பீப்’ (Beep) திரைப்பட விமர்சனம்

 பீப்’ (Beep) திரைப்பட விமர்சனம்

எம்.பி.ஏ மாணவரான நாயகன் ராகவ் ரங்கநாதன், ஒரு புகைப்படத்தை பார்த்ததும் அதனுள் பயணித்து அங்கே என்ன நடந்திருக்கும் என்பதை அறிந்துக் கொள்ளும் அதிசய சக்தி படைத்தவராக இருக்கிறார். அவருக்கு கடவுள் கொடுத்த சக்தி, என்று அவரது நண்பர்கள் சொன்னாலும், அது அறிவியல் பூர்வமானது என்று அவர் நம்புகிறார்.

நடிகை ஒருவரது தீவிர ரசிகராக இருக்கும் ராகவ், அந்த நடிகையை நேரில் சந்திப்பதற்கான முயற்சிகளிலும் ஈடுபட்டு வருகிறார். அப்போது அவருக்கு பாலியல் தொழிலாளியான யாமினி லக்‌ஷ்மணனின் நட்பு கிடைக்கிறது. யாமினியுடன் நட்பாக பழகி வரும் ராகவ், அவர் மீது அதிக அக்கறையும் காட்டி வரும் சூழலில், திடீரென்று யாமினி அடுக்குமாடி குடியிருப்பின் மூன்றாவது தளத்தில் இருந்து விழுந்து இறந்து விடுகிறார். அவரது மரணம் கொலை தான் என்பது உறுதி செய்யப்பட்டாலும், அதற்கான ஆதாரங்கள் கிடைக்காமல் போலீஸ் விசாரணை மந்தமாகி விடுகிறது. மறுபக்கம் தனது அதிசய சக்தியை பயன்படுத்தி கொலைக்கான பின்னனி மற்றும் கொலையாளி யார் ? என்பதை கண்டுபிடிக்க முயற்சிக்கும் ராகவும் தோல்வியடைகிறார்.

இருப்பினும், எப்படியாவது கொலையாளியை கண்டுபிடித்து விட வேண்டும் என்பதில் ராகவ் தீவிரம் காட்ட, மறுபக்கம் காவல்துறையும் தனது பாணியில் தகுந்த ஆதாரங்களுடன் குற்றவாளியை பிடிப்பதில் தீவிரம் காட்டுகிறது. இறுதியில் கொலையாளியை யார் கண்டுபிடித்தது ?, அவர் யார் ?, எதற்காக யாமினியை கொலை செய்தார் ?, ஆகிய கேள்விகளுக்கான பதில்களை அறிவியல் சார்ந்த கிரைம் சஸ்பென்ஸ் திரில்லராக சொல்ல முயற்சித்திருப்பது தான் ‘பீப்’.

கதையின் நாயகனாக நடித்திருக்கும் ராகவ், அதீத புத்திசாலி மற்றும் நம்ப முடியாத அறிவியல் சக்திப் படைத்த மனிதர் என்ற கதாபாத்திரத்திற்கு கச்சிதமாக பொருந்தியிருக்கிறார். காவல்துறையையே மிஞ்சும் அளவுக்கு புலன்விசாரணை மேற்கொள்ளும் ராகவ், பல இடங்களில் கொஞ்சம் அதிகமாக பேசினாலும், தன் கதாபாத்திரத்திற்கு நியாயம் சேர்க்கும்படி நடித்திருக்கிறார்.

பாலியல் தொழிலாளி சுனைனா கதாபாத்திரத்தில் நடித்திருக்கும் யாமினி லக்‌ஷ்மணன், அரை பாவாடை, குட்டை டவுசர் என்று அறைகுறை ஆடைகளில் மட்டும் இன்றி புடவையிலும் கவர்ச்சி காட்டி பார்வையாளர்களை கிரங்கடித்து விடுகிறார். நடிப்பிலும் எந்தவித குறையும் இன்றி பயணித்திருக்கிறார்.

பேராசிரியர் சிதம்பரம் கதாபாத்திரத்தில் நடித்திருக்கும் எல்.சண்முக சுந்தரம், ”இந்த பூனையும் பால் குடிக்குமா ?” என்பதற்கு ஏற்ப அப்பாவியான முகத்தை வைத்துக்கொண்டு செய்யும் விசயங்கள் அனைத்தும், “அடப்பாவி…” என்று சொல்ல வைக்கிறது. கதாபாத்திரற்கு ஏற்ப தனது முகத்தை பாவமாக வைத்துக் கொண்டு அவர் வெளிப்படுத்தும் நடிப்பு, அவரது கதாபாத்திரத்திற்கும், படத்திற்கும் பலம் சேர்த்திருக்கிறது.

நடிகை நயனா கபூராக நடித்திருக்கும் ஐடி ஆச்சார்யா, நாயகனின் நண்பர்களாக நடித்திருக்கும் பிரேர்னா கண்ணா, அருண் மோகன், ஷ்ரவண் ராமகிருஷ்ணன், ஜுஹி சர்மா, போலீஸ் இன்ஸ்பெக்டராக நடித்திருக்கும் நித்திஷ், சப் இன்ஸ்பெக்டராக நடித்திருக்கும் பாலாஜி என மற்ற கதாபாத்திரங்களில் நடித்திருப்பவர்கள் அதிகம் பரிட்சயம் இல்லாதவர்களாக இருந்தாலும், கதாபாத்திரங்களுக்கு ஏற்ப நடித்திருக்கிறார்கள்.

ஒளிப்பதிவாளர் பிரதீப் பத்ம குமார், இசையமைப்பாளர் பிரசாந்த் விஹாரி, படத்தொகுப்பாளர்கள் அபிஷேக் மற்றும் விக்னேஷ்.ஆர்.எல், கலை இயக்குநர் உமேஷ் குமார், சண்டைப்பயிற்சி இயக்குநர் ராம் குமார் ஆகியோர் குறிப்பிட்ட ஒரு வட்டத்திற்குள் பயணித்திருந்தாலும், கிரைம் சஸ்பென்ஸ் திரில்லர் பாணிக்கு தேவையான அனைத்து அம்சங்களையும் படத்தில் திறம்பட கையாண்டிருக்கிறார்கள்.

நம்ப முடியாத ஒரு விசயத்தை அறிவியல் பூர்வமாக சொல்லி, இப்படியும் நடக்கலாம்..!, என்று நாயகனின் சக்தியை விளக்கியிருக்கும் இயக்குநர் எல்.சண்முக சுந்தரம், அதனுடன் கிரைம் திரில்லர் சப்ஜக்ட்டை இணைத்து சொல்லிய விதம் படத்திற்கு சுவாரஸ்யம் சேர்த்திருக்கிறது.

அறிவியல் சார்ந்த கிரைம் சஸ்பென்ஸ் திரில்லர் பாணியிலான கதை என்றாலும், கிளுகிளுப்பான காட்சிகளை அதிகமாக பயன்படுத்தி முதல் பாதி படம் முழுவதும் பார்வையாளர்கள் மனதிப் பீப்…சத்தத்தை ஒலிக்கச் செய்திருக்கும் இயக்குநர் எல்.சண்முக சுந்தரம், இரண்டாம் பாதியில் கொலையாளியை எப்படி கண்டுபிடிக்கப் போகிறார்கள் ?, என்ற எதிர்பார்ப்புடன் நகர்த்தி சென்று, இது வெறும் பீப் காட்சி படம் மட்டும் அல்ல, என்பதை நிரூபித்திருக்கிறார்.

கிரைம் சஸ்பென்ஸ் திரில்லர் ஜானர் என்றாலும், நாயகனின் அதீத பேச்சு பார்வையாளர்களை சற்று சோர்வடைய செய்கிறது. இருந்தாலும், குற்றவாளிய யார் ? என்பது தெரிந்த பிறகும், ஆதாரத்துடன் அவரை எப்படி நெருங்கப் போகிறார்கள், அவருக்கு எத்தகைய தண்டனை பெற்றுத்தர போகிறார்கள், என்ற ரீதியில் நகரும் படம், பார்வையாளர்களை சோர்வில் இருந்து மீட்டெடுத்து விடுகிறது.

Read More

கோல்ட் கால்’ திரைப்பட விமர்சனம்

 கோல்ட் கால்’ திரைப்பட விமர்சனம்

பெங்களூரில் உள்ள நிறுவனம் ஒன்றில் விற்பனையாளர் பணியில் சேரும் வெவ்வேறு மாநிலத்தை சேர்ந்த சித்து மூலிமணி, சந்தோஷ், ஸ்ரீ வைஷ்ணவ், கிருஷ்ணா விஜய் ஆகிய நான்கு பேரும் நண்பர்களாகிறார்கள். விற்பனையாளர்கள் பணி கடினமானது என்றாலும், நான்கு நண்பர்களும் அதை மகிழ்ச்சியாக செய்கிறார்கள். இருப்பினும் அவர்களது நிறுவனம் எதிர்பார்க்கும் முன்னேற்றம் கிடைக்காததால் உயர் அதிகாரியின் கோபத்திற்கு ஆளாகிறார்கள்.

இதற்கிடையே, தொழிலதிபர் ஒருவரது மகன் கடத்தப்பட, அந்த கடத்தல் குற்றத்தின் பின்னணியில் நான்கு நண்பர்கள் இருப்பதாக காவல்துறை அறிவிக்கிறது. இதனால் ஒட்டுமொத்த காவல்துறையும் நான்கு பேரையும் தேடுகிறது. பிரச்சனையில் இருந்து தப்பிப்பதற்காக, தங்களது விற்பனையாளர் பணி மற்றும் அதற்கான பயிற்சியை பயன்படுத்தி தங்கள் மீது விழுந்த பழியை போக்கி, கடத்தப்பட்ட சிறுவனையும் காப்பாற்ற முடிவு செய்யும் நண்பர்கள், அதில் வெற்றி பெற்றார்களா ? இல்லையா ? என்பதை காமெடியாக சொல்வது தான் ‘கோல்ட் கால்’.

விற்பனையாளர் பணி சார்ந்த மொழியாக கோல்ட் கால் (Cold Call) என்ற வார்த்தை கடைபிடிக்கப்படுகிறது. கதை விற்பனையாளர்கள் வாழ்க்கையில் நடக்கும் சம்பவங்களை மையப்படுத்தியது என்பதால், இந்த தலைப்பை வைத்திருக்கிறார்கள்.

கதையின் நாயகர்களாக நடித்திருக்கும் சித்து மூலிமணி, சந்தோஷ், ஸ்ரீ வைஷ்ணவ், கிருஷ்ணா விஜய் ஆகியோர் தமிழுக்கு புதியவர்கள் என்றாலும் தங்களது பணியை குறையில்லாமல் செய்திருக்கிறார்கள்.

தமிழகம், கர்நாடகம், ஆந்திரப் பிரதேசம் மற்றும் கேரளா என்று நான்கு மாநிலங்களைச் சேர்ந்த இளைஞர்கள் தான் கதையின் நாயகர்கள் என்பதால் அந்த மாநிலங்களை சேர்ந்த இளைஞர்களாக தேர்வு செய்து நடிக்க வைத்திருக்கிறார்கள். நான்கு பேரும் ஒவ்வொரு வகையில் படத்திற்கு பலம் சேர்த்திருக்கிறார்கள்.

நாயகிகளாக நடித்திருக்கும் அமிதா ரங்கநாதா, நிஷா ஹெக்டே, மேலி லிட்டி, கீர்த்தனா புல்கி ஆகியோரும் கொடுத்த வேலையை குறையில்லாமல் செய்திருக்கிறார்கள்.

நிறுவனத்தின் மேலாளர், விற்ப்னையாளர்களின் பயிற்சியாளர் என்று மற்ற கதாபாத்திரங்களில் நடித்தவர்களும் பொருத்தமான தேர்வு.

சரவணனின் ஒளிப்பதிவு எளிமையாக இருந்தாலும் கதைக்கு ஏற்ப பயணித்திருக்கிறது.

பிரணவ் கிரிதரனின் இசையில் பாடல்கள் அனைத்தும் கமர்ஷியல் அம்சங்கள் நிறைந்ததாகவும், கேட்கும்படியும் இருக்கிறது. பின்னணி இசை அளவு.

சுரேஷ் ஆறுமுகத்தின் படத்தொகுப்பு பணியிலும் குறையில்லை.

எழுதி இயக்கியிருக்கும் தம்பிதுரை, விற்பனையாளர்கள் பணி எப்படி இருக்கும், என்று சொல்லாமல் அவர்களது வாழ்வில் நடக்கும் எளிய சம்பவங்களையும், மறக்க முடியாத நிகழ்வுகளையும், இனிமையான அனுபவமாக கொடுக்க முயற்சித்திருக்கிறார்.

குறைவான வசதி மற்றும் சிறிய பட்ஜெட்டில் ஒரு நிறைவான கமர்ஷியல் படத்தை கொடுக்க முயற்சித்திருக்கும் இயக்குநர் தம்பிதுரை, தான் சொல்ல நினைத்ததை சரியான முறையில் சொல்லி வெற்றி பெற்றிருக்கிறார்.

மொத்தத்தில், ‘கோல்ட் கால்’ கூல்.

Read More

நல்ல படம்’ திரைப்பட விமர்சனம்

நல்ல படம்’ திரைப்பட விமர்சனம்

  நாயகன் ஹரிஷ், டாஸ்மாக் பார் நடத்தி வருவதோடு ‘மது பிரியர்கள் மறுமலர்ச்சி சங்கம்’ என்ற அமைப்பை தொடங்கி அதற்கு தலைவராகவும் செயல்பட்டு வருகிறார். பொதுவாக பார் நடத்துபவர்கள் அனைத்து பணிகளும் முடிந்த பிறகே மது அருந்துவார்கள், ஆனால் நாயகன் ஹரிஷ், அவரது பாரை திறப்பதற்கு முன்பாகவே மது குடிக்கிறார். எந்த நேரத்திலும் போதையிலேயே இருக்கும் அவரை மருத்துவம் படிக்கும் நாயகி தனலக்‌ஷ்மி காதலிக்கிறார்.

நாயகன் ஹரிஷ் மற்றும் அவரது நண்பர்கள் எந்த நேரமும் மது போதையில் இருப்பதோடு, மது பழக்கத்தால் பலர் பல வகையில் பாதிக்கப்படுகிறார்கள். ஆனால், அது பற்றி துளியும் கவலைப்படமால் மது குடிப்பதற்கு முக்கியத்துவம் கொடுத்து வரும் அவர்களை திருத்த அவர்களது குடும்பத்தார் பல வகையில் முயற்சி செய்தும் முடியாமல் போய் விடுகிறது.

இதற்கிடையே, இந்தியா முழுவதும் மதுவிலக்கு அமல்படுத்தப்படுகிறது. மது பிரியர்களும், மதுவுக்கு அடிமையானவர்களும் மது கிடைக்காமல் தவிப்பதோடு, மாற்று வழியை தேடி அலைகிறார்கள். ஒரு கட்டத்தில் என்ன முயற்சி செய்தாலும் மீண்டும் மது அருந்த முடியாது, என்பதை புரிந்துக் கொள்பவர்கள், மதுப்பழக்கத்தை மறந்து விட்டு வாழ தொடங்குகிறார்கள். இதனால், அவர்களது குடும்பத்தில் மகிழ்ச்சி திரும்ப, சமூகத்தில் அவர்களுக்கான மரியாதையும் கிடைக்கிறது.

அனைத்தும் சரியாகி விட்டது என்று அனைவரும் மகிழ்ச்சியில் இருக்க மீண்டும் மதுக்கடைகள் திறக்கப்படுவதற்கான சூழல் அமைகிறது. மதுப்பழக்கத்தை மறந்த நாயகன் மற்றும் பலர் மீண்டும் அந்த பழக்கத்தில் மூழ்கினார்களா ? அல்லது திருந்தி வாழும் வாழ்க்கையை தொடர்ந்தார்களா ? என்பதை சமூக பொறுப்புடன் சொல்வது தான் ‘நல்ல படம்’.

நாயகனாக நடித்திருக்கும் டாக்டர்.ஏ.ஹரிஷ், கல்லூரி மாணவர் போல் இளமையாக இருப்பதால், மது பிரியர் மற்றும் மதுக்கூடம் உரிமையாளர் கதாபாத்திரத்தில் ஒட்டாமல் பயணிக்கிறார். அதே சமயம், தனது கதாபாத்திரத்திற்கான நடிப்பை சரியான முறையில் வெளிப்படுத்தியிருப்பவர்,காமெடி காட்சிகளை கச்சிதமாக கையாண்டு சிரிக்க வைப்பதோடு, காதல் மற்றும் பாடல் காட்சிகளில் கவனம் ஈர்க்கும் வகையில் நடித்திருக்கிறார். தனக்கு பொருந்தும் கதாபாத்திரங்களை தேர்வு செய்து நடித்தால் நிச்சயம் தமிழ் சினிமா ஹீரோக்களின் பட்டியலில் இடம் பிடிப்பார்.

நாயகியாக நடித்திருக்கும் தனலக்‌ஷ்மி, மது பிரியராக இருந்தாலும் ஹீரோவை விரட்டி விரட்டி காதலிக்கும் கதாபாத்திரத்தை சிறப்பாக கையாண்டிருக்கிறார். பாடல் காட்சிகளில் கூடுதல் அழகோடு வலம் வருகிறார்.

நாயகனின் நண்பராக நடித்திருக்கும் கல்கி ராஜா, காமெடி காட்சிகளில் ஸ்கோர் செய்திருக்கிறார். தனக்கான தனித்துவமான செயல்பாடுகள், வசன உச்சரிப்பு மற்றும் மைண்ட் வாய்ஸ் மூலம் சிரிக்க வைக்கிறார்.

மொட்டா ராஜேந்திரன், ரமா, பிரியதர்ஷினி உள்ளிட்ட அனைத்து நடிகர்களும் தங்களுக்கான வேலையை குறையின்றி செய்திருக்கிறார்கள்.

ஒளிப்பதிவாளர் இனியன் ஜெ.ஹரிஷ், கதைக்கு தேவையான விதத்தில் பணியாற்றியிருக்கிறார். வசனக் காட்சிகள் எளிமையாக இருந்தாலும், பாடல் காட்சியை இளமையாக படமாக்கி பார்வையாளர்களை ரசிக்க வைத்திருக்கிறார்.

சஹிஷ்னா சேவியர் இசையில் பாடல்கள் கேட்கும் ரகம். பின்னணி இசை கதைக்கு ஏற்ப பயணித்திருக்கிறது. படத்தொகுப்பாளர் பி.ஆர்.பிரகாஷின் பணியிலும் குறையில்லை.

எழுதி இயக்கியிருக்கும் பிரபுராம்.சி, தற்போதைய காலக்கட்டத்தில் மக்களிடம் அதிகரித்திருக்கும் மதுப்பழக்கத்தை மறக்கடிப்பதற்கான தீர்வை சொல்லியிருக்கிறார்.

”மது நாட்டுக்கும், வீட்டுக்கும் கேடு” என்ற வாக்கியத்துடன் மது பாட்டில்களை விற்பனை செய்யும் அரசு, அந்த மதுக்கடைகளை முழுவதுமாக மூடினால் தான், மதுப்பழகத்தில் மூழ்கியிருக்கும் மக்களை மீட்டெடுக்க முடியும், என்பதை இயக்குநர் பிரபுராம்.சி, அழுத்தமாக பதிவு செய்திருக்கிறார்.

ஒரு திரைப்படமாக சிறு முதலீட்டில் தான் சொல்ல நினைத்ததை சற்று சொதப்பலாக சொல்லியிருந்தாலும், சமூக பொறுப்புடன், நாட்டுக்கு மிக அவசியமான ஒரு கருத்தை, கமர்ஷியலாகவும், காமெடியாகவும் சொல்ல முயற்சித்திருக்கும் இயக்குநர் பிரபுராம்.சி, தயாரிப்பாளர் ஏ.அழகு பாண்டியன், நாயகன் ஹரிஷ் ஆகியோரை மனதார பாராட்டலாம்.

