அதன் பிறகு ஒரு போட்டோ ஷூட் எடுத்துக்கொண்டு வாருங்கள் என்றார்கள். அப்படி நான் அறுவை சிகிச்சை செய்திருந்தால்? ஒரு குறும்படத்திற்குக் கூட நான் இரண்டு ஆண்டுகள் அவர்களைப் பின் தொடர்ந்து கொண்டிருந்தேன்.அந்த குறும்பட வாய்ப்பை இரண்டு ஆண்டுகள் தாமதமாக முடிக்காமல் முன்பே கொடுத்திருந்தால்?

 ஒரு கண்டன்ட் வீடியோவிற்குச் சின்ன வசனம் பேசுவதற்குக் கூட நான் நாலு மணி நேரம் செலவிடுவேன்.

அவர்கள் நல்லதொரு கண்டன்ட் இருக்கிற மாதிரி ஒரு வாய்ப்பு கொடுத்திருந்தால்? நான் தேடி அலைந்து கொண்டிருந்த போது ஒரு தொலைக்காட்சித் தொடரில் நடிக்க வாய்ப்பு கொடுத்திருந்தால் ? பலமுறை தேடிச் சென்று கொண்டிருந்தபோது ஒரு திரைப்படத்தில் ஒரு துணைநடிகையாக நடிப்பதற்கு வாய்ப்பு கொடுத்திருந்தால்?

இன்று 'லவ் 3. ஓ' என்கிற படத்தில் நான் கதாசிரியராக பாடல் ஆசிரியராக உடையலங்கார நிபுணராக கலை இயக்குநராக இணைத் தயாரிப்பாளராக கதாநாயகியாக இயக்குநராக என்று உருவாகி இருக்க மாட்டேன்.

 இவை எல்லாவற்றிற்கும் அவர்களுக்குத்தான் நன்றி சொல்ல வேண்டும்.அன்று நான் வாய்ப்பு தேடி அலைந்த போது வாய்ப்பு கொடுக்காதவர்களுக்கு நன்றி.

நமது வாழ்க்கையில்

எதிர்மறையாக ஒன்று நடக்கிறது என்றால், ஒன்று தாமதமாகிக் கொண்டே இருக்கிறது என்றால் ஒரு நல்ல விஷயத்திற்காகத்தான் அது அப்படிச் செல்கிறது என்று சொல்வார்கள்.

நாம் வாய்ப்பு கேட்டுத்தானே பல படிகள் ஏறிக் கொண்டிருந்தோம், இன்று நான் ஒரு நடிகையாக ஒரு இயக்குநராக ஆகியிருக்கிறோம் என்கிற போது இப்போது நினைத்துப் பார்த்தால் ஒன்று தோன்றுகிறது.

நமக்கு ஒன்று தேவைப்படுகிறது என்றால் நாம் தான் அதைச் செய்ய வேண்டும். வேறு யாரும் நமக்கு உதவி செய்ய வர மாட்டார்கள். நாம் ஒன்றை அடைவதற்கு நாம் தான் முயல வேண்டும்; போராட வேண்டும். அப்படி உங்களுக்கு எது வேண்டுமானாலும் நீங்கள் தான் போராட வேண்டும். யாரும் போராட வர மாட்டார்கள். இப்படிப் போராடி வந்து நான் நின்று இருக்கும் இந்த மேடையையே ஒரு வெற்றியாகத்தான் நினைக்கிறேன் .கண்டிப்பாக மக்கள் ஆதரவு தருவார்கள். இந்தப் படத்தில் நான் பணியாற்றி இருக்கிறேன் என்றால் சில குறைகள் இருக்கத்தான் செய்யும். போகப் போக அதைத் திருத்திக் கொள்கிறோம். அனைவருக்கும் நன்றி. அனைவரும் நன்றாகச் செய்திருக்கிறார்கள். இங்கே இந்த விழாவிற்கு சிறப்பு விருந்தினராக வந்து எங்களை வாழ்த்தி இருக்கும் திரை உலகப் பிரமுகர்கள் அனைவருக்கும் மிக்க நன்றி.

எங்களது ரீல்ஸ் களைப் பார்த்துதான் மக்கள் இவ்வளவு தூரம் எங்களைக் கொண்டு வந்திருக்கிறார்கள். இதிலும் எங்களுக்கு ஆதரவு கொடுக்காமலா இருப்பார்கள்? கண்டிப்பாகச் செய்வார்கள். எங்களுடைய சிறந்ததைக் கூடுமானவரையில் நாங்கள் செய்திருக்கிறோம். காலத்துக்கு ஏற்ற மாதிரி மக்களை சந்தோஷப்படுத்துவது போல ஒரு விஷயத்தை செய்திருக்கிறோம். அது கண்டிப்பாகப் பிடிக்கும் என்று நினைக்கிறேன். அனைவரும் ஆதரவு கொடுங்கள் .

எனக்கு எல்லா கதாநாயகர்கள் கதாநாயகிகளையும் பிடிக்கும். இது நாள் வரை கூட்டத்துக்குள் ஒருத்தியாக இருந்து கொண்டு கைதட்டிக் கொண்டிருந்தேன். இப்போது இந்த மேடைக்கு வந்திருக்கிறேன்.

எனக்கு ஒரு வெற்றி வாய்ப்பைக் கொடுத்தால் வெளியில் இருக்கும் பல திறமைசாலிகளையும் உள்ளே கொண்டு வருவேன்.

 நான் பல இடங்களுக்கு வாய்ப்பு தேடி அலைந்திருக்கிறேன்.அதன் வலி எனக்குத் தெரியும். என்னைப் போல் உள்ளவர்களுக்கும் வாய்ப்பு கிடைக்க வேண்டும் என்றால் எனக்கு ஆதரவு கொடுங்கள். அதற்கு ஒரு சின்ன வாய்ப்பை கொடுங்கள் என்று கேட்டுக்கொள்கிறேன்' என்றார் . அவர் பேசும்போது கண்கள் கலங்கின.

இந்த விழாவில் படக்குழுவினருடன் சிறப்பு விருந்தினர்களும் கலந்து கொண்டு பேசினர்.

Read More