மொத்தத்தில், ‘நல்ல படம்’ படமாக மக்களை கவரவில்லை என்றாலும் ஒரு பாடமாக நிச்சயம் மக்களை யோசிக்க வைக்கும்.

Read More

என்ன விலை’ திரைப்பட விமர்சனம்

 என்ன விலை’ திரைப்பட விமர்சனம் 

ராமேஸ்வரம் தீர்த்தக்கரையில் முன்னோர்களுக்கு தர்ப்பணம் கொடுக்கும் போது, மக்கள் தண்ணீரில் போடும் காசுகளை கடலுக்குள் மூழ்கி எடுக்கும் பணியை செய்து வரும் கருணாஸுக்கு, அந்த கடலில் ஒரு பதக்கம் கிடைக்கிறது. அதை காவல்துறையிடம் ஒப்படைக்க முடிவு செய்ய, அதுவே அவரை பெரும் சிக்கலில் சிக்க வைக்கிறது.

அந்த பதக்கத்தை அபகரிக்க நினைக்கும் சில காவலர்கள் அது முடியாமல் போனதால், தப்பித்துக் கொள்வதற்காக கோவில் நகை கொள்ளை வழக்கில் கருணாஸை சிக்க வைத்க முயற்சிக்கிறார்கள். ஆனால் அது கோவில் நகை அல்ல, என்பது தெரிந்ததும் அவரை வேறு ஒரு திருட்டு வழக்கில் சிக்க வைத்து விடுகிறார்கள்.

சிறையில் இருக்கும் கருணாஸை காப்பாற்ற வழக்கறிஞர் நிமிஷா சஜயன், சட்டம் போராட்டம் நடத்துகிறார். அவரது வாதத்திறமையால் கருணாஸை நிரபராதி என்று நிரூபிக்கும் நிமிஷா சஜயன், எந்த தவறும் செய்யாமல் தண்டிக்கப்பட்ட சாமானியன் கருணாஸ் குரலாக நீதிமன்றத்தில் ஒரு கேள்வியை முன் வைக்கிறார். இதுவரை நீதித்துறையிடம் யாரும் முன்வைக்காத அந்த கேள்வியால் நீதிபதி அதிர்ச்சியடைய, பாதிக்கப்பட்டவருக்காக பணத்தை தாண்டிய இழப்பீடு ஒன்றையும் நிமிஷா கேட்கிறார்.

வழக்கறிஞர் நிமிஷா சஜயன் கேட்கும் அந்த இழப்பீடு அரசுக்கு எதிரானதாகவும், அரசு வழங்குவதற்கான சாத்தியம் இல்லை என்றாலும், அந்த கேள்வி நாட்டில் பெரும் கொந்தளிப்பை ஏற்படுத்துகிறது. மக்கள் அரசிடம் பல்வேறு கேள்விகளை முன் வைக்கிறார்கள். சாமானியன் கருணாஸ் கேட்ட அந்த கேள்வி என்ன ?, பாதிக்கப்பட்ட அவருக்காக வழக்கறிஞர் நிமிஷா கேட்ட இழப்பீடு என்ன ?, என்பதை அரசு எந்திரத்தை ஆட்டம் காணும் செய்யும் விதத்தில் சொல்வது தான் ‘என்ன விலை’.

எந்த தவறும் செய்யாமல் சட்டத்தின் மூலம் சாமானியர்கள் குற்றவாளிகளாக்கப்பட்டு தண்டிக்கப்படுவதும், சிலர் அதே சட்டத்தின் மூலம் போராடி தங்களை நிரபராதி என்று நிரூபிப்பதும் புதிதல்ல என்றாலும், பாதிக்கப்பட்ட சாமானியன் மிது விழுந்த அந்த வீண் பழியை போக்குவது அரசின் கடமை, என்று வாதிடும் இயக்குநர் சஜீவ் பழவூர், அதற்கான திரைக்கதை மற்றும் காட்சிகளை வீரியம் நிறைந்ததாக சொல்லி புதிய சட்டப்புரட்ச்சியை நிகழ்த்தியிருக்கிறார்.

கதையின் நாயகனாக தவசிமுத்து என்ற கதாபாத்திரத்தில் நடித்திருக்கும் கருணாஸ், தனது திரை இருப்பு மற்றும் உடல்மொழி மூலம் கதாபாத்திரத்திற்கு நியாயம் சேர்த்திருக்கிறார். குடும்பத்திற்காக கடுமையாக உழைக்கும் ஒரு சாதாரண மனிதர் மீது விழும் வீண் பழி அவரை எந்த அளவுக்கு பாதிக்கிறது, என்பதை தனது நடிப்பு மூலம் மிக நேர்த்தியாக வெளிப்படுத்தியிருக்கும் கருணாஸ், தனது அளவான நடிப்பு மற்றும் அழும் காட்சிகளில் பார்வையாளர்களை கண்கலங்க வைத்து விடுகிறார்.

வழக்கறிஞர் கதாபாத்திரத்தில் நடித்திருக்கும் நிமிஷா சஜயன், சொந்தமாக டப்பிங் பேசி நடித்திருக்கிறார். நீதிமன்ற காட்சிகளில், உணர்வுப்பூர்வமான வசனங்கள் பேசி நடித்திருக்கும் நிமிஷா சஜயன், தனது வாதத்திறமை மூலம் நீதிமன்றக் காட்சிகளுக்கு சுவாரஸ்யம் சேர்த்திருக்கிறார்.

கருணாஸின் மனைவியாக நடித்திருக்கும் விஜயலக்‌ஷ்மி வீரமணி, தங்கையாக நடித்திருக்கும் சாஷா ஆகியோர் இயல்பான முகம் மற்றும் நடிப்பு மூலம் திரைக்கதைக்கு பலம் சேர்த்திருக்கிறார்கள்.

வழக்கறிஞர்களாக நடித்திருக்கும் சுவாமிநாதன், கவிதாலயா கிருஷ்ணன், நீதிபதிகளாக நடித்திருக்கும் நிழல்கல் ரவி, பூர்ணிமா பாக்யராஜ், டி.எஸ்.ஆர்.ஸ்ரீனிவாசன், காவலர்களாக நடித்திருக்கும் மோகன் ராம், தர்ஷன் உள்ளிட்ட பலர் ஒரு சில காட்சிகளில் முகம் காட்டினாலும், திரைக்கதைக்கு முக்கியத்துவம் வாய்ந்த கதாபாத்திரங்களாக பயணித்து பார்வையாளர்கள் மனதில் தங்கி விடுகிறார்கள்.

ஒளிப்பதிவாளர் ஆல்பி ஆண்டனி, இயற்கையான ஒளிகளை மட்டுமே பயன்படுத்தி கதைக்களத்தின் இயல்பு தன்மை மாறாமல் காட்சிகளை படமாக்கியிருக்கிறார். கதை மாந்தர் யார் ?, அவர் செய்யும் தொழிலில் இருக்கும் ஆபத்து என்ன ? போன்றவற்றை விளக்கிய காட்சிகள் கோப்புக் காட்சிகள் என்றாலும் அதை கையாண்ட விதம் மற்றும் நீதிமன்ற காட்சிகளை காட்சிப்படுத்திய விதம் படத்திற்கு பெரும் பலம் சேர்த்திருக்கிறது.

இசையமைப்பாளர் சாம்.சி.எஸ், தனது வழக்கமான பாணியில் இருந்து முற்றிலும் விலகி புதிய வடிவிலான ஒரு பின்னணி இசை மூலம் படத்திற்கு பெரும் பலம் சேர்த்திருக்கிறார்.

பதக்கம் மூலம் நாயகனுக்கு ஏற்படும் சிக்கல், வெவ்வேறு பாதையில் பயணிப்பதையும், அதன் மூலம் நிகழும் நீதிமன்ற வாதங்களையும் மிக நேர்த்தியாக தொகுத்து படத்தை வேகமாகவும், விறுவிறுப்பாகவும் நகர்த்தி சென்றிருக்கிறார் படத்தொகுப்பாளர் ஸ்ரீஜித் சாரங்.

பாதிக்கப்பட்டவருக்கு சட்டப் போராட்டத்தினால் சரியான நீதி கிடைத்தாலும், அவர் மீது சுமத்தப்பட்ட பழி மற்றும் அதனால் ஏற்படும் பாதிப்புகளுக்காக இயக்குநர் சஜீவ் பழவூர், சட்டத்துறையிடம் முன் வைத்திருக்கும் கேள்வி இதுவரை எந்த திரைப்படத்திலும் கேட்டிராத ஒன்று. அதே சமயம், பாதிக்கப்பட்டவருக்காக அவர் கேட்கும் இழப்பீடும் இதுவரை யாரும் கேட்டிராத ஒன்றாகவும், வழங்குவதற்கான சாத்தியம் இல்லாத ஒன்றாக இருந்தாலும், இத்தகைய கேள்வி மற்றும் இழப்பீடு மூலம் மக்களை மட்டும் இன்றி அரசுத் துறைகளை யோசிக்க வைத்திருக்கிறார்.

தற்போதைய காலக்கட்டத்தில் மீனவ கிராமங்கள் உள்ளிட்ட எங்கும் குடிசை வீடுகளே இல்லாத ஒரு சூழலில், ஓலை தட்டிகள் கொண்ட கருணாஸின் வீடு மிகவும் செயற்கைத்தனமாக இருக்கிறது.

சட்டப்போராட்டம் மற்றும் நீதிமன்ற வாதங்கள் படத்தின் பெரும்பாலான காட்சிகளாக இருந்தாலும் அதை திரைக்கதையில் மிக சுவாரஸ்யமாக கையாண்டிருக்கும் இயக்குநர் சஜீவ் பழவூர், பதக்கம் ஒன்றை மையக்கருவாக வைத்துக்கொண்டு சமூக பிரச்சனை பற்றி பேசியிருப்பதோடு, அதை தொய்வில்லாத திரைக்கதை மூலம் விறுவிறுப்பான திரைப்படமாகவும் கொடுத்து வெற்றி பெற்றிருக்கிறார்.

மொத்தத்தில், ‘என்ன விலை’ படம் பார்க்கும் பார்வையாளர்களின் பணம் வீண் விரயம் ஆகாது.

Read More

சர்தார் 2 விமர்சனம்

 Cinema Inbox

’சர்தார் 2’ திரைப்பட விமர்சனம்

’சர்தார் 2’ திரைப்பட விமர்சனம்

By admin on September 10, 2026

பல வருடங்களாக தலைமறைவாக இருக்கும் உளவாளி ஒருவரை ரா சிறப்பு குழு தேடுகிறது. அவர்களுக்கு முன்பாக அவரை பிடித்து மேலதிகாரியிடம் ஒப்படைத்து தனது திறமையை நிரூபிக்க கார்த்தி முயற்சிக்கிறார். ஆனால், அதற்கு முன்பாக சர்வதேச கூலிப்படை கும்பலால் அந்த உளவாளி கொலை செய்யப்படுவதோடு, அவரிடம் இருக்கும் ரகசியம் ஒன்றை கைப்பற்ற முயற்சிக்கிறது. இறப்பதற்கு முன்பு அந்த உளவாளியிடம் இருந்த ரகசியத்தை பெறும் கார்த்தி, அவர் மூலம் தனது தந்தை உயிருடன் இருப்பதையும் அறிந்துக் கொள்கிறார்.

உயிருடன் இருக்கும் தந்தையை தேடி செல்லும் கார்த்தி, இறந்த உளவாளி கொடுத்த ரகசிய பொருள் போல் மேலும் இரண்டு உளவாளிகள் மூலம் இரண்டு ரகசியங்கள் பாதுகாத்து வைக்கபப்ட்டிருப்பதும், அந்த மூன்றையும் கைப்பற்ற முயற்சிக்கும் சர்வதேச கூலிப்படை தலைவன் எஸ்.ஜே.சூர்யா, அதன் மூலம் நாட்டையே அழிக்கும் திட்டம் ஒன்றை செயல்படுத்த இருப்பதையும் தெரிந்துக் கொள்கிறார். கூலிப்படை தலைவனுக்கு முன்பாக அந்த ரகசியத்தை கைப்பற்றி, அதன் பின்னணி என்ன ? என்பதை அறிந்துக் கொள்ள முயற்சிக்கும் கார்த்தி, அந்த இடத்தில் தனது தந்தையை மீண்டும் சந்திக்கிறார். மகனும், தந்தையும் இணைந்து நாட்டை அழிக்கும் நாசவேலையை முறியடிக்கும் முயற்சியில் இறங்குகிறார்கள். அது என்ன ?, அதை எப்படி தடுத்து நிறுத்துகிறார்கள் ?, நாட்டை அழிக்க துடிக்கும் எஸ்.ஜே.சூர்யா யார் ?, என்பதை அதிரடி சாகச காட்சிகளுடன் ஹாலிவுட் ஆக்‌ஷன் பட பாணியில் சொல்வதே ‘சர்தார் 2’.

‘சர்தார்’ முதல் பாகத்தின் தொடர்ச்சியாக இருந்தாலும், வேறு ஒரு பிரச்சனையோடு மக்களை எச்சரித்திருக்கும் இயக்குநர் பி.எஸ்.மித்ரன், எதிர்காலத்தில் இப்படியும் ஒரு பேரழிவு ஏற்படலாம், என்ற கற்பனையை சாகசங்கள் நிறைந்த உளவாளியின் வாழ்க்கை பின்னணியில் பிரமாண்டமாகவும், கமர்ஷியலாகவும் சொல்லியிருக்கிறார்.

அப்பா – மகன் என இரட்டை வேடத்தில் நடித்திருக்கும் கார்த்தி, உருவத்தில் மட்டும் இன்றி நடிப்பிலும் வித்தியாசத்தை காண்பித்திருக்கிறார். வெள்ளந்தியான நபர், ஆனால் வேலைன்னு வந்துட்டா உயிரை துச்சமாக நினைத்து மக்களை காக்கும் பணியை திறம்பட செய்யும் சூப்பர் உளவாளி என்பதை நிரூபிக்கும் வகையில் சாகசம் நிறைந்த காட்சிகளை நம்பும்படி கையாண்டிருக்கிறார். காதல் காட்சிகள் குறைவு என்றாலும் ஆக்‌ஷன் காட்சிகளிலும், விமான சாகசங்களிலும் கார்த்தியின் உற்சாகமான நடிப்பு ரசிகர்களை குஷிப்படுத்துகிறது.

சர்வதேச கூலிப்படை தலைவன் பிளாக் டேக்கர் என்ற கதாபாத்திரத்தில் வில்லனாக நடித்திருக்கும் எஸ்.ஜே.சூர்யா, வழக்கமான நடிப்பாக இருந்தாலும், திரைக்கதைக்கு பலம் சேர்க்கும் வகையில் பயணித்திருக்கிறார். வில்லனாக இருந்தாலும் மக்கள் செய்யும் தவறுகள், அதனால் எதிர்காலத்தில் ஏற்படும் விளைவுகளை விவரிக்கும் நீளமான காட்சியை தனது திரை இருப்பு மற்றும் நடிப்பு மூலம் தொய்வில்லாமல் கடத்தியிருக்கிறார்.

சிறிய வேடம் என்றாலும் ஆக்‌ஷனில் அமர்க்களப்படுத்தியிருக்கிறார் மாளவிகா மோகனன், படம் முழுவதும் பயணித்தாலும் ஆஷிகா ரங்கநாத்தின் வேடம் மனதில் நிற்கவில்லை. ஒரு காட்சியில் தலைகாட்டி மறைகிறார் ரஜிஷா விஜயன்.

யோகி பாபு மற்றும் நிழல்கள் ரவியின் புதிய காமெடி கூட்டணியின் காட்சிகள் சிரிக்க வைக்கிறது. அதிலும், வில்லன் எஸ்.ஜே.சூர்யா சொல்லும் கதையை கேட்டு கொடுக்கும் இவர்களது ரியாக்‌ஷன் திரையரங்கையே சிரிப்பு சத்தத்தால் அதிர வைக்கும்.

ஒளிப்பதிவாளர் ஜார்ஜ் சி.வில்லியம்ஸ் காட்சிகளை பிரமாண்டமாக படமாக்கியிருக்கிறார். ஆக்‌ஷன் மற்றும் சாகச காட்சிகள் கம்ப்யூட்டர் கிராபிக்ஸ் என்றாலும் அது தெரியாதவாறு காட்சியை கையாண்டிருக்கிறார்.

சாம்.சி.எஸ்-ன் இசை படத்தின் தரத்தை அதிகரிக்கச் செய்திருக்கிறது. சேசிங் மற்றும் சாகச காட்சிகள், ஜேம்ஸ் பாண்ட் படம் பார்க்கும் அனுபவத்தை கொடுக்கும் விதத்தில் அமைந்திருக்கும் சாம்.சி.எஸ்-ன் பின்னணி இசை அளவாக பயணித்து படத்திற்கு பெரும் பலம் சேர்த்திருக்கிறது.

படத்தின் மிகப்பெரிய பலமே விஜய் வேலுகுட்டியின் படத்தொகுப்பு தான். நாயகன் இரண்டு வேடம், வில்லன் எஸ்.ஜே.சூர்யா, மக்களை காப்பாற்ற உளவாளிகள் மேற்கொள்ளும் ஜப்பான் திட்டம், ரா அமைப்பின் பிளாஷ்பேக் காட்சிகள் என்று படத்தில் ஏகப்பட்ட கதாபாத்திரங்கள் மற்றும் காட்சிகள் இருந்தாலும், அவை அனைத்தையும் சரியான முறையில் தொகுத்து படத்தை தொய்வின்றி நகர்த்தி சென்றிருக்கிறார். குறிப்பாக சாகச காட்சிகளை நம்பும்படியும், திரைக்கதையின் விறுவிறுப்பு குறையாமலும் கதையை நகர்த்தியிருக்கும் விஜய் வேலுகுட்டி, 3 மணி நேரம் எப்படி போனது என்று தெரியாதவாறு தன் படத்தொகுப்பு பணியை நேர்த்தியாக செய்திருக்கிறார்.

முதல் பாகத்தின் தொடர்ச்சியாக இரண்டாம் பாகத்தை கையாண்டிருக்கும் இயக்குநர் பி.எஸ்.மித்ரன், மீண்டும் ஒரு சமூகப் பிரச்சனையை அழுத்தமாக பேசியிருந்தாலும், அதை பிரச்சாரமாக கையாளாமல், ஆக்‌ஷன் மற்றும் சாகசம் நிறைந்த காட்சியாக கொடுத்து பார்வையாளர்களை சீட் நுணியில் உட்கார வைத்திருக்கிறார்.

மக்கள் எதிர்கொள்ள இருக்கும் ஆபத்து, அது குறித்த விளக்கத்தை வில்லன் கதாபாத்திரம் மூலம் விவரித்தாலும், அந்த காட்சியை நகைச்சுவையாகவும் கையாண்டு படத்தை தொய்வின்றி நகர்த்தி செல்கிறார். படத்தின் ஆரம்பம் முதல் முடிவு வரை, அடுத்தது என்ன ? என்ற எதிர்பார்ப்போடு பார்வையாளர்களை படம் பார்க்க வைத்திருப்பவர், சர்தார் மூலம் மீண்டும் வெற்றியை சாத்தியமாக்கியிருக்கிறார்.

மொத்தத்தில், ‘சர்தார் 2’.

Read More

Baththa’ First Single ‘Magale’! A Beautiful Melody That Gently Touches the Heart!*

 *‘பத்தா’ படத்தின் முதல் சிங்கிள் ‘மகளே’ – மனதை வருடும் அழகான மெலடி!*

“மகளே” – சாய் அப்யங்கரின் மெலடி இசையில் மனதை மயக்கும் ‘பத்தா’ முதல் சிங்கிள்!

மக்கள் செல்வன் விஜய் சேதுபதி நடிப்பில், இயக்குநர் பாலாஜி தரணிதரன் இயக்கத்தில், இயக்குநர் அட்லி வழங்கும், ஸ்டார் ஸ்டுடியோ18,(Star Studio18), ஏ ஃபார் ஆப்பிள் ஸ்டுடியோஸ் (A for Apple Studios) மற்றும் சினி 1 ஸ்டுடியோஸ் புரொடக்‌ஷன் (Cine 1 Studios Production) நிறுவனங்கள் இணைந்து தயாரித்துள்ள ‘பத்தா’ திரைப்படத்தின் முதல் சிங்கிள் ‘மகளே’ வெளியாகி ரசிகர்கள் மத்தியில் நல்ல வரவேற்பைப் பெற்று வருகிறது. சாய் அப்யங்கர் இசையமைத்து பாடியுள்ள இப்பாடலுக்கு கவிஞர் கார்த்திக் நேதா வரிகளை எழுதியுள்ளார்.

இன்றைய தலைமுறை ரசிகர்களால் கொண்டாடப்படும் சாய் அப்யங்கர், துள்ளலான பாடல்களால் தனக்கென தனி அடையாளத்தை உருவாக்கி வரும் நிலையில், ‘மகளே’ பாடலில் முற்றிலும் மாறுபட்ட மென்மையான மெலடி பாணியை கையாண்டுள்ளார். அவரது இசையில் இதுவரை கேட்டிராத வித்தியாசமான இசை அனுபவமாக இந்தப் பாடல் அமைந்துள்ளது.

80-களின் இசை உலகை கண்முன் கொண்டு வரும் வீடியோ

80-களின் புகைப்படங்களும், அக்காலகட்ட இசையும் மீண்டும் ட்ரெண்டிங்கில் இருக்கும் இந்த நேரத்தில், ‘மகளே’ பாடலின் வீடியோவும் 80-களின் இசை உலகை நினைவுபடுத்தும் வகையில் அமைந்துள்ளது. வீடியோவின் தொடக்கமே 80-களில் ஒரு திரைப்படப் பாடல் ரெக்கார்டிங் எப்படி நடைபெற்றிருக்குமோ, அதனை அப்படியே கண்முன் கொண்டு வரும் வகையில் உருவாக்கப்பட்டுள்ளது. பழைய கால இசைக்கூடம், அக்கால ரெக்கார்டிங் முறைகள் என அந்தக் காலகட்டத்தின் சூழலை அப்படியே பிரதிபலிக்கும் வகையில் காட்சிகள் அமைந்துள்ளன. அதேநேரத்தில் சாய் அப்யங்கர் இசையமைப்பாளராகவும், பாடகராகவும் இரட்டை வேடத்தில் தோன்றியிருப்பதும் ரசிகர்களின் கவனத்தை ஈர்த்து வரவேற்பைப் பெற்று வருகிறது.

மகளை கொண்டாடும் அழகான பாடல்

ஒரு தந்தை தனது மகளைப் பார்த்து அன்புடன் பேசுவது போன்ற உணர்வில் உருவாகியுள்ள இந்தப் பாடல், மகளின் மீதான பாசத்தையும் அன்பையும் அழகாக வெளிப்படுத்துகிறது. “மகளே, மந்திரச் சிமிழே, மங்கள விளக்கே கேளடி” எனத் தொடங்கும் கார்த்திக் நேதாவின் வரிகள் கவிதையைப் போல அமைந்து, பாடலின் உணர்வை மேலும் அழுத்தமாக வெளிப்படுத்துகின்றன.

சாய் அப்யங்கரின் மென்மையான இசையும், அவரது குரலும், கார்த்திக் நேதாவின் கவித்துவமான வரிகளும் இணைந்து ‘மகளே’ பாடலை, ரசிக்க வைக்கும் அனுபவமாக மாற்றியுள்ளது. குறிப்பாக, வழக்கமான இளமைத் துள்ளல் இசையிலிருந்து விலகி, மனதை வருடும் மெலடி பாணியில் சாய் அப்யங்கர் இந்தப் பாடலை உருவாக்கியிருப்பது ரசிகர்களின் கவனத்தை ஈர்த்துள்ளது.

வித்தியாசமான கூட்டணியில், வித்தியாசமான களத்தில் வெளியாகியுள்ள ‘மகளே’ பாடல் ரசிகர்களால் கொண்டாடப்பட்டு, தொடர்ந்து நல்ல வரவேற்பைப் பெற்று வருகிறது.

தமிழ் சினிமாவில் முன்னணி நடிகரான விஜய் சேதுபதி, இயக்குநர் பாலாஜி தரணிதரன் மற்றும் இந்திய சினிமாவின் முன்னணி தயாரிப்பு நிறுவனங்களான Star Studio18, A for Apple Studios  மற்றும் Cine 1 Studios Production நிறுவனங்கள் இணைந்து தயாரிப்பது என, பல்வேறு எதிர்பார்ப்புகளை ஒன்றிணைத்துள்ள ‘பத்தா’, வரும் அக்டோபர் 1ம் தேதி உலகம் முழுவதும் திரையரங்குகளில் வெளியாகிறது.

*Baththa’ First Single ‘Magale’! A Beautiful Melody That Gently Touches the Heart!*

The musical sensation Sai Abhyankkar endows a soulful musical dimension with ‘Magale’, the first single from Vijay Sethupathi’s ‘Baththa’

The first single ‘Magale’ from ‘Baththa’, starring Makkal Selvan Vijay Sethupathi and directed by Balaji Tharaneetharan, has been released and is receiving a warm response from music lovers. Presented by filmmaker Atlee, the film is jointly produced by Star Studio18, A for Apple Studios and Cine1 Studios Production. Composed and sung by Sai Abhyankkar, the song features lyrics by acclaimed lyricist Karthik Netha.

Celebrated by today’s generation for his energetic and instantly appealing music, Sai Abhyankkar takes a refreshingly different musical route with ‘Magale’, embracing a tender and soothing melody. What adds more intrigue to the song is that the track exhibits a distinctly different side of the composer, moving away from his familiar youthful exuberance and creating a gentle musical experience that lingers with the listener.

A Refreshing Visual  That Recreates the Musical World of the 1980s

 With the visual and musical aesthetics of the 1980s once again finding its place among audiences, the video song of ‘Magale’ beautifully recreates the atmosphere of that era. From its very opening, the song commutes  viewers into an old-school recording studio, evoking the way a film song could have been recorded during the 1980s.

The vintage studio setting, period recording techniques and carefully recreated ambience add a distinct charm to the video. Another highlight is Sai Abhyankkar appearing as both the composer and singer, adding an interesting visual dimension to the song.

Beautiful Poetic Dedication to Daughter

A Heartfelt Musical Tribute to the Bond Between a Father and Daughter, built around the tender emotions of a father expressing his affection towards his daughter, ‘Magale’ beautifully celebrates the warmth and unconditional love of this special bond. Karthik Netha’s poetic lyrics further deepen the emotional essence of the song, giving it the feel of an affectionate musical ode to a daughter.

Sai Abhyankkar’s gentle composition and soulful vocals blend beautifully with Karthik Netha’s evocative writing, turning ‘Magale’ into a soothing listening experience. His departure from his signature high-energy style to explore a delicate melodic space has emerged as one of the song’s most refreshing aspects.

Arriving as a distinctive musical offering, ‘Magale’ has already begun winning the appreciation of listeners, further adding to the anticipation surrounding ‘Baththa’.

Starring Vijay Sethupathi and Lijomol Jose in the lead roles, ‘Baththa’ is directed by Balaji Tharaneetharan and presented by Atlee. Sai Abhyankkar composes the music, with Selvakumar S.K. handling cinematography, R. Kalaivanan taking care of editing and T. Muthuraj as Production Designer. The film is jointly produced by Star Studio18, A for Apple Studios and Cine1 Studios Production.

‘Baththa’ is scheduled for a worldwide theatrical release on October 1, 2026.

https://www.youtube.com/watch?v=FhhA5purigQ

Read More

I am game movie Review

 I am game movie Review

சூதாட்டங்கள் விளையாடுவதில் தீவிரம் காட்டும் நாயகன் துல்கர் சல்மான், கடனாளியாகி விடுகிறார். கடன் பிரச்சனையில் இருந்து மீள்வதற்காக கிரிக்கெட் சூதாட்டட்தில் ஈடுபடுகிறார், ஆனால் அதிலும் தோல்வியடைந்து மொத்த பணத்தையும் இழந்து விடுகிறார். இதற்கிடையே விபத்து ஒன்றில் சிக்கி படுகாயம் அடையும் துல்கர் சல்மானின் ஒரு கை சிதைந்து விடுகிறது. இதனால், இறந்த ஒருவரது கை அவருக்கு அறுவை சிகிச்சை மூலம் பொருத்தப்படுகிறது. பல மாதங்களுக்குப் பிறகு மீண்டும் தன்னுடைய வழக்கமான பணிகளை மேற்கொள்ளும் துல்சர் சல்மானின் வாழ்க்கையில் அவரது புதிய கை பல்வேறு மாற்றங்களை ஏற்படுத்துகிறது.

தன் பேச்சை கேட்காமல் அந்த கையே பல விசயங்களை செய்தாலும், அதன் மூலம் சூதாட்டங்களில் தொடர் வெற்றிகளை குவிக்கும் துல்கர் சல்மான், தன் புதிய கை தனக்கான அதிஷ்ட்டம் என்று நம்பும் போது, அந்த கை தொழிலதிபரும், மெட்ராஸ் கிரிக்கெட் அணியின் நிதியுதவியாளருமான மிஷ்கினை கொலை செய்ய முயற்சிக்கிறது. இதன் மூலம் அந்த கை தனக்கான அதிஷ்ட்டம் இல்லை, தன்னை பிரச்சனையில் சிக்க வைக்க வந்த ஆபத்து என்பதை துல்கர் சல்மான் உணர்கிறார். அப்போது அவர் மீதே அந்த கை கொலைவெறி தாக்குதல் நடத்துகிறது. அதில் இருந்து தப்பிக்கும் துல்கர் சல்மான், அந்த கையின் பின்னணியை கண்டுபிடித்து பிரச்சனையை எப்படி தீர்க்கிறார் ? என்பதை விறுவிறுப்பாக சொல்வதே ’ஐ அம் கேம்’.

படம் முழுவதும் ஸ்டைலான உடையில், ஸ்டைலான நடிப்பை வெளிப்படுத்தியிருக்கும் துல்கர் சல்மான், கை மாற்று அறுவை சிகிச்சைக்குப் பிறகு சவாலான காட்சிகளை மிக சாமர்த்தியமாக கையாண்டு ரசிக்க வைக்கிறார். தன் உடலோடு பொருந்தியிருந்தாலும் தன் கட்டுப்பாட்டை மீறி செயல்படும் கையை வைத்துக் கொண்டு துல்கர் சல்மான் எதிர்கொள்ளும் பிரச்சனைகளை தன் நடிப்பு மூலம் நேர்த்தியாக பார்வையாளர்களிடத்தில் கடத்தி விடுகிறார்.

நாயகியாக நடித்திருக்கும் கயாடு லோஹர், மெழுகுச் சிலை போல் அழகாக இருக்கிறார். அமைதியான முகம், அளவான நடிப்பு என்று படம் முழுவதும் நாயகனுக்கு துணையாகவும், படத்திற்கு பலமாகவும் பயணித்திருக்கிறார்.

வில்லனாக நடித்திருக்கும் மிஷ்கின், சூதாட்ட உலகத்தையும், அதன் செயல்பாடுகளையும் பார்வையாளர்கள் கண்முன் நிறுத்தும்படி நடித்திருக்கிறார். அவரது ஆக்ரோஷமான நடிப்பும், உடல்மொழியும் டேவிட் ஆப்ரஹாம் என்ற கதாபாத்திரத்திற்கு நூறு சதவீதம் நியாயம் சேர்த்திருக்கிறது.

ஆண்டனி வர்கீஸ், கதிர், சம்யுக்தா விஸ்வநாதன், வினய் ஃபோர்ட் ஆகியோருக்கு சிறிய வேடம் என்றாலும் திரைக்கதையில் முக்கிய பங்கு வகிக்கிறார்கள்.

ஒளிப்பதிவாளர் ஜிம்ஷி காலித், இரவு நேர காட்சிகளை பல்வேறு விளக்குகள் மூலம் பிரகாசமாக காட்சிப்படுத்தி, சூதாட்ட உலகத்தில் பார்வையாளர்களையும் பயணிக்க வைக்கிறார். படத்தின் பெரும்பாலான காட்சிகள் இரவு நேரத்தில் நடந்தாலும், வண்ணங்கள் மற்றும் விளக்குகள் மூலம் அந்த உணர்வே பார்வையாளர்களுக்கு ஏற்படாத வகையில் படம் முழுவதையும் வண்ணமயமாகவும், பிரமாண்டமாகவும் காட்சிப்படுத்தியிருக்கிறார்.

ஜேக்ஸ் பிஜாய் இசையில் பாடல்கள் துள்ளல் ரகம். பின்னணி இசை திரைக்கதையின் வேகத்திற்கு கூடுதல் வேகம் சேர்த்திருக்கிறது. அதிலும், கை செய்யும் களேபரங்கள் மற்றும் சண்டைக்காட்சிகளுக்கு தனித்துவமான பீஜியம் மூலம் இசையமைப்பாளர் பெரும் பலம் சேர்த்திருக்கிறார்.

சூதாட்டம் தான் படத்தின் மையக்கரு, அதை சுற்றி திரைக்கதை எழுதப்பட்டிருந்தாலும், எதிர்பார்க்காத ஒரு திருப்பத்தின் மூலம் திரைக்கதையின் வடிவத்தை மாற்றியிருக்கும் படத்தொகுப்பாளர் சாமன் சாக்கோ, படம் முழுவதையும் சிறு தொய்வின்றி விறுவிறுப்பாக நகர்த்தி சென்றிருக்கிறார்.

சஜீர் பாபா, பிலால் மொய்து, இஸ்மாயில் அபூபக்கர் ஆகியோரது திரைக்கதை வழக்கமான பழிவாங்கும் கதையை வேறு பாதையில் பயணிக்க வைத்து, படத்தின் சுவாரஸ்யத்தை அதிகரிக்கச் செய்திருக்கிறது.

கிரிக்கெட் விளையாட்டில் நடைபெறும் சூதாட்டத்தை தோலுரித்துக் காட்டும் வகையில் கதை எழுதி இயக்கியிருக்கும் நஹாஸ் ஹிதாயத், இத்தகைய சூதாட்டங்களும், அதை நடத்துபவர்களும் மக்களின் பேராசை மூலமாகவே உருவாகிறார்கள், என்ற கருத்தை அழுத்தமாக பதிவு செய்திருக்கிறார்.

சூதாட்டத்தை சுற்றி கதை நகர்ந்தாலும், சஸ்பென்ஸ், திரில்லர், ஆக்‌ஷன், காதல் என அனைத்துவிதமான கமர்ஷியல் அம்சங்களையும் திரைக்கதையில் அளவாக கையாண்டு, ஆரம்பம் முதல் முடிவு வரை பார்வையாளர்களின் கவனம் சிதறாமல் படத்தை நகர்த்தி சென்றிருக்கிறார் இயக்குநர் நஹாஸ் ஹிதாயத்.

மொத்தத்தில் ‘ஐ அம் கேம்’ சுவாரஸ்யமான விளையாட்டு

Read More

ஒன்ஸ் மோர்' திரைப்பட விமர்சனம்:

ஒன்ஸ் மோர்' திரைப்பட விமர்சனம்:

ஒன்ஸ் மோர்' திரைப்படத்தை ஒரு தீவிரமான காதல் கதை என்று அழைப்பது , இப்படத்தை அற்புதமாக விரக்தியடையச் செய்யும் ஒரே ஒரு அம்சத்திற்குள் சுருக்கிவிடுவதாக இருக்கும். அதற்குப் பதிலாக, ரகுவரன் (அர்ஜுன் தாஸ்) என்ற மனிதனின் இந்தக் கதையை, ஒரு கொடூரமான மர்மக் கதையாகப் பார்க்கவே நான் விரும்புகிறேன். நான் அதை அப்படி அழைக்கக் காரணம், நாம் முதலில் சந்திக்கும் ரகுவை, நலமாக உயிருடன் இருக்கும் ஒரு நபர் என்று சொல்வதே கடினம். அவன் நடக்கவும் பேசவும் மட்டுமே திறன் கொண்ட ஒரு சடலம். ஒரு மதகுரு மற்றும் ஒரு மனநல மருத்துவர் ஆகிய இருவருடனும் அவன் தொடர்ந்து உரையாடுவதை நாம் காணும்போது, ​​தன்னை மீண்டும் உயிர்ப்பிக்க அவன் ஆன்மீகம் மற்றும்/அல்லது அறிவியலுடன் போராடுவதை நாம் காண்கிறோம். 'ரகு என்பவன்...' என்று சொல்வதற்குப் பதிலாக, 'ரகு என்பவன்...' என்று சொல்லவே இப்படம் உங்களைப் பழக்குகிறது. இந்த வெறுமைக்குள்தான் அஞ்சலியின் (அதிதி சங்கர்) வருகையை நாம் காண்கிறோம். ரகு உயிரற்றவனாக இருந்தால், அஞ்சலியோ ஒருவேளை அச்சமூட்டும் அளவிற்கு உயிரோட்டத்துடன் இருக்கிறாள். தன்னைச் சுற்றியுள்ளவர்கள் மீது தனக்கு ஏற்படும் தாக்கத்தை அவள் அறிந்திருக்கிறாள். நாம் அந்த நிலைக்கு வருவதற்கு முன்பே, ' சந்தோஷ் சுப்ரமணியம்' படத்தில் வரும் ஜெனிலியாவின் ஒரு வடிவம் என்று தன்னை முதலில் கூறிக்கொள்பவளும் அவள்தான் . ரகுவைப் போன்ற ஒருவரைக் "காப்பாற்ற" வந்தவளாகத் தான் பார்க்கப்படலாம் என்பதையும் அவள் அறிந்திருக்கிறாள்; நாம் அந்த நிலைக்கு வருவதற்கு முன்பே, தனது மீட்பர் மனப்பான்மையையும் அவள் வெளிப்படுத்துகிறாள். ஆனால் அவர்கள் இருவரும் ஒன்றாக இருக்கும்போது, ​​அவனுடைய கல்லூரியில் ஜூனியர் மாணவியான அஞ்சலி அவசரப்பட்டுத் தன் காதலை அவனிடம் வெளிப்படுத்துவதால், திரைப்படம் ஒரு பதட்டமான காதல் காட்சியாக மாறுகிறது. அவன் வாழ்க்கையை வாழக்கூடியதாக மாற்றுவதற்குத் தேவையான பிராணவாயுவை அஞ்சலி அவனுக்குள் செலுத்துவது போலத் தோன்றினாலும், ஒருவேளை அவள் அதைச் சற்றே அதிகமாகச் செலுத்தி, அது ஒரு வெடிப்புக்கு வழிவகுத்துவிடுமோ என்று நாமும் கவலைப்படுகிறோம்.

அவர்களுடைய முற்றிலும் மாறுபட்ட குணாதிசயங்களின் ஆழம் அவர்களின் உடைகளில்கூடப் பிரதிபலிக்கிறது. அவளை மஞ்சள், சிவப்பு மற்றும் ஆரஞ்சு நிறங்கள் நிறைந்த பிரகாசமான, வண்ணமயமான ஆடைகளில் நாம் காண்கிறோம். அவள் கர்வம் பிடித்த படைப்பாளிகள் நிறைந்த ஒரு பிரகாசமான ஸ்டுடியோவில் வேலை செய்கிறாள். இதற்கு நேர் மாறாக, ரகு நேர்த்தியாகத் தலைவாரிக்கொண்டு, சட்டையை முழுவதுமாக உள்ளே செருகிய இறுக்கமான ஆடைகளை அணிந்திருப்பதைக் காண்கிறோம். அந்த முறையான உடையை விட, இந்த வாழ்க்கையால் அவன் கட்டுப்படுத்தப்பட்டிருப்பதைப் போலத் தெரிகிறது. அவனும் ஒரு கட்டுமானத் தளத்தில் வேலை செய்கிறான்; அது அவனது விருப்பமான தொழில் என்பதால் அல்ல, ஆனாலும் அது அவனுக்குப் பொருத்தமாகவே இருக்கிறது, ஏனென்றால் அவனும் ஒரு கட்டுமானப் பணியில் இருக்கிறான் அதிதியின் ஒளிமயமான உலகத்தில் அவன் பொருந்திப் போவதை நாம் காணும் ஒரே தருணம், அதிதி தரப்பிலிருந்து ஒருவர் விலகி, ரகு முயற்சி செய்திருப்பான் என்று நீங்கள் கற்பனை செய்யக்கூடிய ஒன்றைச் செய்ய முயலும்போதுதான். அது எவ்வளவு கொடூரமானதாக இருந்தாலும், தன்னைத்தானே காயப்படுத்திக்கொள்வதில் ஏதோ ஒன்று ரகுவை மீண்டும் உயிர்ப்பிக்கிறது. இந்தத் தருணத்திலிருந்தே, ஒரு காலத்தில் இருந்த ரகுவுக்காக இந்தப் படம் உங்களைத் தயார்படுத்துகிறது.

இறுக்கமான கட்டுப்பாடுகள் விலகுகின்றன, கூடவே அரைகுறைப் புன்னகைகளும் மறைகின்றன. நீல நிற ஆடைகள், தளர்வான லினன் சட்டைகள் மற்றும் கலைந்த தலைமுடி ஆகியவற்றின் கலவையில், அவர் முதல் முறையாக முழுமையாகப் புன்னகைப்பதை நாம் காண்கிறோம். ரகு, இப்போது மற்றொருவருக்கு அஞ்சலியாக இருப்பதை நாம் காண்பது, படத்தின் எழுத்துத் திறமைக்குக் கிடைத்த பாராட்டு. படத்தின் ஆரம்பப் பகுதிகள் சோகம் மற்றும் பதற்றம் நிறைந்த ஒரு மனநிலையை உருவாக்கியிருந்தால், இதற்குப் பிறகு அது மேலும் கவித்துவமான ஒரு தளத்திற்கு மாறுகிறது. முழுவதுமாக வட கேரளாவில் அமைக்கப்பட்டிருக்கும் இந்தப் பகுதி, ' விண்ணைத்தாண்டி வருவாயா' படத்தின் ஜெஸ்ஸியை ஒரு துறவியைப் போலக் காட்டக்கூடிய மற்றொரு கதாபாத்திரத்தையும் அறிமுகப்படுத்துகிறது. 

ஒன்ஸ் மோர்' திரைப்பட விமர்சனம்: ஒரு சுவாரஸ்யமான குழப்பமான காதலில் ஒரு புதிய அர்ஜுன் தாஸ்

வினீத் ஸ்ரீனிவாசன் படத்தின் வெகுளித்தனமான நம்பிக்கைக்கும், கௌதம் மேனனின் மிகவும் குழப்பமான காதல் கதைக்கும் இடையே ஊசலாடும் இந்தப் படம், ஒரு மனிதன், அவனைக் கொன்ற நபர் மற்றும் அவனை மீண்டும் உயிரோடு கொண்டு வந்தவர் ஆகியோரைப் பற்றிய, நேர்த்தியாக விவரிக்கப்பட்ட மற்றும் திறமையாக நடிக்கப்பட்ட ஒரு மர்மக் கதையாகும்.

'ஒன்ஸ் மோர்' திரைப்படத்தின் ஒரு காட்சி

சுருக்கமாக

சலிப்பூட்டுகிறது, ஆனால் ஒரு நல்ல விதத்தில்.

நடிகர்கள்: அர்ஜுன் தாஸ், அதிதி சங்கர், தேவதர்ஷினி, சோனா, டிராவிட் செல்வம்

இயக்குனர்: விக்னேஷ் ஸ்ரீகாந்த்

திரைக்கதை எழுத்தாளர்: விக்னேஷ் ஸ்ரீகாந்த்

மொழி: தமிழ்

'ஒன்ஸ் மோர்' திரைப்படத்தை ஒரு தீவிரமான காதல் கதை என்று அழைப்பது , இப்படத்தை அற்புதமாக விரக்தியடையச் செய்யும் ஒரே ஒரு அம்சத்திற்குள் சுருக்கிவிடுவதாக இருக்கும். அதற்குப் பதிலாக, ரகுவரன் (அர்ஜுன் தாஸ்) என்ற மனிதனின் இந்தக் கதையை, ஒரு கொடூரமான மர்மக் கதையாகப் பார்க்கவே நான் விரும்புகிறேன். நான் அதை அப்படி அழைக்கக் காரணம், நாம் முதலில் சந்திக்கும் ரகுவை, நலமாக உயிருடன் இருக்கும் ஒரு நபர் என்று சொல்வதே கடினம். அவன் நடக்கவும் பேசவும் மட்டுமே திறன் கொண்ட ஒரு சடலம். ஒரு மதகுரு மற்றும் ஒரு மனநல மருத்துவர் ஆகிய இருவருடனும் அவன் தொடர்ந்து உரையாடுவதை நாம் காணும்போது, ​​தன்னை மீண்டும் உயிர்ப்பிக்க அவன் ஆன்மீகம் மற்றும்/அல்லது அறிவியலுடன் போராடுவதை நாம் காண்கிறோம். 'ரகு என்பவன்...' என்று சொல்வதற்குப் பதிலாக, 'ரகு என்பவன்...' என்று சொல்லவே இப்படம் உங்களைப் பழக்குகிறது.

நீங்கள் இதையும் விரும்பலாம்

'பபிதா சிங் ரிப்போர்டிங்' திரைப்பட விமர்சனம்: சிறு நகர ஆணாதிக்கத்தின் விசாரணையை நிமிஷா சஜயன் கச்சிதமாக வெளிப்படுத்தியுள்ளார்.

இந்த வெறுமைக்குள்தான் அஞ்சலியின் (அதிதி சங்கர்) வருகையை நாம் காண்கிறோம். ரகு உயிரற்றவனாக இருந்தால், அஞ்சலியோ ஒருவேளை அச்சமூட்டும் அளவிற்கு உயிரோட்டத்துடன் இருக்கிறாள். தன்னைச் சுற்றியுள்ளவர்கள் மீது தனக்கு ஏற்படும் தாக்கத்தை அவள் அறிந்திருக்கிறாள். நாம் அந்த நிலைக்கு வருவதற்கு முன்பே, ' சந்தோஷ் சுப்ரமணியம்' படத்தில் வரும் ஜெனிலியாவின் ஒரு வடிவம் என்று தன்னை முதலில் கூறிக்கொள்பவளும் அவள்தான் . ரகுவைப் போன்ற ஒருவரைக் "காப்பாற்ற" வந்தவளாகத் தான் பார்க்கப்படலாம் என்பதையும் அவள் அறிந்திருக்கிறாள்; நாம் அந்த நிலைக்கு வருவதற்கு முன்பே, தனது மீட்பர் மனப்பான்மையையும் அவள் வெளிப்படுத்துகிறாள்.

ஆனால் அவர்கள் இருவரும் ஒன்றாக இருக்கும்போது, ​​அவனுடைய கல்லூரியில் ஜூனியர் மாணவியான அஞ்சலி அவசரப்பட்டுத் தன் காதலை அவனிடம் வெளிப்படுத்துவதால், திரைப்படம் ஒரு பதட்டமான காதல் காட்சியாக மாறுகிறது. அவன் வாழ்க்கையை வாழக்கூடியதாக மாற்றுவதற்குத் தேவையான பிராணவாயுவை அஞ்சலி அவனுக்குள் செலுத்துவது போலத் தோன்றினாலும், ஒருவேளை அவள் அதைச் சற்றே அதிகமாகச் செலுத்தி, அது ஒரு வெடிப்புக்கு வழிவகுத்துவிடுமோ என்று நாமும் கவலைப்படுகிறோம்.

அவர்களுடைய முற்றிலும் மாறுபட்ட குணாதிசயங்களின் ஆழம் அவர்களின் உடைகளில்கூடப் பிரதிபலிக்கிறது. அவளை மஞ்சள், சிவப்பு மற்றும் ஆரஞ்சு நிறங்கள் நிறைந்த பிரகாசமான, வண்ணமயமான ஆடைகளில் நாம் காண்கிறோம். அவள் கர்வம் பிடித்த படைப்பாளிகள் நிறைந்த ஒரு பிரகாசமான ஸ்டுடியோவில் வேலை செய்கிறாள். இதற்கு நேர் மாறாக, ரகு நேர்த்தியாகத் தலைவாரிக்கொண்டு, சட்டையை முழுவதுமாக உள்ளே செருகிய இறுக்கமான ஆடைகளை அணிந்திருப்பதைக் காண்கிறோம். அந்த முறையான உடையை விட, இந்த வாழ்க்கையால் அவன் கட்டுப்படுத்தப்பட்டிருப்பதைப் போலத் தெரிகிறது. அவனும் ஒரு கட்டுமானத் தளத்தில் வேலை செய்கிறான்; அது அவனது விருப்பமான தொழில் என்பதால் அல்ல, ஆனாலும் அது அவனுக்குப் பொருத்தமாகவே இருக்கிறது, ஏனென்றால் அவனும் ஒரு கட்டுமானப் பணியில் இருக்கிறான்.

A still from the film

திரைப்படத்திலிருந்து ஒரு காட்சி

அதிதியின் ஒளிமயமான உலகத்தில் அவன் பொருந்திப் போவதை நாம் காணும் ஒரே தருணம், அதிதி தரப்பிலிருந்து ஒருவர் விலகி, ரகு முயற்சி செய்திருப்பான் என்று நீங்கள் கற்பனை செய்யக்கூடிய ஒன்றைச் செய்ய முயலும்போதுதான். அது எவ்வளவு கொடூரமானதாக இருந்தாலும், தன்னைத்தானே காயப்படுத்திக்கொள்வதில் ஏதோ ஒன்று ரகுவை மீண்டும் உயிர்ப்பிக்கிறது. இந்தத் தருணத்திலிருந்தே, ஒரு காலத்தில் இருந்த ரகுவுக்காக இந்தப் படம் உங்களைத் தயார்படுத்துகிறது.

இறுக்கமான கட்டுப்பாடுகள் விலகுகின்றன, கூடவே அரைகுறைப் புன்னகைகளும் மறைகின்றன. நீல நிற ஆடைகள், தளர்வான லினன் சட்டைகள் மற்றும் கலைந்த தலைமுடி ஆகியவற்றின் கலவையில், அவர் முதல் முறையாக முழுமையாகப் புன்னகைப்பதை நாம் காண்கிறோம். ரகு, இப்போது மற்றொருவருக்கு அஞ்சலியாக இருப்பதை நாம் காண்பது, படத்தின் எழுத்துத் திறமைக்குக் கிடைத்த பாராட்டு. படத்தின் ஆரம்பப் பகுதிகள் சோகம் மற்றும் பதற்றம் நிறைந்த ஒரு மனநிலையை உருவாக்கியிருந்தால், இதற்குப் பிறகு அது மேலும் கவித்துவமான ஒரு தளத்திற்கு மாறுகிறது. முழுவதுமாக வட கேரளாவில் அமைக்கப்பட்டிருக்கும் இந்தப் பகுதி, ' விண்ணைத்தாண்டி வருவாயா' படத்தின் ஜெஸ்ஸியை ஒரு துறவியைப் போலக் காட்டக்கூடிய மற்றொரு கதாபாத்திரத்தையும் அறிமுகப்படுத்துகிறது.

நீங்கள் இதையும் விரும்பலாம்

'பெத்லஹேம் குடும்பா யூனிட்' திரைப்பட விமர்சனம்: நிவின் பாலி மற்றும் மமிதா பைஜுவின் வசீகரம், காலத்தால் அழியாத இந்த வயது வித்தியாசமுள்ள காதலை இயக்குகிறது.

'

இதுவரை படம் யூகிக்கக்கூடிய பாதையில் பயணித்தாலும், ' ஒன்ஸ் மோர்' திரைப்படம், அற்புதமாக எரிச்சலூட்டும் ஒரு பகுதிக்குள் திசைமாறுகிறது. இந்தப் புதிய கதாபாத்திரம், படத்தை ஒரு புதுவிதமான தீவிரத்துடன் உணர வைக்கிறது. அவளை இந்த நிலைக்கு ஆளாக்கிய கைவிடப்பட்ட உணர்வுகளின் சிக்கல்களை நீங்கள் புரிந்துகொண்டாலும், அவள் ஏன் இப்படி இருக்கிறாள் என்று தலையைச் சொறிந்துகொள்ளவும் தோன்றுகிறது. முழு பழங்குடியினரையே படுகொலை செய்த திரைப்பட வில்லன்கள் கூட இவளை விடக் குறைவான கொடூரமானவர்களாகவே தோன்றுகிறார்கள். அதுவும் இந்தப் படம் இவ்வளவு சிறப்பாகச் செயல்படுவதற்கு ஒரு காரணம்.

தனது மிகவும் நேர்மையான பாத்திரங்களில் ஒன்றான இதில், அர்ஜுன் தாஸ் இரண்டு ரகுவரன் பாத்திரங்களிலும் பிரித்தறிய முடியாதபடி பொருந்திப் போகிறார். அவர் எரிச்சலான பாத்திரத்தையும், மகிழ்ச்சியான காதலன் பாத்திரத்தையும் ஒரே மாதிரியாகச் சிறப்பாகக் கையாள்கிறார். எளிதில் ஒப்பிடக்கூடிய ஒரு பாத்திரத்தை, ஒரு புதிய வழியில் ஏற்று நடிக்கும் அதிதியும் அதே அளவு சிறப்பாக நடித்துள்ளார். வினீத் ஸ்ரீனிவாசன் படங்களின் அப்பாவித்தனமான நம்பிக்கைக்கும் (ஹேஷமின் இசை அபாரமானது) மற்றும் மிகவும் குழப்பமான கௌதம் மேனன் காதல் படத்திற்கும் இடையில் ஊசலாடும் இந்தப் படம், ஒரு மனிதன், அவனைக் கொன்ற நபர் மற்றும் அவனை மீண்டும் உயிருடன் கொண்டு வந்தவர் ஆகியோரைப் பற்றிய, நேர்த்தியாக விவரிக்கப்பட்ட மற்றும் திறமையாக நடிக்கப்பட்ட ஒரு மர்மக் கதையாகும் 

Read More

பெத்லகேம் குடும்ப யூனிட்’ திரைப்பட விமர்சனம்

 பெத்லகேம் குடும்ப யூனிட்’ திரைப்பட விமர்சனம் 

இறந்த காதலியின் நினைவில் வாடும் மத்திய வயதுக்காரரான நிவின் பாலியின் பக்கத்து வீட்டில் கல்லுரி மாணவியான மமிதா பைஜு தனது குடும்பத்துடன் குடியேறுகிறார். இருவரும் நட்பாக பழக, இருவர் மனதிலும் காதல் மலர்கிறது. இவர்களது காதல் உணர்வுகளையும், அதன் மூலம் நடக்கும் களேபரங்களையும் மனம் தொடும் விதத்திலும், சிரித்து மகிழியும்படியும் சொல்வது தான் ‘பெத்லகேம் குடும்ப யூனிட்’.

காதலிக்கும் தனக்கும் இருக்கும் வயது வித்தியாசதை தன் உடல்மொழி மூலம் வெளிப்படுத்துவது, குறும்புக்கார இளம்பெண்ணின் செயல்களினால் வெட்கப்படுவது, மீண்டும் ஒரு காதல் தோல்வியினால் கலங்குவது, என்று பல்வேறு உணர்வுகளை மிக சிறப்பாக வெளிப்படுத்தியிருக்கும் நிவின் பாலி, முழு படத்தையும் தன் பன்பட்ட நடிப்பின் மூலம் சுமந்திருக்கிறார்.

குறும்புக்கார கல்லூரி மாணவியாக நடித்திருக்கும் மமிதா பைஜு தனது சுட்டித்தனமான நடிப்பு மற்றும் உடல்மொழி மூலம் கவர்கிறார். காதலனுக்கும் தனக்கும் வயது வித்தியாசம் அதிகம் என்றாலும், அதைப் பற்றி யோசிக்காமல் காதலை அவர் கையாளும் விதம் ரசிக்க வைக்கிறது.

நிவின் பாலியின் தம்பியாக நடித்திருக்கும் சங்கீத் பிரதாப், பிந்து பணிக்கர், சுரேஷ் கிருஷ்ணா, வினய் ஃபோர்ட், ஸ்ரிந்தா, ஷமீர் கான், மீனாட்சி ரவீந்திரன், அயசங்கர் கரிமுட்டம், தங்கம் மோகன், வெட்டுக்கிளி பிரகாஷ் என அனைத்து நடிகர்களும் கதாபாத்திரங்களுக்கு பொருத்தமான தேர்வாக இருப்பதோடு, தங்களது திரையிருப்பு மூலம் திரைக்கதைக்கு பெரும் பலம் சேர்த்திருக்கிறார்கள்.

ஒளிப்பதிவாளர் அஜ்மல் சாபு, கதை பயணிக்கும் நகரம், அங்கிருக்கும் தேவாலயம், அருகருகே இருக்கும் வீடுகள் என்று காதலையும், காமெடியையும் கடந்து கதைக்களத்தையும் ரசிக்க வைத்திருக்கிறார்.

விஷ்ணு விஜய் இசையமைப்பில் பாடல்களும், பின்னணி இசையும் காதல் உணர்வுகளுக்கு கூடுதல் பலம் சேர்த்திருக்கிறது. வசனங்களால் சொல்ல முடியாத பல உணர்வுகளை இசை மூலம் சொல்லியிருக்கிறார்.

ஒரு காதல் கதையை இப்படியும் சொல்லலாம், என்ற புதிய பாதையில் பயணித்திருக்கும் படத்தொகுப்பாளர் ஆகாஷ் ஜோசப் வர்கீஸின் பணி சிறப்பு.

கிரிஷ்.ஏ.டி மற்றும் கிரண் ஜோசி ஆகியோரது கதை, திரைக்கதை எளிமையானதாக இருந்தாலும், அதில் சொல்லப்பட்டிருக்கும் உணர்வுப்பூர்வமான விசயங்கள் வலிமையானதாக இருக்கிறது. அதிலும் அதை வழக்கமான பாணியில் சொல்லாமல் சிரிக்கும்படியும், காதலை மனம் தொடும்படியும் சொல்லியிருப்பது படத்திற்கு கூடுதல் பலம் சேர்த்திருக்கிறது.

இயக்குநர் கிரிஷ்.ஏ.டி, சாதாரணமான காதல் கதையை, சாதாரணமான காட்சியமைப்பின் மூலம் சொல்லியிருந்தாலும், அவை பார்வையாளர்கள் மனங்களை தொடும்படியும், ரசித்து மகிழும்படியும் சொல்லியிருக்கிறார்.

மொத்தத்தில், ‘பெத்லகேம் குடும்ப யூனிட்’ மக்களை கொண்டாட வைக்கும்.

ரேட்டிங் 4/5

Read More

டாக்ஸிக்’ திரைப்பட விமர்சனம்

 டாக்ஸிக்’ திரைப்பட விமர்சனம்

1947 முதல் 1970 காலக்கட்டங்களில் கதை நடக்கிறது. அப்போதையக் காலக்கட்ட கோவா மாநிலத்தை தங்களது கட்டுப்பாட்டில் வைத்திருக்கும் மாஃபியாக்களின் மோதலில் கதை தொடங்குகிறது. துடிப்பான மற்றும் முரட்டுத்தனம் மிக்க இளைஞரான நாயகன் யாஷ் மற்றும் அவரது சகோதரி நயன்தாரா இருவரும் இணைந்து தங்களது எதிரிகளை வேட்டையாடுகிறார்கள். அக்கா நயன்தாராவுக்கு தனது தம்பி முழு நகரத்தையும் ஆள வேண்டும் என்பது ஆசை. அதற்காக அவருக்கு துணையாக பயணிப்பவர் திடீரென்று சிலரது சதியால் கொல்லப்படுகிறார். அக்காவின் கொலைக்குப் பிறகு கோவாவை விட்டு வெளியேறும் யாஷ், சீனாவில் தனது ராஜ்ஜியத்தை விரிவுப்படுத்துகிறார்.

இதற்கிடையே யாஷ் மீண்டும் கோவா திரும்ப வேண்டிய சூழல் ஏற்படுகிறது. யாஷியின் வருகையை அறிந்து அவரது மனைவி கியாரா அத்வானி தற்கொலை செய்துக் கொள்கிறார். அவரது 10 வயது மகனை யாஷ் கொலை செய்ய முயற்சிக்கிறார். ஆனால், அது அவரால் முடியாமல் போக, அவரை அங்கிருந்து விரட்டியடிக்கிறார்.

மீண்டும் வழக்கம் போல் கோவாவில் தனது சாம்ராஜ்ஜியத்தை நடத்தும் யாஷ், ருக்மணி வசந்தை திருமணம் செய்துக் கொண்டு, குழந்தை பெற்றுக் கொண்டு வாழ்ந்துக் கொண்டிருக்க, அவரது வாழ்க்கையை புரட்டிப் போடும் சம்பவங்கள் நடக்கிறது. அவரது சாம்ராஜ்யத்திற்கும், அவரது மகனுக்கும் ஆபத்து ஏற்படுகிறது. அந்த ஆபத்தில் இருந்து தனது மகனையும், சாம்ராஜ்யத்தையும் யாஷ் காப்பாற்றினாரா ? , அதன் பின்னணியில் இருப்பவர்கள் யார் ? என்பதை பிரமாண்டமான முறையில் சொல்வது தான் ‘டாக்ஸிக்’.

‘கே.ஜி.எப்’-ன் மிகப்பெரிய வெற்றியின் மூலம் ‘டாக்ஸிக்’ மீதான மக்களின் எதிர்பார்ப்பை, பிரமாண்டம் மற்றும் வன்முறை காட்சிகளின் மூலமாக பூர்த்தி செய்து விடலாம், என்ற தவறான முடிவால் படம் பாதாளத்திற்கு சென்றிருக்கிறது.

பலமான கதை மற்றும் நம் கலாச்சாரத்தை சார்ந்து பயணிக்கும் திரைக்கதை இல்லை என்றால், எத்தகைய பிரமாண்டம் இருந்தாலும், அந்த படத்தை மக்கள் குப்பையில் வீசுவார்கள், என்பதை நிரூபிக்கும் ஒரு படமாக ‘டாக்ஸிக்’ அமைந்திருக்கிறது.

ராயா மற்றும் டிக்கெட் என்ற அப்பா-மகன் வேடங்களில் நடித்திருக்கும் யாஷ், விதவிதமான மேல்நாட்டு ஆடைகளை உடுத்திக் கொண்டு, பலவிதமான பெண்களுடன் உல்லாசமாக இருப்பது, விதவிதமான பாட்டில்களில் மது அருந்துவது, கண் இமைக்கும் நேரத்தில் தலை, கை, கால்களை வெட்டுவது என்று வன்முறையும், ஆபாசமும் நிறைந்த ஒரு வாழ்கையை வாழ்ந்திருக்கிறார். அப்பா, மகன் இருவரும் வன்முறைக்கு சலைத்தவர்கள் இல்லை என்று சொல்லும் விதத்தில் கொத்து கொத்தாக கொலை செய்கிறார்கள். படம் முழுவதும் நடப்பது, சிக்ரெட் புகைப்பது, நிர்வாணமாக நிற்பது, துப்பாக்கி சண்டை, வெட்டி வீழ்த்துவது என்று பயணிக்கும் யாஷ், கிளைமாக்ஸுக்கு முன்பு கொஞ்சம் நடிக்க முயற்சித்திருக்கிறார். ஆனால், அங்கேயும் ஆக்‌ஷன் காட்சிகள் ஆதிக்கம் செலுத்துவதால் யாஷ் என்ற நடிகர் காணாமல் போய் விடுகிறார்.

யாஷின் சகோதரியாக நடித்திருக்கும் நயன்தாரா, ஆரம்பத்தில் சில அதிரடியான காட்சிகளில் அமர்க்களமாக எண்ட்ரி கொடுத்தாலும், அடுத்தடுத்த காட்சிகளில் செட் பிராபர்ட்டி போல் அமைதியாக நிற்க வைக்கப்பட்டிருக்கிறார். யாஷின் முதல் மனைவியாக நடித்திருக்கும் கியாரா அத்வானி, இரண்டாவது மனைவியாக நடித்திருக்கும் ருக்மணி வசந்த், காதலியாக நடித்திருக்கும் தாரா சுதாரியா, வில்லியாக நடித்திருக்கும் ஹுமா குரேஷி என திரை முழுவதும் நிரம்பியிருக்கும் நாயகிகளின் நடிப்பை விட அவர்களின் ஆடைகள் தான் கவனம் ஈர்க்கிறது.

ஒளிப்பதிவாளர் ராஜீவ் ரவி, கிராபிக்ஸ் காட்சிகளை சரியான முறையில் காட்சிகளுடன் இணைத்து படத்தை பிரமாண்டமாக காட்டியிருக்கிறார். 1947 – 1970 காலக்கட்டங்களுக்கான உடை மற்றும் கதைக்களத்தை காட்சிப்படுத்துவதற்காக பயன்படுத்திய வண்ணங்கள் பிரமிக்க வைக்கும் விதத்தில் அமைந்திருக்கிறது.

ரவி பஸ்ரூர், விஷால் மிஸ்ரா, தனிஷ்க் பாக்சி ஆகியோரது இசையில் பாடல்கள் பெரிதாக கவரவில்லை என்றாலும், பின்னணி இசை ஆக்‌ஷன் காட்சிகளுக்கு கைகொடுத்திருக்கிறது. படம் முழுவதும் வன்முறை காட்சிகள் நிரம்பியிருப்பதால், அவற்றுக்கு ஏற்ப பயணித்திருக்கும் பின்னணி இசை ஆங்காங்கே அதீத சத்தத்துடன் நம் காதை பதம் பார்த்து விடுகிறது.

பல கிளைக்கதைகள், ஏகப்பட்ட கதாபாத்திரங்கள் என்பதால் படத்தொகுப்பாளர் உஜ்வல் குல்கர்னி, பெரும் குழப்பமடைந்திருப்பது கதையை விவரிக்கும் விதத்திலேலேயே தெரிந்து விடுகிறது. அவரது குழப்பம் பார்வையாளர்களிடத்திலும் ஒட்டிக்கொள்ள, கதை சொல்வது தந்தையா ? மகனா ? என்று புரியாமல் புலம்புவதோடு, முதல் பாதி படம் முடிந்ததும், என்ன கதை ? என்று மற்றவர்களிடம் கேட்கிறார்கள். ஒரு வழியாக இரண்டாம் பாதியில் இது தான் கதை, என்று உஜ்வல் குல்கர்னி புரிய வைத்தாலும், இதற்காகவா இந்த அக்கப்போரு…!, என்று நினைக்க தோன்றுகிறது.

யாஷ் மற்றும் கீது மோகன்தாஸ் ஆகியோரது கதையில் பல கிளைக்கதைகள் இருந்தாலும், அவற்றை தெளிவாக விவரிக்காதது, கதைக்கு முக்கியத்துவம் கொடுக்காமல் பிரமாண்டத்திற்கும், ஆக்‌ஷன் காட்சிகளுக்கும் முக்கியத்துவம் கொடுத்தது படத்திற்கு மிகப்பெரிய பலவீனம்.

இயக்குநர் கீது மோகன்தாஸ், கதை என்னவாக இருந்தாலும், ஹாலிவுட் பாணியில் அதை காட்சிப்படுத்த வேண்டும் என்ற முடிவில், தேவை இல்லாத காட்சிகளை திணித்து பார்வையாளர்களை பதம் பார்த்திருக்கிறார். படத்தின் ஆரம்பம் முதல் முடிவு வரை வன்முறை காட்சிகளும், பெண்கள் உடனான ஆபாசக் காட்சிகளும் அதிகம் நிறைந்திருப்பதோடு, எந்த ஒரு விசயத்தையும் சுவாரஸ்யமாக சொல்லாமல் பார்வையாளர்களை கடுப்பேற்றும் வகையில் சொல்லி படத்தை குப்பையாக்கியிருக்கிறார்.

முரட்டுத்தனம் மிக்க யாஷ், கோபப்பட்டு வெட்டுவது, சுட்டு வீழ்த்துவது என்று பயணிக்கும் போது ஒரு கட்டத்தில் படம் பார்ப்பவர்களுக்கே எங்கே நம் மீது கத்தி திரும்பி விடுமோ, என்ற பயம் ஏற்படுகிறது. அந்த அளவுக்கு திரை முழுவதும் ஆயுதங்களும், பிணங்களும் நிறைந்து இரத்த ஆறு ஒடுகிறது.

ஸ்டைலிஷ் மற்றும் கம்பீரமான கதாநாயகன், பிரமாண்டமான காட்சியமைப்புகள், பிரமிக்க வைக்கும் கிராபிக்ஸ் காட்சிகள் ஆகியவை பாராட்டப்பட வேண்டியவை என்றாலும், சுவாரஸ்யம் இல்லாத திரைக்கதை மற்றும் கவனம் ஈர்க்காத கதாபாத்திர வடிவமைப்பு படத்தை, துண்டு துண்டாக வெட்டி கொன்று விட்டது.

மொத்தத்தில், ‘டாக்ஸிக்’ மக்களை பாதிக்கும் நச்சுத்தன்மை.

Read More

ஹாய் ’ (Hi) திரைப்பட விமர்சனம்

 ஹாய் ’ (Hi) திரைப்பட விமர்சனம் .

தனது பெற்றோர் போல் காதல் திருமணம் தான் செய்துகொள்ள வேண்டும் என்று ஆசைப்படும் நாயகன் கவினுக்கு காதல் கை கூடாததால், அவரது பெற்றோர் பெண் பார்க்கிறார்கள். காதலித்து தான் திருமணம் செய்துகொள்ள வேண்டும் என்பதில் உறுதியாக இருக்கும் கவின், கடிதம் மூலம் குடும்பத்தாரை மிரட்டிவிட்டு வீட்டை விட்டு ஓடி விடுகிறார்.

அம்மா முகத்தை பார்க்காத, அப்பாவின் அன்பும், அரவணைப்பும் கிடைக்காமல் வளரும் நாயகி நயன்தாரா, திருமண பந்தத்தில் சிக்கி விடாமல் வாழ்க்கையில் சாதிக்க வேண்டும் என்று விரும்புகிறார். ஆனால், அவருக்கு திடீரென்று திருமண ஏற்பாடு நடக்க, அதில் விருப்பம் இல்லாமல் வீட்டை விட்டு ஓடி விடுகிறார்.

வீட்டை விட்டு ஓடி வந்த நயன்தாராவும், கவினும் சென்னையில் சந்தித்துக் கொள்கிறார்கள். நட்பாக பழகுகிறார்கள். கவின், தான் எதிர்பார்க்கும் காதலி நயன்தாரா தான் என்று நினைத்து அவரை காதலிக்க தொடங்குகிறார். ஆனால், நயன்தாரா காதல், கல்யாணம் மீது தனக்கு நம்பிக்கை இல்லை என்பதை வெளிப்படுத்த, கவின் தன் காதலை சொல்லாமல் மறைத்து விடுகிறார்.

இதற்கிடையே, கவினும், நயன்தாராவும் கணவன் – மனைவியாக சில மாதங்கள் நடிக்க வேண்டிய சூழ்நிலை உருவாகிறது. இந்த சூழ்நிலையை தனக்கு சாதகமாக்கிக் கொண்டு, நயன்தாராவை தன் காதல் வலையில் வீழ்த்த முடிவு செய்யும் கவின், அதில் வெற்றி பெற்றாரா? என்பதை திகிட்டாத காதல் உணர்வோடு சொல்வதே ‘ஹை’.

கொங்கு தமிழ் பேசும் கோவை இளைஞராக நடித்திருக்கும் கவின், காதல் மீதான தன் ஏக்கத்தையும், ஏமாற்றத்தையும் தன் நடிப்பில் மிக சிறப்பாக பிரதிபலித்திருக்கிறார். நயன்தாரா உடனான தனது வயது வித்தியாசத்தை தன் முதிர்ச்சியான நடிப்பின் மூலம் மறைத்திருக்கும் கவின், பல காட்சிகளை மிக இயல்பாக கையாண்டு ரசிக்க வைத்திருப்பதோடு, காமெடி கலந்த நடிப்பின் மூலம் அவ்வபோது சிரிக்க வைக்கவும் செய்கிறார்.

கொங்கு மண்டலத்தைச் சேர்ந்த பெண் என்றாலும், தனது வழக்கமான பாணியிலான நடிப்பையும், வசன உச்சரிப்பையும் வெளிப்படுத்தியிருக்கும் நயன்தாரா, கூடுதல் பளிச்சென்று இருக்கிறார். கிராமத்து பெண் என்றாலும், மாடர்ன் உடை மூலம் அந்த அடையாளமே தெரியாத வகையில் பயணிக்கும் அவரது திரை இருப்பு மற்றும் முதிர்ச்சியான நடிப்பு படத்திற்கு பலம் சேர்த்தாலும், அவரது வயது முதிர்ச்சி சில காட்சிகளுடன் ஒட்டாமல் தணித்து பயணிக்கிறது.

கவினின் அம்மாவாக நடித்திருக்கும் ராதிகா, அப்பாவாக நடித்திருக்கும் கே.பாக்யராஜ், நயன்தாராவின் தந்தையாக நடித்திருக்கும் பிரபு, சிறப்பு தோற்றத்தில் நடித்திருக்கும் சுஹாசினி மணிரத்னம் ஆகியோரது அனுபவம் வாய்ந்த நடிப்பு திரைக்கதைக்கு பலம் சேர்த்திருக்கிறது.

சத்யன், ஆதித்யா கதிர், குரேஷி ஆகியோரது காட்சிகள் குலுங்க குலுங்க சிரிக்க வைக்கிறது. குறிப்பாக சத்யனின் சாதாரண மைண்ட் வாய்ஸ் கூட திரையரங்கமே அதிரும்படியாக சிரிக்க வைக்கிறது.

விடிவி கணேஷ், ஃபெப்சி விஜயன், காவியா அறிவுமணி, மிர்ச்சி கெமி, அம்ருதா சீனிவாசன் ஆகியோரின் திரை இருப்பு சிறியது என்றாலும் திரைக்கதை ஓட்டத்திற்கு பலம் சேர்த்திருக்கிறது.

ஒளிப்பதிவாளர் ராஜேஷ் சுக்லா, படத்தை கலர்புல்லாக காட்சிப்படுத்தியிருப்பதோடு, நயன்தாராவை பளிச்சென்று காட்டியிருக்கிறார்.

ஜென் மார்ட்டின் இசையில் பாடல்கள் அனைத்தும் கொண்டாட்ட ரகமாகவும், பின்னணி இசை காதல் உணர்வுகளை கடத்தும் விதமாகவும் பயணித்திருக்கிறது.

இலகுவான கதையை, பார்வையாளர்கள் உள்ளத்தை தொடும் இதமான உணர்வுகள் போல் காட்சிகளை தொகுத்திருக்கிறார் படத்தொகுப்பாளர் பிலோமின் ராஜ்.

எழுதி இயக்கியிருக்கும் விஷ்ணு எடவன், எளிமையான காதல் கதையை, எளிமையான திரைக்கதையோடு சொன்னாலும், அமைதியான மற்றும் இதமான உணர்வை கொடுக்கும் படமாக கொடுத்திருக்கிறார்.

படத்தின் ஆரம்பம் முதல் முடிவு வரை, எந்தவிதமான திருப்பங்களோ, எதிர்பார்ப்பும் இல்லாமல் படம் பயணித்தாலும், கதாபாத்திரங்கள் மற்றும் காட்சிகள் வடிவமைப்பு மூலம் பார்வையாளர்களை சிரிக்க வைத்து மகிழ்விக்கும் வித்தையை இயக்குநர் விஷ்ணு எடவன் மிக சிறப்பாக செய்திருக்கிறார்.

கண்கள் கூசும் அளவுக்கு நயன்தாரா பிரகாசமாக இருந்தாலும், அவரது வயது முதிர்வு திரையில் தெரிவதும், கவின் உடனான காட்சிகளில் அது ஒட்டாமல் பயணிப்பதும் படத்தின் குறையாக இருந்தாலும், கவினின் முதிர்ச்சியான, அளவான மற்றும் இயல்பான நடிப்பு அந்த குறையை மறக்கடித்து, படம் பார்வையாளர்ளை கவரும்படி செய்து விடுகிறது.

மொத்தத்தில், ‘ஹை’ அனைவரையும் ரசிக்க வைக்கும்.

Read More

இருமுடி கட்டு’ திரைப்பட விமர்சனம்

 இருமுடி கட்டு’ திரைப்பட விமர்சனம் 

விவசாயியான நாயகன் ரவி தேஜா – பிரியா பவானி சங்கர் தம்பதிக்கு ஒரு மகள் இருக்கிறார். திருமணமாகி பல வருடங்களாக குழந்தை இல்லாமல் இருந்த ரவி தேஜா, ஐயப்பன் சாமிக்கு மாலை போட்டு வேண்டிய பிறகு பிறந்த குழந்தை என்பதால், தன் மகள் மீது கொண்டிருக்கும் அளவுக்கு அதிகமான அன்பு போல், ஐயப்பன் மீதும் அளவுக்கு அதிகமான பக்தி கொண்டிருக்கிறார். அதே சமயம், அதீத மது பிரியரான ரவி தேஜா, ஒவ்வொரு ஆண்டும் ஐயப்பனுக்கு மாலை போட்டு கடுமையாக விரதம் இருக்கிறார்.

இந்த நிலையில், ரவி தேஜா மகள் படிக்கும் பள்ளியை சேர்ந்த மாணவி ஒருவர் மர்மமான முறையில் இறக்கிறார். அவரை தொடர்ந்து மற்றொரு மாணவி திடீரென்று படிப்பை பாதியில் விட்டுவிட்டு தலைமறைவாகிறார். ஆசிரியை சுவாசிகா சிறப்பு வகுப்பு என்ற பெயரில் குறிப்பிட்ட சில மாணவிகளை தன் வீட்டுக்கு அழைத்துச் செல்கிறார். இப்படி மாணவிகளை சுற்றி நிகழும் மர்ம சம்பவங்களுக்கான பின்னணி பற்றி ரவி தேஜாவின் மகளுக்கு தெரிய வருகிறது. அதை தன் தந்தையிடம் சொல்லி அவர்களை காப்பாற்ற நினைக்கிறார். ஆனால், அதற்கு ரவி தேஜாவின் மது பழக்கமும், ஐயப்பனுக்கு மாலை போட்டதும், தடையாக அமைகிறது. அந்த தடை நீங்கி, மகள் சொல்ல நினைத்தது தந்தை ரவி தேஜாவுக்கு தெரிந்ததா ?, மாணவிகளை காப்பாற்றினாரா ? என்பதை உணர்ச்சிகரமாகவும், மாஸாகவும் சொல்வது தான் ‘இருமுடி கட்டு’.

மாஸ் மகாராஜா என்ற பட்டப் பெயருடன் வலம் வரும் ரவி தேஜா, இதில் தனது மாஸை குறைத்துக் கொண்டு கதாபாத்திரத்திற்கு ஏற்ற நடிப்பை சிறப்பாக வெளிப்படுத்தியிருக்கிறார். மகள் மீதான பாசத்தை வெளிப்படுத்தும் காட்சிகளில் கிளாஸாக நடித்திருக்கும் ரவி தேஜா, பெண் பிள்ளைகள் அனைவரையும் தன் மகள்களாக பார்ப்பது தனது மோசமான பலவீனம், என்று கூறி அவர்களது பிரச்சனையை தீர்க்கும் காட்சிகளில் மாஸ் காட்டியிருக்கிறார்.

ரவி தேஜாவின் மனைவியாக நடித்திருக்கும் பிரியா பவானி சங்கர், மகளாக நடித்திருக்கும் சிறுமி நக்‌ஷத்ரா இருவரும் தங்களது நடிப்பின் மூலம் பார்வையாளர்கள் மனதில் ஒட்டிக்கொள்கிறார்கள். குறிப்பாக சிறுமி நக்‌ஷத்ரா தனது பார்வையின் மூலமாகவே பலவித உணர்வுகளை மிக நேர்த்தியாக வெளிப்படுத்தி கவனம் ஈர்க்கிறார்.

சாய் குமார், அஜய் கோஷ், ரமேஷ் இந்திரா, சுவாசிகா, மீசாலா லக்‌ஷ்மண், ராஜ்குமார் காசிரெட்டி, கிஷோர் கசிரப்பளம், கார்த்திக் அடுசுமல்லி, மகேஷ் என மற்ற கதாபாத்திரங்களில் நடித்திருப்பவர்களின் திரை இருப்பு திரைக்கதைக்கு பெரும் பலம் சேர்த்திருக்கிறது.

ஒளிப்பதிவாளர் விஷ்ணு சர்மா, கிரைம் திரில்லர், அப்பா – மகள் செண்டிமெண்ட் மற்றும் மாஸ் என மூன்று விதமான பரிணாமங்களை தனது கேமரா மூலம் பார்வையாளர்களிடம் கச்சிதமாக கடத்தியிருக்கிறார்.

ஜி.வி.பிரகாஷ் குமார் இசையில் பாடல்கள் டப்பிங் படம் போல் அல்லாமல் ஒரிஜினல் படம் போல் அமைந்திருக்கிறது. பின்னணி இசை மகள் மீது அப்பாவுக்கு இருக்கும் அன்பையும், அது தொடர்பான காட்சிகளையும் கண் கலங்க வைக்கும் விதத்தில் பார்வையாளர்கள் மனதில் பதிய வைக்கிறது.

அமைதியான குடும்ப நாடகம், திரில்லர், மாஸ், கமர்ஷியல் மற்றும் சமூகத்திற்கான அறிவுரை என திரைக்கதையில் இருக்கும் பல்வேறு அம்சங்கள் அனைத்தும் பார்வையாளர்களின் கவனம் ஈர்க்கும் வகையில் படத்தொகுப்பாளர் பிரவீன் பவுடி, காட்சிகளை தொகுத்திருக்கிறார்.

எழுதி இயக்கியிருக்கும் சிவா நிர்வாணா, எளிமையான ஒரு கதையை மிக வலிமையாக சொல்லும் வித்தையை மிக சிறப்பாக செய்திருக்கிறார். மாஸ் ஹீரோவை வைத்துக்கொண்டு அவரது ரசிகர்களை திருப்திப்படுத்துவதோடு, கதையின் போக்கை மாற்றாமல் அதே சமயம் கதை சொல்ல வரும் விசயத்தை பார்வையாளர்கள் மனதில் ஆழமாக பதிய வைத்திருக்கிறார்.

கதையின் துவக்கத்தில் இருந்தே பயணிக்கும் அப்பா – மகள் செண்டிமெண்ட் மற்றும் மாணவிகளின் பிரச்சனைகள் திரைக்கதையை சுவாரஸ்யமாகவும், அடுத்தது என்ன நடக்கும் ? என்ற எதிர்பார்ப்போடும் நகர்த்திச் செல்கிறது. இரண்டாம் பாதியில் வரும் எதிர்பார்க்காத திருப்பம் பார்வையாளர்களின் இதயங்களை கனக்கச் செய்து, படத்தின் இறுதி வரை சீட் நுணியில் உட்கார வைத்து விடுகிறது.

மொத்தத்தில், ‘இருமுடி கட்டு’ வெற்றிக்கொடி கட்டுவது உறுதி.

Read More

பியார் பிரேமா கல்யாணம்’ திரைப்பட விமர்சனம்

பியார் பிரேமா கல்யாணம்’ திரைப்பட விமர்சனம்

நாயகன் இளனும், நாயகி சான்வி மேக்னாவும் காதலிக்கிறார்கள். அவர்களது காதலுக்கு இரு வீட்டாரும் சம்மதம் தெரிவிக்க திருமண ஏற்பாடு நடக்கிறது. திருமணம் முடிந்த சில நிமிடங்களில் சான்வி மேக்னா, மணக்கோலத்திலேயே மண்டபத்தில் இருந்து தலைதெறிக்க தன் வீட்டுக்கு ஓடிவிடுகிறார். என்ன, ஏது என்று புரியாமல் அனைவரும் அதிர்ச்சியடைய, தன் பெற்றோரை பிரிய மனம் இல்லாதது தான் காரணம் என்று தெரிய வருகிறது. கணவர் இளன் மற்றும் பெற்றோர் அறிவுரை சொல்லியும் கேட்காத சான்வி மேக்னா, திருமணத்திற்குப் பிறகு பெண் எதற்காக கணவர் வீட்டுக்கு செல்ல வேண்டும், கணவர் மனைவி வீட்டுக்கு வரலாமே..!, என்று பெண்ணியம் பேசுகிறார்.

ஆரம்பத்தில் சான்வியின் எதிர்பார்ப்புக்கு எதிர்ப்பு தெரிவிக்கும் இளன், பிறகு மனைவியின் விருப்பத்தை ஏற்று, அவரது வீட்டில் வாழ செல்கிறார். வேலை இல்லாமல், மனைவி சம்பாத்தியத்தில், மாமியார் வீட்டில் வசிக்கும் இளனின் திருமண வாழ்க்கை ‘பியார் பிரேமா காதல்’ போல் இனித்ததா?, இல்லையா? என்பதை நகைச்சுவையாக சொல்ல முயற்சித்திருப்பது தான் ‘பியார் பிரேமா கல்யாணம்’.

’பியார் பிரேமா காதல்’ மூலம் இயக்குநராக கவனம் ஈர்த்த இளன், ‘பியார் பிரேமா கல்யாணம்’ மூலம் இயக்குநர் மற்றும் ஹீரோவாக கவனம் ஈர்க்க முயற்சித்திருக்கிறார். ஆனால், காதலை கையாண்ட விதம் அவரை காப்பாற்றினாலும், கல்யாணம் அவரை சற்று தடுமாற வைத்திருக்கிறது.

நாயகனாக அறிமுகமாகியிருக்கும் இளன், வயதுக்கு ஏற்ற துள்ளல் நடிப்பின் மூலம் தனது கதாபாத்திரத்திற்கு நியாயம் சேர்த்திருக்கிறார். பொறுப்பில்லாத பிள்ளை, இனிக்க இனிக்கா காதலிக்கும் காதலர், மாமியார் வீட்டு மருமகன் என பலவிதமான பரிமாணங்களை தனது இயல்பான நடிப்பின் மூலம் இயல்பாக வெளிப்படுத்தி பார்வையாளர்களின் மனம் கவர்கிறார்.

நாயகியாக நடித்திருக்கும் சான்வி மேக்னா, துரு துரு நடிப்பாலும், கவர்ச்சியான உடையாலும் கவனம் ஈர்க்கிறார். நாயகனுக்கு இணையான கதாபாத்திரத்தில், கொடுத்த வேலையை குறையின்றி செய்திருக்கும் சான்வி மேக்னா, முதல் படம் போல் இல்லாமல் பல காட்சிகளை அசால்டாக கையாண்டு கைதட்டல் பெறுகிறார்.

நாயகியின் அம்மாவாக நடித்திருக்கும் ராதிகா, முதன்மை கதாபாத்திரங்களுக்கு ஈடுகொடுக்கும் விதத்தில் தன் இயல்பான நடிப்பை வெளிப்படுத்தி கவனம் ஈர்க்கிறார்.

எம்.எஸ்.பாஸ்கர், செந்தில், கீதா கைலாசம், இளங்கோ குமரவேல் ஆகியோரது கதாபாத்திரங்கள் அறிவுரை கூறவும், திரைக்கதை ஓட்டத்திற்கும் பயன்படுத்தப்பட்டிருக்கிறது.

யோகி பாபு வரும் காட்சிகள் சில சிரிக்க வைக்கிறது. மாறனின் நகைச்சுவை காட்சிகள் பெரிய அளவில் கைகொடுக்கவில்லை. ஒளிப்பதிவாளர் தினேஷ் கே.பாபுவின் ஒளிப்பதிவு வண்ணமயமாக இருக்கிறது. நட்சத்திரங்களை அழகாக காட்டியிருப்பவர், மொட்டை மாடியையும், நாயகியின் வீட்டையும் வைத்தே பெரும்பாலான காட்சிகளை படமாக்கி ரசிக்க வைத்திருக்கிறார்.

யுவன் சங்கர் ராஜாவின் இசையில் பாடல்கள் மனதில் நிற்கவில்லை. பின்னணி இசை அதீத சத்தம் இல்லாமல் அளவாக பயணித்து காட்சிகளுக்கு பலம் சேர்த்திருக்கிறது.

காதலோடு பயணிக்கும் முதல் பாதி படத்தை ரசிக்கும்படி தொகுத்த பிரதீப் இ.ராகவ், கல்யாண வாழ்க்கையோடு பயணிக்கும் இரண்டாம் பாதி படத்தை திரைக்கதை தொய்வடையும் விதத்தில் தொகுத்திருக்கிறார்.

திருமண முறையின் வழக்கத்தை மாற்றும் நிவேதிதா போஹங்கர் கதையில் இருக்கும் சுவாரஸ்யம் அதற்கான திரைக்கதையில் இல்லாதது படத்தின் பலவீனம். குறிப்பாக மனைவி வீட்டில் கணவர் வசிப்பதும், பெண்கள் எதிர்கொள்ளும் சிக்கல்களையும் அப்படியே ஆண்கள் எதிர்கொள்வது போல் வடிவமைத்த காட்சியமைப்புகள் படத்திற்கு கைகொடுக்காமல், பார்வையாளர்களை கடுப்பேற்ற செய்கிறது.

கூடுதல் திரைக்கதை எழுதி இயக்கியிருக்கும் இளன், காதலை திறம்பட கையாண்டு ரசிகர்களை கவர்ந்தது போல், கல்யாண வாழ்க்கை மற்றும் அதில் எழும் சிக்கல்களை சரியான முறையில் கையாளாமல் தடுமாறியிருக்கிறார்.

முதல் பாதி படத்தில் இடம்பெறும் காதல் காட்சிகள், சோசியல் மீடியாக்களில் ஒரு விசயம் எப்படி தீயாக பரவுகிறது, அதற்கு எப்படி எல்லாம் கருத்துகள் வருகிறது, ஆகியவை படத்தை ரசிக்க வைத்தாலும், இரண்டாம் பாதியில் மாமியார் வீட்டில் வாழும் மருமகனின் திண்டாட்டம், அங்கு எதிர்கொள்ளும் சிக்கலை சமாளிப்பதற்கான இளனின் வழிமுறைகள் போன்றவை திரைக்கதையோடு ஒட்டாமல் பயணிப்பதோடு, பார்வையாளர்களை சோர்வடைய செய்து விடுகிறது.

மொத்தத்தில், ‘பியார் பிரேமா காதல்’ மூலம் இயக்குநராக வெற்றி பெற்ற இளன் ‘பியார் பிரேமா கல்யாணம்’ மூலம் ஹீரோவாக வெற்றி பெற்று, இயக்குநராக தோல்வியடைந்திருக்கிறார்.

Read More

ராம் அன்ட் லீலா’ திரைப்பட விமர்சனம்

 ராம் அன்ட் லீலா’ திரைப்பட விமர்சனம்

திருமண வயதை தாண்டியும் பெண் கிடைக்காமல் திண்டாடும் நாயகன் ரியோவை, நாயகி வர்டிகா காதலிக்கிறார். அதே சமயம், மாலை 6 மணிக்கு மேல் தான் வீட்டை விட்டு வெளியே வர மாட்டேன், அதனால் 6 மணிக்கு மேல் சந்திக்க கூடாது, என்ற நிபந்தனை விதிக்கிறார். வர்டிகாவின் அழகிலும், காதலிலும் கிரங்கியிருக்கும் ரியோ, அவரது நிபந்தனையை ஏற்று காதலிக்கிறார். சில நாட்களுக்குப் பிறகு வர்டிகாவின் மாலை 6 மணி நிபந்தனை ரியோவுக்கு பல சிக்கல்களை ஏற்படுத்த, 6 மணி ரகசியத்தை தெரிந்துக் கொள்ள வேண்டும் என்று முடிவு செய்கிறார்.

’சின்னதம்பி’ பட கவுண்டமனி போல் மாலைக்கண் பிரச்சனையாக இருக்குமோ…!, என்று நாயகன் ரியோ மற்றும் பார்வையாளர்கள் சிந்திக்க, யோசித்து பார்க்க முடியாத ஒரு பிரச்சனை நாயகிக்கு இருப்பது தெரிய வருகிறது. அது என்ன ?, அது தெரிந்த பிறகும் நாயகன், வர்டிகாவை காதலித்தாரா ?, அவருக்கு கல்யாணம் நடந்ததா ? என்பதை காமெடியாக சொல்வதே ‘ராம் அன்ட் லீலா’.

கல்யாணத்திற்காக ஏங்கும் இளைஞர் ராம் கதாபாத்திரத்தில் நடித்திருக்கும் ரியோ, காமெடி கலந்த நடிப்பால் புதுவிதமான ரியோவை வெளிக்காட்ட முயற்சித்திருக்கிறார். பெண்கள் உலகம் பற்றி தெரியாத அப்பாவியாக வலம் வருபவர், தனது ஒவ்வொரு அசைவுகள் மூலமாகவும் பார்வையாளர்களை சிரிக்க வைக்க முயற்சித்திருக்கிறார். அதில் பெரும்பாலான சில்மிஷங்கள் மற்றும் செயல்களில் சிவகார்த்திகேயனின் ஆரம்பக்கட்டத்தை நினைவுப்படுத்துகிறது. காதலுக்காக ஏங்குவது, எதிர்பார்க்காத பிரச்சனை, அந்த பிரச்சனையை தீர்க்க போராடுவது என்று திரைக்கதைக்கு பலம் சேர்க்கும் வகையில் ரியோவின் நடிப்பு இருந்தாலும், பல இடங்களில் கொஞ்சம் ஓவர் டோஸாகவும் இருக்கிறது.

நாயகியாக நடித்திருக்கும் அறிமுக நடிகை வர்டிகா அழகாக இருக்கிறார். கனமான கதாபாத்திரம் என்றாலும், அவருக்கு ஹீரோ அளவுக்கு நடிக்க வாய்ப்புகள் வழங்கப்படவில்லை. அவரை ஒரு அழகு சிலையாக காட்டுவதற்கே முக்கியத்துவம் கொடுத்திருக்கிறார்கள்.

நாயகனின் தந்தையாக நடித்திருக்கும் சேத்தன், அம்மாவாக நடித்திருக்கும் மாளவிகா அவினாஷ், தங்கையாக நடித்திருக்கும் தாஃபியா அபு, மாமனாக நடித்திருக்கும் முனீஷ்காந்த், நண்பராக நடித்திருக்கும் பாலாஜி தியாகராஜன் தயாளன், நாயகியின் அம்மாவாக நடித்திருக்கும் தீபா வெங்கட், மாமனாக நடித்திருக்கும் மாகாபா, தாத்தாவாக நடித்திருக்கும் காத்தாடி ராமமூர்த்தி ஆகியோர் கதாபாத்திரங்களுக்கு பொருத்தமான தேர்வாக இருக்கிறார்கள்.

ஒளிப்பதிவாளர் மல்லிகார்ஜுன், காட்சிகளை கலர்புல்லாக படமாக்கியிருக்கிறார். குறிப்பாக நாயகியை அழகாகவும், பளிச்சென்றும் காட்டுவதில் அதிகம் மெனக்கெட்டிருப்பவர் படம் முழுவதையும் பளிச்சென்று படமாக்கி காட்சிகளை ரசிக்க வைத்திருக்கிறார்.

அன்கிட் மேனனின் இசையில் பாடல்கள் அனைத்தும் மாண்டேஜாக இடம் பெற்றிருந்தாலும், திரும்ப திரும்ப கேட்கும்படி இருப்பதோடு, ரீல்ஸ் வீடியோவுக்கானதாகவும் இருக்கிறது. பின்னணி இசை பாடல்களைப் போல் மெலோடி பாணியில் இதமாக பயணிக்கிறது.

படத்தொகுப்பாளர் ஒய்.என்.சி.சிவா, முதல் பாதியை சற்று மெதுவாக நகர்த்தி சென்றாலும், இரண்டாம் பாதியை வேகமாக நகர்த்துவதோடு, நகைச்சுவை காட்சிகளை சரியான முறையில் தொகுத்து படத்தை கலகலப்பாக நகர்த்திச் செல்கிறார்.

எழுதி இயக்கியிருக்கும் ராமச்சந்திரன் கண்ணன், எந்த ஆங்கிலப் படத்தை பார்த்து கருவை சுட்டார், என்று தெரியவில்லை. (காரணம், இதே கருவோடு மூன்று மாதங்களுக்கு முன்பு தான் ஒரு படம் வெளியானது ) சுட்ட கருவாக இருந்தாலும், அதை தமிழ் பார்வையாளர்களுக்கு ஏற்ப கொடுத்ததில் வெற்றி பெற்றிருக்கிறார்.

யூகங்களை கடந்த நாயகியின் பிரச்சனை படத்தை சுவாரஸ்யமாக நகர்த்த உதவியிருப்பதோடு, அதற்கான பின்னணியை கதையாக விவரித்த விதமும் திரைக்கதைக்கு பலம் சேர்த்திருக்கிறது.

பிரச்சனை குறித்து தெரிந்த பிறகு, காதலர்கள் ஒன்று சேர்வதில் இருக்கும் சிக்கல், அந்த சிக்கலை தாண்டிய காதலையும், அந்த உணர்வையும் வெளிப்படுத்தும் விதம், கல்யாணத்தை காமெடி கலாட்டாவாக கையாண்ட விதம் ஆகியவற்றின் மூலம் படத்தில் இருக்கும் சில குறைகளை மறக்கடித்து, சிரித்து மகிழும்படியான படமாக கொடுத்திருக்கிறார் இயக்குநர் ராமச்சந்திரன் கண்ணன்.

மொத்தத்தில், ’ராம் அன்ட் லீலா’ மனிதர் உணர்ந்து கொண்ட புனிதமான காதல்

Read More

மொத்த ராத்திரி விமர்சனம்

காதல் தோல்வியால் ஊரை விட்டு துபாய் செல்லும் நாயகன் ரிஷிகாந்த், ஐந்து வருடங்களுக்குப் பிறகு மீண்டும் ஊருக்கு வர, அவருக்கே தெரியாமல் திருமண ஏற்பாடுகள் செய்யப்படுகிறது. குடும்பத்தாரின் கட்டாயத்தினால் திருமணத்திற்கு சம்மதிக்கிறார். அவருக்கும், நாயகி அனிஷ்மா அனில்குமாருக்கும் திருமணம் நடக்கிறது.

மொத ராத்திரி அன்று தனது மனைவியிடம் ரிஷிகாந்த், மனம் திறந்து பேச முயற்சிக்கிறார். ஆனால், அனிஷ்மா அங்கிருந்து வெளியேறி தன் காதலருடன் ஓட முயற்சிக்கிறார். விசயம் தெரிந்த பிறகு ரிஷிகாந்த், என்ன முடிவு எடுத்தார்?, அவரது கல்யாண வாழ்க்கை வெற்றி பெற்றதா? அல்லது அனிஷ்மாவின் காதல் வெற்றி பெற்றதா ? என்பதை கிராமத்து மனிதர்களின் எதார்த்தமான வாழ்வியலாகவும், நகைச்சுவையாகவும் சொல்வதே ‘மொத ராத்திரி’.

திருமண வீட்டில் நடக்கும் சம்பவங்களை இயல்பாகவும், உறவுகளின் மகிழ்ச்சி, சோகம், எதிர்பார்ப்பு, மோதல் ஆகியவற்றை உண்மைக்கு நெருக்கமாகவும் காட்சிப்படுத்தி கதை சொல்லியிருக்கும் இயக்குநர் ராஜா கருப்புசாமி, பல இடங்களில் சிரிக்க வைப்பதோடு, சிந்திக்கவும் வைத்திருக்கிறார்.

நாயகனாக நடித்திருக்கும் ரிஷிகாந்த், நாயகன் பற்றாக்குறையை தீர்ப்பார் என்ற நம்பிக்கையை கொடுக்கும் விதமாக நடித்திருக்கிறார். மருது கதாபாத்திரத்தில் அளவாக நடித்து திரைக்கதைக்கு பலம் சேர்த்திருப்பவர், பல இடங்களில் அமைதியாக இருந்தே தனது உணர்வை சரியான முறையில் வெளிப்படுத்தியிருக்கிறார்.

நாயகியாக நடித்திருக்கும் அனிஷ்மா அனில்குமார், ‘சிறை’ படத்திற்குப் பிறகு மீண்டும் ஒரு அழுத்தமான கதாபாத்திரத்தை அசால்டாக கையாண்டு பாராட்டு பெறுகிறார். முதல் பாதி படத்தில் குறைவாக பேசியிருப்பவர், இரண்டாம் பாதி படம் முழுவதும் பேசாமலேயே நடித்தாலும், இறுதிக் காட்சியில் தன் மனக்குமுறலை வெளிப்படுத்தி அழும் காட்சியில் கைதட்டல் பெறுகிறார்.

சேத்தன், பக்ஸ், சங்கீதா பாலன், பானுப்பிரியா, வர்ஷினி கார்மேகம், அப்துல் லீ, ஏ.வெங்கடேஷ் உள்ளிட்ட படத்தில் நடித்திருக்கும் அனைவரும் நடிகர்களாக அல்லாமல் கிராமத்து மனிதர்களாக தங்களது உணர்வுகளை வெளிப்படுத்தி நடித்த விதம் திரைக்கதைக்கு பெரும் பலம் சேர்த்திருக்கிறது.

ஒளிப்பதிவாளர் சுரேந்தரன் பரஞ்சோதி கதாபாத்திரங்களைப் போல் கதைக்களம் மற்றும் காட்சிகளையும் இயல்பாக படமாக்கியிருக்கிறார். ஒரு திருமண நிகழ்வு மற்றும் திருமண வீட்டில் பயணித்த உணர்வை கொடுப்பவர், இரவு நேர காட்சிகளை மிக சிறப்பாக கையாண்டு கவனம் ஈர்க்கிறார்.

பரத் சங்கரின் இசையில் பாடல்கள் அனைத்தும் கதைக்களத்தையும், கதாபாத்திரங்களின் உணர்வுகளையும் வெளிப்படுத்தும் விதமாக அமைந்திருக்கிறது. பின்னணி இசையில் சில பாடல்களின் இசை ஒட்டிக்கொண்டிருந்தாலும், காட்சிகளுக்கு உயிரூட்டியிருக்கிறது.

ஒரு நாளில் நடக்கும் கதையாக இருந்தாலும், நேர்த்தியான முறையில் காட்சிகளை தொகுத்து கதையின் இயல்பு தன்மை மாறாமல் படத்தை ந்கர்த்திச் சென்றிருக்கும் படத்தொகுப்பாளர் அசோக் அர்ஜுனன், ஏகப்பட்ட கதாபாத்திரங்கள் இருந்தாலும், அனைவர் மீதும் பார்வையாளர்களின் கவனத்தை கடத்தும் வித்தையை சிறப்பாக செய்திருக்கிறார்.

திருமண நிகழ்வில் தொடங்கும் கதை, மொத ராத்திரியோடு முடிவடைந்தாலும், அந்த இடைப்பட்ட நேரத்தில் மனித மனங்களை அலசியிருக்கும் இயக்குநர் ராஜா கருப்புசாமி, காதல் உள்ளிட்ட பல விசயங்களை மேலோட்டமாகவும், நகைச்சுவையாகவும் பேசியிருந்தாலும் பார்வையாளர்கள் மனதில் ஆழமாக பதியும்படி பேசியிருக்கிறார்.

கதாபாத்திரங்களை வடிவமைத்த விதம் மற்றும் அவர்களிடம் வேலை வாங்கிய விதம், ஒரு திருமண வீட்டில் நடக்கும் நிகழ்வை உண்மைக்கு நெருக்கமான முறையில் காட்சிப்படுத்திய முறை ஆகியவை வழக்கமான கமர்ஷியல் சினிமாவை கடந்த ஒரு படைப்பாக பாராட்டு பெறுகிறது.

மொத்தத்தில், ’மொத ராத்திரி’ தலைப்பு தான் ஒரு மாதிரி, படம் அனைத்து மாதிரியான மக்களுக்கான திரைப்படம்

Read More

விஸ்வநாத் அண்ட் சன்ஸ் (Vishwanath And Sons) — திரை விமர்சனம்

சுருக்கம்: சூர்யா - மமிதா பைஜுவின் அட்டகாசமான கெமிஸ்ட்ரி மற்றும் மனதைத் தொடும் குடும்ப உணர்வுகளோடு வந்திருக்கும் ஒரு அழகான ஃபீல்-குட் (Feel-good) குடும்பத் திரைப்படம்!

கதைக்களம்:

2005-ல் 'கஜினி' சஞ்சய் ராமசாமியாக வசீகரித்த சூர்யா, இப்போது 2026-ல் சஞ்சய் விஸ்வநாத் ஆக மீண்டும் ஒரு ஸ்டைலான பிசினஸ் மேக்னட்டாக என்ட்ரி கொடுத்திருக்கிறார். 40 வயதிலும் முரட்டு சிங்கிளாக, துப்பாக்கிச் சுடுதல் போட்டியில் ஒலிம்பிக் பதக்கம் வென்ற ஒரு ஸ்போர்ட்ஸ்மேனாகவும் கலக்குகிறார்.

அம்மா நிர்மலா தேவி (ராதிகா சரத்குமார்) இவருக்குத் திருமணம் செய்து வைக்கத் தீவிரமாக முயல்கிறார். ஒரு கட்டத்தில் தாயின் உடல்நிலை காரணமாக, ஒரு வாரிசை உருவாக்க நினைக்கும் சஞ்சய், ஒரு வருடத்திற்குப் பிறகு ‘அபே’ என்ற குழந்தையுடன் சென்னை வருகிறார். அந்தக் குழந்தைக்கு உடல்நிலை சரியில்லாதபோது கதைக்குள் நுழைகிறார் 22 வயதான மேடி (மமிதா பைஜு). சஞ்சய் ஏன் திருமணத்தை வெறுக்கிறார்? அஞ்சலி (ரவீனா டாண்டன்) யார்? சஞ்சய் - மேடி இடையேயான அந்த வித்தியாசமான காதல் என்ன ஆகிறது என்பதே படத்தின் களம்.

படத்தின் ப்ளஸ் பாயிண்ட்ஸ் (Highlights):

• சூர்யாவின் எவர்-கிரீன் நடிப்பு: சஞ்சய் கதாபாத்திரத்திற்கு சூர்யா அத்தனை கச்சிதமாகப் பொருந்தியிருக்கிறார். ஒரு பிசினஸ்மேன், பாசமான மகன், பொறுப்பான தந்தை என எல்லா பரிமாணங்களிலும் எஃபர்ட்லெஸ்ஸாக (effortless) ஸ்கோர் செய்கிறார். காமெடி டைமிங்கிலும் சூர்யாவின் முதிர்ச்சியான நடிப்பு அப்ளாஸ் அள்ளுகிறது.

• மமிதா பைஜுவின் துள்ளலான எனர்ஜி: ‘மேடி’ கதாபாத்திரத்தில் மமிதா செம்ம க்யூட்! தன்னம்பிக்கை, காமெடி, எமோஷன் என அனைத்தையும் மிக இயல்பாக வெளிப்படுத்தி தியேட்டரைக் கவர்கிறார். சூர்யாவுக்கும் இவருக்குமான ஆன்-ஸ்கிரீன் கெமிஸ்ட்ரி ரொம்பவே ஃப்ரெஷ்ஷாக ஒர்க் ஆகியிருக்கிறது.

• கலகலப்பான முதல் பாதி: இயக்குநர் வெங்கி அட்லூரி வழக்கமான குடும்பக் கதையாக இல்லாமல், ஒரு வித்தியாசமான லவ் டிராக்கை சுவாரஸ்யமாக நகர்த்தியுள்ளார். முதல் பாதியில் வரும் காமெடி, அம்மா-மகன் கலாட்டா மற்றும் குழந்தையின் எண்ட்ரி என படம் படு ஸ்பீடாகவும் கலகலப்பாகவும் போகிறது.

• அனுபவ நடிப்பில் ராதிகா & ரவீனா: ராதிகா சரத்குமார் வழக்கம் போல தன் இயல்பான நடிப்பால் அம்மா கேரக்டருக்கு உயிர் கொடுத்துள்ளார். ரவீனா டாண்டனின் போர்ஷன் படத்திற்கு கூடுதல் பலம்.

• சமூகக் கருத்துகள் & எமோஷன்ஸ்: பெற்றோரை மதிப்பது, விவசாயத்தின் முக்கியத்துவம், பணம் மட்டுமே வாழ்க்கை இல்லை போன்ற நல்ல விஷயங்களை உணர்வுபூர்வமாகப் பேசியிருப்பது படத்திற்கு கூடுதல் அழகு சேர்க்கிறது.

பாசிட்டிவ் பார்வை:

இரண்டாம் பாதியில் எமோஷனல் காட்சிகள் சற்று நீளமாகப் போனாலும், குடும்ப உறவுகளின் மேன்மையையும், பாசத்தையும் நேர்மையாகப் பேசிய விதத்தில் இயக்குநர் வெங்கி அட்லூரி கைதட்டல் பெறுகிறார்.

இறுதித் தீர்ப்பு:

'விஸ்வநாத் அண்ட் சன்ஸ்' — குடும்பத்தோடு தியேட்டருக்குப் போய் ஜாலியாக சிரித்து, எமோஷனலாகக் கனெக்ட் ஆகிப் பார்க்கக்கூடிய ஒரு தரமான, நேர்த்தியான ஃபீல்-குட் பேமிலி என்டர்டெய்னர்! மிஸ் பண்ணாம பாருங்க!

Read More

வதந்தி – சீசன் 2’ இணையத் தொடர் விமர்சனம்

 வதந்தி – சீசன் 2’ இணையத் தொடர் விமர்சனம்

மதுரை மாவட்டத்தில், அரசு நிகழ்ச்சி ஒன்றுக்காக பள்ளம் தோண்டும் போது எலும்புக்கூடு ஒன்று கிடைக்கிறது. அரசு நிகழ்ச்சியின் போது கிடைத்ததால் ஒட்டுமொத்த ஊடகமும் அந்த சம்பவம் பற்றியே பேசிக்கொண்டிருக்க, அந்த எலும்புக்கூட்டின் பின்னணியை கண்டுபிடிக்கும் பொறுப்பு போலீஸ் சப்-இன்ஸ்பெக்டர் சசிகுமாருக்கு வழங்கப்படுகிறது.

எந்த ஆதாரமும் இன்றி, ஒரு கை இல்லாமல், சிதைந்த நிலையில் இருக்கும் அந்த எலும்புக்கூட்டை வைத்துக்கொண்டு விசாரணையை தொடங்கும் சசிகுமார், அதே இடத்தில் மேலும் ஒரு எலும்புக்கூடு புதைக்கப்பட்டிருப்பதை கண்டுப்பிடிப்பதோடு, இரண்டு எலும்புக்கூடுகளும் பெண்கள் என்பதையும், அவர்கள் கொலை செய்யப்பட்டதையும் கண்டுபிடிக்கிறார்.

எலும்புக்கூட்டின் பிரச்சனை முடிந்ததால் மதுரை மாவட்ட காவல்துறை நிம்மதியடைய, சசிகுமார் அதன் பின்னணியில் இருக்கும் மர்மங்களையும், இரண்டு பெண்களை கொலை செய்த உண்மையான குற்றவாளி யார் ? என்பதையும் கண்டுபிடிக்க களத்தில் இறங்குகிறார். அவரது புலன் விசாரணை மூலம், பல புதிய மர்மங்கள் பூதாகரமாக உருவெடுக்க, அந்த மர்ம முடிச்சுகளை அவிழ்த்து உண்மையான கொலையாளியை சசிகுமார் கண்டுபிடித்தாரா?, கொலைக்கான காரணம் என்ன ? என்பதை விறுவிறுப்பாக சொல்வதே ‘வதந்தி – சீசன் 2’.

கிரைம் திரில்லர் இணையத் தொடர் என்றாலே, ஒரு விசயத்தை நேரடியாக சொல்லாமல் பல கிளைக்கதைகளுடன் சொல்வது தான் வழக்கமான பாணி. அதே பாணியில் இந்த தொடரும் பயணித்தாலும், கொலைக்கான காரணத்தை யூகிக்க முடியாதபடியும், கொலையாளி யார் ? என்ற பார்வையாளர்களின் யூகங்களை பொய்யாக்கும் விதத்திலும் இயக்குநர் ஆண்ட்ரூ லூயிஸ் திரைக்கதை எழுதியிருக்கிறார்.

முதல் அத்தியாசத்திலேயே பார்வையாளர்களை கதைக்குள் இழுத்துவிடும் இயக்குநர் ஆண்ட்ரூ லூயிஸ், எலும்புக்கூடு தொடர்பான விசாரணையை மிக சுவாரஸ்யமாக நகர்த்தி செல்வதோடு, அதற்கான தீர்வு தெரிந்த பிறகு, கொலையாளி யார் ? மற்றும் கொலைக்கான காரணத்தை மையமாக கொண்டு நகர்த்தியிருக்கும் திரைக்கதை கிரைம் திரில்லர் ஜானரை கடந்து, காதல், கணவன் – மனைவி உறவு, மதுரை இளைஞர்களின் ஜல்லிக்கட்டு மீதான பேரார்வம் ஆகியவற்றுடன் உலகளவில் பேசுப்பொருளாக இருக்கும் ஒரு விசயத்தையும் மிக நேர்த்தியாக கையாண்டிருப்பது தொடரின் தனிசிறப்பாகும்.

கதையின் நாயகனாக மூசா ராசா என்ற சப் இன்ஸ்பெக்டர் கதாபாத்திரத்தில் நடித்திருக்கும் சசிகுமார், முதல் முறையாக காவல்துறை காக்கி உடை அணிந்திருந்தாலும், தனது உருவம் மற்றும் நடிப்பில் எந்தவித மாற்றத்தையும் வெளிக்காட்டவில்லை. ‘சுப்பிரமணியபுரம்’ முதல் ‘டூரிஸ்ட் ஃபேமிலி’ வரையிலான படங்களில் பார்த்த அதே சசிகுமாரை தான் பார்க்க முடிகிறது. அதிலும் இதில் அளவான நடிப்பை கொடுக்க முயற்சித்திருக்கும் சசிகுமார், முகத்திற்கு கீழே உடலில் எந்தவிதமான அசைவுகளையும் வெளிக்காட்டாமல் ரொம்பவே அளவாக நடித்திருக்கிறார்.

மதுரை மாவட்ட எஸ்.பி கதாபாத்திரத்தில் நடித்திருக்கும் அனகா, காவல்துறை உயர் அதிகாரி கதாபாத்திரத்திற்கு கச்சிதமாக பொருந்தியிருக்கிறார். காவல்துறை சீருடை அவருக்கு கச்சிதமாக பொருந்தியிருப்பதோடு, மிக சிறப்பான நடிப்பையும் வெளிப்படுத்தியிருக்கிறார்.

முடக்கத்தான் மணி கதாபாத்திரத்தில் நடித்திருக்கும் அறிமுக நடிகர் யஷ்வந்த், மதுரை மாவட்ட இளைஞராக மிரட்டியிருக்கிறார். மாடு பிடிப்பதில் காட்டும் ஆர்வம், அதில் வெற்றி பெற்றதை நண்பர்களிடம் விளக்குவது, காதல் காட்சிகள் என்று மதுரை இளைஞராகவே வலம் வருபவர், தனது ஒவ்வொரு அசைவுகள் மூலமாகவும் கனவம் ஈர்க்கிறார்.

’டாடா’ என்ற வெற்றி படத்தில் நடித்தும் நீண்ட வருடங்களாகவே தமிழ் சினிமாவில் ஆளே காணாமல் போன அபர்ணா தாஸ், இந்த தொடர் மூலம் தலைக்காட்டியிருந்தாலும், மிக மிக சாதாரண கதாபாத்திரத்தில் நடித்திருக்கிறார். சசிகுமாரின் மனைவி கதாபாத்திரத்தில் நடித்திருக்கும் அவரது கதாபாத்திரத்திற்கு திரைக்கதையில் எந்தவிதமான முக்கியத்துவமும் இல்லை முடக்கத்தான் மணியின் காதலியாக நடித்திருக்கும் ரேவதி, ‘வதந்தி’ முதல் சீசனில் நடித்த அதே ராமர் கதாபாத்திரமாக பயணிக்கும் விவேக் பிரசன்னா ஆகியோரும் தங்களது பணியை குறையின்றி செய்திருக்கிறார்கள்.

ஒளிப்பதிவாளர் சரவணன் ராமசாமி, கிரைம் திரில்லர் என்பதால் அதிகமான இருளை பயன்படுத்தாமல், இயற்கையின் வெளிச்சத்தில் ரம்மியமான வண்ணத்தில் காட்சிகளை படமாக்கி ரசிக்க வைத்திருக்கிறார். கதைக்களம் மற்றும் கதாபாத்திரங்களையும் இயல்பு தன்மை மாறாமல் காண்பித்து கவனம் ஈர்க்கிறார்.

இசையமைப்பாளர் சைமன் கே.கிங் இசையில் பின்னணி இசை தொடருக்கு மிகப்பெரிய பலம் சேர்த்திருக்கிறது. ஒரு குறிப்பிட்ட இசையை எத்தனை முறை கேட்டாலும் சலிப்படைய செய்யாது. அப்படி ஒரு பீஜியமை கொடுத்து மர்ம முடிச்சுகள் அவிழும் காட்சிகளுக்கு மட்டும் இன்றி அதன் மூலம் அடுத்து என்ன நடக்கும், என்ற எதிர்பார்ப்பை ஏற்படுத்தும் காட்சிகளின் மீதும் தனது பின்னணி இசை மூலம் பார்வையாளர்களின் முழு கவனத்தையும் ஈர்த்து விடுகிறார்.

இணையத் தொடர்களில் படத்தொகுப்பாளர்களின் பணி மிக முக்கியமானது, அதிலும் கிரைம் திரில்லர் என்றால் ஒவ்வொரு அத்தியாயத்திலும் ஒரு சஸ்பென்ஸையாவது நிச்சயம் சொல்ல வேண்டும், என்ற சவாலை மிக சாமர்த்தியமாக எதிர்கொண்டிருக்கும் படத்தொகுப்பாளர் ரிச்சர்ட் கெவின்.ஏ, சஸ்பென்ஸ் காட்சிகளுடன் மதுரை மாவட்ட மக்களின் வாழ்வியலையும் ரசிக்கும்படி தொகுத்திருக்கிறார்.

கலை இயக்குநர் மீவின்னின் பணியும் கவனம் ஈர்க்கிறது. ஜல்லிக்கட்டு போட்டியை காட்சிப்படுத்திய விதம் மற்றும் பழைய காவல்துறை ஆகியவற்றை உண்மைக்கு நெருக்கமாக வடிவமைத்திருக்கிறார்.

எழுதி இயக்கியிருக்கும் ஆண்ட்ரூ லூயிஸ், வதந்தி முதல் சீசனில் கொலையாளி யார் ? என்பதை தேடும் பயணத்தை விறுவிறுப்பாக நகர்த்தி சென்றது போல், இந்த இரண்டாம் சீசனில், கொலையாளியாக தண்டனைப் பெற்றவரை நிரபராதி என்பதை நிரூபிக்கும் பயணத்தை விறுவிறுப்பாக நகர்த்தி சென்றிருக்கிறார்.

அனைத்து அத்தியாயங்களும் எதாவது ஒரு விசயத்தின் மூலம் அடுத்தது என்ன நடக்கும் ? , கொலையாளி யார் ? ஆகிய கேள்விகளை பார்வையாளர்கள் மனதில் எழுப்புவதோடு, முடக்கத்தான் மணியின் மவுனம் பற்றியும் யோசிக்க வைக்கிறது.

இரத்தம், முகம் சுழிக்க வைக்கும் ஆபாசம், நெருட வைக்கும் கொடூரமான காட்சிகள் என கிரைம் திரில்லர் இணையத் தொடர்களின் அனைத்து அம்சங்களையும் தவிர்த்துவிட்டு, சிறுவர்கள் முதல் பெரியவர்கள் வரை என அனைத்து தரப்பினரும் பார்க்க கூடிய மிக அமைதியான அதே சமயம் சுவாரஸ்யமான கிரைம் திரில்லர் தொடராக இயக்கியிருக்கும் ஆண்ட்ரூ லூயிஸை பாராட்டி வரவேற்க வேண்டும்.

மொத்தத்தில், ‘வதந்தி – சீசன் 2’ அனைத்து தரப்பு பார்வையாளர்களையும் கவரும் கிரைம் திரில்லர் தொடர்.

Read More

போட்டோகிராபர்’ திரைப்பட விமர்சனம்

 போட்டோகிராபர்’ திரைப்பட விமர்சனம்

புகைப்பட கலைஞரான நாயகன் அஷ்ரப், இதுவரை யார் கண்ணுக்கும் புலப்படாத ஒரு அரிய மரத்தை புகைப்படம் எடுப்பதற்காக மேற்குத் தொடர்ச்சி வனப்பகுதியில் பயணிக்கிறார். அப்போது வழிதவறி ஆபத்து நிறைந்த வனப்பகுதிக்குள் சிக்கிக்கொள்கிறார். சென்றவர்கள் யாரும் திரும்பி வராத மிக ஆபத்தான அந்த வனப்பகுதியில் இருந்து வெளியேற வழி தெரியாமல் தடுமாறும் அஷ்ரப், பல ஆபத்தான சூழ்நிலைகளை எதிர்கொண்டு உயிருக்கு போராடுகிறார்.

காட்டில் பயணிக்கும் ஒவ்வொரு நிமிடமும் பல மர்மம் மற்றும் திகில் சூழல்களை எதிர்கொள்ளும் அஷ்ரப், அங்கிருத்து தப்பித்தாரா ?, அவர் புகைப்படம் எடுக்க நினைத்த மரத்தை பார்த்தாரா ? என்பதை திகில் மற்றும் உளவியல் கலந்து சொல்வதே ‘போட்டோகிராபர்’.

கதை எழுதி இயக்கி, கதையின் நாயகனாகவும் நடித்திருக்கும் அஷ்ரப், தனிமனித பயணத்தை கதைக்களமாக வைத்துக்கொண்டு மர்மம், திகில், அமானுஷ்யம், உளவியல் ஆகிய உணர்வுகளின் பயணமாக படத்தை கொடுக்க முயற்சித்திருக்கிறார்.

வீரா என்ற கதாபாத்திரத்தின் மூலம் நடிகராக முழு படத்தையும் சுமந்திருக்கும் அஷ்ரப், முதல் படத்திலேயே பல்வேறு உணர்வுகளை மிக நேர்த்தியாக வெளிப்படுத்தி நடிப்பில் ஸ்கோர் செய்திருக்கிறார். ஆரம்பத்தில் அவரது கதாபாத்திரமும், அவரது நடிப்பும் ஓவர் டோஸ் போல் இருந்தாலும், இரண்டாம் பாதியில் பயணிக்கும் திரைக்கதை மற்றும் காட்சிகள் மூலம் அவரது நடிப்பு பாராட்டை பெறுகிறது.

நாயகியாக நடித்தாலும் ஒரு சில காட்சிகளில் மட்டுமே வரும் அனனி சுவாமிநாதன் நிறைவாக நடித்திருக்கிறார்.

நாயகனின் நண்பராக நடித்திருக்கும் கருணாகரன், தனது எதார்த்தமான நடிப்பின் மூலம் படத்திற்கு பலம் சேர்த்திருக்கிறார். மற்றொரு நண்பராக நடித்திருக்கும் உறியடி சிவாவின் நடிப்பும் நன்று.

நாயகனின் தந்தையாக நடித்திருக்கும் ஆடுகளம் நரேனின் அனுபவம் வாய்ந்த நடிப்பு படத்திற்கு பலம் சேர்த்திருக்கிறது. நாயகனின் அம்மாவாக நடித்திருக்கும் தேவி மகேஷ், அழகு மற்றும் அளவான நடிப்பு மூலம் கவர்கிறார். ஒளிப்பதிவாளர் ரயீஷ் அஹ்மத், காட்டின் அமைதியையும், ஆபத்தையும் பார்வையாளர்கள் அச்சமடையும் வகையில் காட்சிப்படுத்த முயற்சித்திருக்கிறார். ஆனால், வனப்பகுதியின் பெரும்பாலான காட்சிகள் பகல் நேரத்தில் நடப்பதாலும், அடர்ந்த வனப்பகுதி அல்லாத இடங்களில் காட்சிகள் பயணிப்பதாலும் நம்மால் அச்சமடைய முடியவில்லை. கிராபிக்ஸ் காட்சிகள் மூலம் மேற்கொண்ட மிரட்டல் முயற்சிகளும் பெரும் தோல்வியடைந்திருக்கிறது.

ராஜ்குமார் சந்திரசேகரனின் பின்னணி இசை மற்றும் வித்தியாசமான ஒலிகள் கவனம் ஈர்க்கிறது. நாயகன் கதாபாத்திரம் மட்டுமே பயணிக்கும் இரண்டாம் பாதியில், பின்னணி இசை பார்வையாளர்களின் கவனத்தை கட்டிப்போடும் விதத்தில் பயணித்திருக்கிறது.

ஆபத்து நிறைந்த ஒரு பயண கதையை சுவாரஸ்யமாக சொல்ல முயற்சித்திருக்கும் இயக்குநருக்கு பெரும் துணையாக பயணித்திருக்கும் படத்தொகுப்பாளர் ஆர்.சி.பிரணவ், முதல் பாதி முழுவதையும் மிக மெதுவாக நகர்த்தியிருப்பது பார்வையாளர்களை சோர்வடைய வைக்கிறது. இருந்தாலும், இரண்டாம் பாதியில் கதையை வேகமாக விவரித்திருப்பதோடு, சில எதிர்பார்க்காத திருப்பங்கள் மூலம் படத்துடன் பார்வையாளர்களை ஒன்றிவிட செய்து விடுகிறார்.

இயக்குநர் அஷ்ரப், ஒரு புகைப்பட கலைஞரின் பயணத்தை கருவாக வைத்துக்கொண்டு, எழுதியிருக்கும் திரைக்கதை உயிர் பிழைக்கும் தனிமனித போராட்டத்தையும், சாகசத்தையும் காட்சி மொழியில் விவரிக்க முயற்சித்திருக்கிறது.

துவக்கம் முதலே மெதுவாக நகரும் படம், கதைக்குள் பயணிக்க தடுமாறுவதும், நேரத்தை கடத்துவதற்காக கையாளப்பட்ட காட்சிகள் திணிக்கப்பட்டவையாக இருப்பதால் முதல் பாதி படம் பார்வையாளர்களை சோர்வடைய வைத்து விடுகிறது. இரண்டாம் பாதியில் கதை தொடங்குவதும், இயற்கை, அம்மா – மகன் செண்டிமெண்ட், அதன் மூலம் ஏற்படும் உளவியல் பாதிப்பு ஆகியவற்றின் மூலம் திரைக்கதையில் சுவாரஸ்யம் தொற்றிக்கொண்டு படம் கவனம் ஈர்க்கிறது.

இருந்தாலும், நாயகனின் காட்டு பயணத்தையும், அதில் அவர் எதிர்கொள்ளும் மர்மங்களையும் பார்ப்பதற்கு அதிகம் பொறுமை தேவை.

மொத்தத்தில், ‘போட்டோகிராபர்’ சிறப்பு .

Read More

’ஜி.டி.என்’ திரைப்பட விமர்சனம்

 ’ஜி.டி.என்’ திரைப்பட விமர்சனம்

ஜி.டி.நாயுடு யார் ? என்பது பற்றி தமிழ் மற்றும் வரலாற்று பாடப்புத்தகங்களில் மேலோட்டமாக அல்லது பொது அறிவு சார்ந்த சிறு கட்டுரையாக படித்திருப்போம். ஆனால், ஜி.டி.நாயுடு என்ற சாதனையாளர் அந்த சிறு கட்டுரைக்குள் அடங்க கூடியவர் அல்ல, அவர் உலக நாடுகள் கொண்டாடிய மாபெரும் விஞ்ஞானி மற்றும் தொழில்துறை வல்லுநர் என்பதையும், அவரது கனவுகள் எப்படி சிதைக்கப்பட்டது, அவரது சாதனைப் பயணத்திற்கு இடையூறுகள் யாரால் வந்தது ? என்பதை உண்மைக்கு நெருக்கமாக சொல்வது தான் ‘ஜி.டி.என்’.

கோவையில் பிறந்த கோபால்சாமி துரைசாமி நாயுடு என்ற ஜி.டி.நாயுடுவின் இளம் வயது முதல் அவரது இறப்பு வரை பயணிக்கும் கதையில், அவர் மேற்கொண்ட சாதனைகள் மட்டும் இன்றி அவர் எதிர்கொண்ட சோதனைகளையும் திரை மொழியில் மிக சுவாரஸ்யமாக சொல்லியிருக்கிறார்கள்.

ஜி.டி.நாயுடுவின் கண்டுபிடிப்புகளை ஜெர்மன், அமெரிக்கா உள்ளிட்ட நாடுகள் அங்கீகரித்தாலும், இந்திய அரசு அவரை எந்தவிதத்திலும் அங்கீகரிக்காமல் இருந்ததோடு, அவரது கனவுகளை சிதைக்கும் செயல்களில் எப்படி ஈடுபட்டது, என்பதை தைரியமாக சொலியிருக்கும் இயக்குநர் கிருஷ்ணகுமார் ராம்குமார், நாம் அறிந்திராத பல விசயங்களை எளிமையான முறையில் சொல்லியிருக்கிறார்.

ஜி.டி.நாயுடு கதாபாத்திரத்தில் நடித்திருக்கும் மாதவன், தனது ஸ்டைலிஷ் மற்றும் கம்பீரமான தோற்றத்தின் மூலம் அந்த கதாபாத்திரத்திற்கு கூடுதல் பலம் சேர்த்திருக்கிறார். வீரபாண்டியன் கட்டபொம்மன் என்றால் எப்படி சிவாஜி கணேசன் நினைவு வருகிறதோ, அதுபோல் ஜி.டி.நாயுடு என்றால் முதலில் மாதவன் முகம் தான் நினைவுக்கு வரும். ஜி.டிநாயுடுவின் இளமைக்கால தோற்றம் மற்றும் முதுமைக்கால தோற்றம் என இரண்டிலும் தோற்றத்தில் மட்டும் இன்றி நடிப்பிலும் ஜி.டி.நாயுடு இப்படி தான் இருந்திருப்பாரோ…!, என்று பார்வையாளர்கள் வியக்கும் வகையில் மாதவன் நடித்திருக்கிறார்.

ஜி.டி.நாயுடு கதாபாத்திரத்திற்குப் பிறகு அம்பலவானா கிருஷ்ணன் என்ற வரித்துறை அதிகாரி வேடத்தில் நடித்திருக்கும் ஜெயராம் நடிப்பில் மிரட்டியிருக்கிறார். காமெடி கலந்த நடிகராக பார்த்த ஜெயராம், இதில் வில்லத்தனம் கலந்த நடிப்புடன், ஒரு நேர்மையான அதிகாரியின் கோபத்தையும் மிக நேர்த்தியாக வெளிப்படுத்தி பார்வையாளர்களிடம் பாராட்டு பெறுகிறார்.

ஜி.டி.நாயுடுவின் நண்பராக சிதம்பரம் பிள்ளை கதாபாத்திரத்தில் நடித்திருக்கும் சத்யராஜின் தோற்றம் மற்றும் நடிப்பு படத்திற்கு பெரும் பலம் சேர்த்திருக்கிறது.

துஷாரா விஜயன், பிரியா மணி, அதிதி பாலன், வினய் ராய், கருணாகரன், டீஜே அருணாச்சலம், மோகன் ராமன், தம்பி ராமையா, விஜய் யேசுதாஸ், ஷீலா ராஜ்குமார், பிரிகிடா சாகா, ஷில்பா ஸ்ரீகுமார் உள்ளிட்ட அனைத்து நட்சத்திரங்களும் கதாபாத்திரங்களுக்கு பொருத்தமான தேர்வாக பயணித்திருக்கிறார்கள்.

ஜி.டி.நாயுடு வாழ்ந்த காலக்கட்டத்திற்கு தன் கேமரா மூலம் பார்வையாளர்களை அழைத்துச் செல்லும் ஒளிப்பதிவாளர் அரவிந்த் கமலநாதன், ஜெர்மனி பயணம் மற்றும் ஹிட்லரிடம் விருது வாங்குவது போன்ற காட்சிகளை கிராபிக்ஸ் மூலம் மிக சரியாக கையாண்டு வியக்க வைத்திருக்கிறார்.ஜி.டி.நாயுடு வாழ்ந்த காலத்துச் சூழலை மீட்டெடுக்கும் விதமாகப் பழமை மாறாத கருவிகளின் ஒலியையும், நவீன முறையையும் இணைத்து இசையமைத்திருக்கும் கோவிந்த் வசந்தாவின் இசை காட்சிகளுக்கு உயிரூட்டியிருப்பதோடு, ஒரு கதாபாத்திரமாகவே படம் முழுவதும் வலம் வருகிறது. எந்த ஒரு இடத்திலும் இசையின் தனித்தன்மை தெரியாமல் பயணிக்கும் பின்னணி இசை படத்திற்கு பெரும் பலம் சேர்த்திருக்கிறது.

தனிமனிதனின் வாழ்க்கை வரலாறு கதை என்றாலும், அதை முழுக்க முழுக்க கமர்ஷியல் சினிமா பாணியில் பயணிக்க வைத்திருக்கும் படத்தொகுப்பாளர்கள் பிஜித் பாலா மற்றும் கே.சசி குமார் ஆகியோரது பணி சிறப்பு.

தயாரிப்பு வடிவமைப்பாளர் சிரில் குருவில்லா மற்றும் ஆடை வடிவமைப்பாளர் ஜிஷாத் சம்சுதீன் ஆகியோரது பணி படம் முழுவதும் பேச வைக்கிறது. பழைய வாகனங்கள் முதல் கதாபாத்திரங்கள் அணிந்திருக்கும் ஆடை, அவர்களது பின்னணியில் பயன்படுத்தப்பட்ட பொருட்கள் என அனைத்தையும் மிக கவனமாக கையாண்டிருப்பவர்கள் கடினமாக உழைத்திருப்பது படம் முழுவதும் தெரிகிறது.

கிருஷ்ணகுமார் ராம்குமார் மற்றும் ஆர்.மாதவன் ஆகியோரது திரைக்கதை ஜி.டி.நாயுடு பற்றிய பல விசயங்களை திரைமொழியில் மிக நேர்த்தியாக சொல்லியிருக்கிறது. ஜி.டி.நாயுடுவின் பயணம் மற்றும் சாதனையோடு, அவர் எதிர்கொண்ட பிரச்சனைகளை திரை மொழியில் சுருக்கமாகவும், சுவாரஸ்யமாகவும் சொல்லியிருக்கும் திரைக்கதையாசிரியர்கள், வரித்துறை சம்பவங்களை திரும்ப திரும்ப பேசுவதும், அது தொடர்பான காட்சிகளை ரிப்பீட் மோடில் கையாண்டிருப்பது படத்தை சற்று தொய்வடைய செய்கிறது.

இயக்குநர் கிருஷ்ணகுமார் ராம்குமார், பல்வேறு பயணங்களை கொண்ட ஜி.டி.நாயுடுவின் வாழ்க்கையை எளிமையான முறையில் சொல்லியிருந்தாலும், காட்சிகளை கவனமாக கையாண்டு ஒரு நேர்த்தியான படமாக கொடுத்திருக்கிறார்.

ஜி.டி.நாயுடுவின் சாதனைகளும், சோதனைகளும் ஒரு பக்கம் இருந்தாலும், இறுதியில் தன் சொத்துக்களை காப்பாற்றிக் கொள்வதற்காக அவர் போடும் திட்டம் சற்று நெருடலாக இருக்கிறது. அதே சமயம், வெற்றிக்காக எதையும் செய்ய தயாராக இருக்கும் தொழிலதிபர்களுக்கு மத்தியில் தனது கனவுகள் சிதைக்கப்பட்டாலும் சரி, தனது சாதனைப் பயணம் தடுத்து நிறுத்தப்பட்டாலும் சரி, ”தவறான வரியை செலுத்தி, எதிர்கால தலைமுறைக்கு தவறான முன்னுதாரணமாக இருக்க மாட்டேன்”, என்ற கொள்கையுடன் வாழ்ந்த ஜி.டி.நாயுடுவை இந்த படம் மூலம் இந்தியாவும் கொண்டாடும்.

மொத்தத்தில், ‘ஜி.டி.என்’ நிச்சயம் பார்க்க வேண்டிய படம்.

Read More